കേസ് പോകുന്ന പോക്ക്... വീട്ടില് കയറി തല്ലി തെറി വിളിച്ച് മുണ്ട് പറിച്ച് ചൊറിയണം തേച്ച് കരിയോയില് ഒഴിച്ച് ലാപ്ടോപ്പും മൊബൈലും മോഷ്ടിച്ച കേസില് വഴിത്തിരിവ്; വിജയ് പി നായരെ അകത്താക്കിയതിന് പിന്നാലെ നിയമം കൈയ്യിലെടുത്ത് അതിനെ ന്യായീകരിച്ച ഭാഗ്യലക്ഷ്മിയേയും കൂട്ടരേയും പൊക്കാനൊരുങ്ങി പോലീസ്
സ്ത്രീകളെ അപമാനിക്കുന്ന വീഡിയോ ചെയ്ത വിജയ് പി നായരെ വീട്ടില് കയറി തല്ലിയ ശേഷം ഭാഗ്യ ലക്ഷ്മിയും ദിയ സനയും ശ്രീ ലക്ഷ്മി അറയ്ക്കലും പറഞ്ഞത് ഇത് നിയമം നടപ്പിലാക്കാത്ത അധികാരികളുടെ മുഖത്ത് കൂടിയുള്ള തല്ലാണെന്നാണ്. എന്നാല് ആ തല്ല് കിട്ടിയ സര്ക്കാര് തന്നെ തങ്ങളെ രക്ഷിക്കണമെന്നാണ് ഇവര് ചാനല് ചര്ച്ചകളിലൂടെ വാദിക്കുന്നത്. ശരി, സ്ത്രീസുരക്ഷയ്ക്ക് പ്രാധാന്യം നല്കുന്ന സര്ക്കാര് യൂ ട്യൂബറെ പിടിച്ച് അകത്തിട്ടു. ഒരിക്കലും പുറത്തിറങ്ങാന് പറ്റാത്ത വിധം. മാത്രമല്ല അദ്ദേഹത്തിന്റെ യൂട്യൂബ് ചുരുട്ടി കൂട്ടുകയും ചെയ്തു. മാത്രമല്ല ഭാഗ്യലക്ഷ്മിയേയും കൂട്ടര്ക്കും എതിരെ ജാമ്യമില്ലാ കേസ് ചുമത്തിയെങ്കിലും അറസ്റ്റ് ചെയ്തില്ല. മുന്കൂര് ജാമ്യം ലഭിക്കാന് പരമാവധി വൈകിപ്പിക്കുകയും ചെയ്തു.
ഇതോടെ സര്ക്കാരിനെ കുറ്റം പറഞ്ഞ ഭാഗ്യലക്ഷ്മിയുടേയും കൂട്ടരുടേയും കണ്ണ് നിറഞ്ഞു. പക്ഷെ മുഖത്തടിയേറ്റ സര്ക്കാര് ആ അടി മറക്കുമോ. ഇല്ല. മുന്കൂര് ജാമ്യത്തിനായി കോടതിയിലെത്തിയ കേസില് ഇവര്ക്ക് ജാമ്യം നല്കരുതെന്ന കര്ശന നിലപാടാണ് പ്രോസിക്യൂഷന് എടുത്തത്. ഇവര് ചെയ്തത് മാപ്പര്ഹിക്കാത്ത കുറ്റമാണ്. എന്തിന്റെ പേരിലാണെങ്കിലും വീട്ടില് കയറി അക്രമിക്കുന്നത് അംഗീകരിക്കാന് പറ്റില്ല. ഇന്നിവര് നിയമം കൈയ്യിലെടുത്തത് ലളിതമാക്കിയാല് നാളെ ഇത് മുതലാക്കി പലരും തല്ലാന് വന്ന് ഈ ന്യായം പറയും. ഈ നാട്ടില് നിയമം എല്ലാവര്ക്കും ഒന്നാണ്. അതിനാല് തന്നെ ജാമ്യം നല്കരുതെന്നാണ് സര്ക്കാര് പറയുന്നത്. ഇതോടെ ഭാഗ്യലക്ഷ്മിയും കൂട്ടരും പെട്ടിരിക്കുകയാണ്.
ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി, ആക്ടിവിസ്റ്റായ ദിയ സന, ശ്രീലക്ഷ്മി അറയ്ക്കല് എന്നിവരുടെ മുന്കൂര് ജാമ്യാപേക്ഷയാണ് സര്ക്കാര് എതിര്ത്തത്. തിരുവനന്തപുരം രണ്ടാം അഡീഷണല് സെഷന്സ് കോടതിയാണ് ഇവരുടെ ജാമ്യേപേക്ഷ പരിഗണിച്ചത്. മുന്കൂര് ജാമ്യം അനുവദിക്കുകയാണെങ്കില് അത് നിയമം കൈയിലെടുക്കുന്നവര്ക്ക് പ്രചോദനമുണ്ടാകും, കൂടുതല് നിയമലംഘകരുണ്ടാകും എന്ന് പ്രോസിക്യൂഷന് വാദിച്ചു.
യുട്യൂബിലൂടെ വനിതകളെക്കുറിച്ച് അസഭ്യം പറഞ്ഞതിന് വിജയ് പി. നായരെ ഭാഗ്യലക്ഷ്മി ഉള്പ്പെടെയുള്ള വനിതകള് ആക്രമിച്ച കേസിലാണ് അവര് മുന്കൂര് ജാമ്യം തേടിയത്. നിയമലംഘനം നടത്തിയെങ്കില് പോലീസിനെയോ കോടതിയെയോ സമീപിക്കേണ്ടതിനുപകരം നിയമം കൈയിലെടുക്കുകയാണ് പ്രതികള് ചെയ്തതെന്ന് പബ്ലിക് പ്രോസിക്യൂട്ടര് എന്.സി. പ്രിയന് വാദിച്ചു.
വിജയ് പി. നായരെ ക്രൂരമായി മര്ദിച്ച പ്രതികള് അയാളെ തെറിവിളിച്ചശേഷം അടിക്കുകയും അയാളുടെ മുണ്ട് പറിച്ചെടുക്കുകയും ചെയ്തു. 12 മിനിറ്റുള്ള വീഡിയോയില് ഇതെല്ലാം വ്യക്തമായി കാണാമെന്ന് മെന്സ് റൈറ്റ് അസോസിയേഷന് കോടതിയെ അറിയിച്ചു. അടികൊള്ളുന്ന വിജയ് പി. നായര് പ്രതികളെ മാഡം എന്നല്ലാതെ മറ്റൊന്നും വിളിക്കുന്നില്ലായിരുന്നു. എന്നിട്ടും തന്നെ അപമാനിച്ചു എന്നുപറഞ്ഞ് ഭാഗ്യലക്ഷ്മി നല്കിയ കേസില് ഇപ്പോഴും വിജയ് പി. നായര് ജയിലിലാണ്. ആക്രമിച്ച പ്രതികള് പുറത്തുനില്ക്കുമ്പോള് ഇര അഴിക്കുള്ളിലാണെന്ന് അസോസിയേഷന് വാദിച്ചു. ഇതിനെ പബ്ലിക് പ്രോസിക്യൂട്ടര് പിന്താങ്ങി.
പ്രശ്നപരിഹാരത്തിന് വിളിച്ചുവരുത്തിയശേഷം അസഭ്യം പറഞ്ഞ് വിജയ് പി. നായര് ഭാഗ്യലക്ഷ്മി അടക്കമുള്ളവരെ ആക്രമിച്ച് അപമാനിച്ചെന്ന് ഭാഗ്യലക്ഷ്മിയുടെ അഭിഭാഷകനും വാദിച്ചു.
ഭാഗ്യലക്ഷ്മിയെക്കൂടാതെ വെമ്പായം സ്വദേശിനി ദിയാസന, കണ്ണൂര് സ്വദേശിനി ശ്രീലക്ഷ്മി അറയ്ക്കല് എന്നിവരാണ് കേസിലെ മറ്റു പ്രതികള്. ജാമ്യാപേക്ഷയില് ഈ മാസം ഒന്പതിന് കോടതി വിധിപറയും. എന്തായാലും സര്ക്കാരിന്റെ കടുത്ത നിലപാട് ജാമ്യം കിട്ടാന് ഏറെ ബുദ്ധിമുട്ടാണ്. ജാമ്യം കിട്ടിയില്ലെങ്കില് ഒരു ദിവസമെങ്കിലും ജയിലല് പോകേണ്ട ഗതി വരുമെന്ന കാര്യം ഉറപ്പാണ്.
https://www.facebook.com/Malayalivartha
