എല്ലാം പിണറായി വിജയന്‍ന്റെ അനുഗ്രഹം എന്നല്ലാതെ എന്ത് പറയാനാണ് .കേരളം ലജ്ജിക്കുകയാണ് .ഇത്തരത്തിലുള്ള ഗതികെട്ട അവസ്ഥ പിണറായിക്ക് നേരിടേണ്ടി വന്നല്ലോ എന്നതിനെ ചൊല്ലി .പിണറായി പോലും അറിയാതെ അദ്ദേഹത്തിന്റെ ഓഫീസില്‍ നടത്തിയ വന്‍ ഗൂഢാലോചനകള്‍ എങ്ങനെ ഇത്ര കൃത്യമായി അന്വേഷണ സംഘം തിരിച്ചറിഞ്ഞു .അപ്പോള്‍ മുഖ്യനെ വിറ്റ കാശു വരെ ശിവശങ്കറിന്റെ മടിക്കുത്തില്‍ ഉണ്ടായിരുന്നിരിക്കണം .വിശ്വസ്ത പട്ടം അലങ്കരിച്ച ശിവശങ്കറിനെ പിണറായി ഏതൊരു രാഷ്ട്രീയ ശത്രുവിനേക്കാള്‍ പതിന്മടങ്ങ് വെറുക്കുന്നുണ്ട് .പക്ഷെ ചുമ്മാ വെറുക്കാനും നെറ്റിചുളിക്കാനും മാത്രമേ അദ്ദേഹത്തിന് ഈ അവസരത്തില്‍ കഴിയുകയുള്ളു എന്ന് പറയേണ്ടിയിരിക്കുന്നു .

പിണറായുടെ തലയില്‍ കയറി ഇരുന്നു സസ്പെന്‍ഷനില്‍ ആകുന്നതിനു മുന്‍പേ ശിവശങ്കര്‍ ചെവി കടിച്ചെടുത്ത കഥ തെളിവുസഹിതമാണ് പുറത്തുകൊണ്ട് വന്നത് .സ്വപ്നയെ അകമഴിഞ്ഞു സഹായിച്ച ശിവശങ്കറിന്റെ ഔദ്യോഗിക കൃത്യ വിലോപം കണ്ട് കേരളീയര്‍ തലയില്‍ കൈവച്ചിരിക്കാന്‍ തുടങ്ങിയിട്ട് മാസങ്ങള്‍ കഴിഞ്ഞു .കേരളത്തിലെ കള്ളക്കടത്തും വന്‍ തോതിലുള്ള അനധികൃത പണമിടപാടുമെല്ലാം എങ്ങനെ മുഖ്യന്റെ ഓഫീസുമായി കൂട്ടികെട്ടാന്‍ കഴിയും എന്ന ചോദ്യത്തിന് കൂടിയുള്ള മറുപടിയായി സ്വപ്നയ്ക്ക് ലഭിച്ച അകമഴിഞ്ഞ സഹായം വ്യക്തമാകുന്നു .

തിരുവനന്തപുരത്ത് കണ്ണേറ്റുമുക്കില്‍ 9.7 സെന്റ് സ്ഥലവും കരമനയിലുള്ള 1.5 സെന്റ് സ്ഥലവും ,2019 നവംബര്‍ മുതല്‍ സ്‌പേസ് പാര്‍ക്കില്‍ നിന്നും ലഭിച്ച 1.07 ലക്ഷം രൂപ ശമ്പളവുമെല്ലാം അത്തരത്തിലുള്ള അകമഴിഞ്ഞ സഹായത്തിന്റെ ഫലമാണ് എന്നത് വ്യക്തമാക്കുന്നു .
സംസ്ഥാന സര്‍ക്കാരിന്റെ തിളക്കമാര്‍ന്ന പരിപാടികളില്‍ ഒന്നായ ലൈഫ് മിഷന്‍ പദ്ധതിയുടെ കരാര്‍ ലഭിക്കാന്‍ ശിവശങ്കര്‍ സഹായിച്ചതായി യുണിടാക് എംഡി സന്തോഷ് ഈപ്പന്‍ മൊഴി നല്‍കിയതോടെയാണ് മുഖ്യന്റെ എല്ലാ വാദങ്ങളും പൊള്ളത്തരമായിരുന്നു എന്ന തരത്തിലേക്ക് കൊണ്ടെത്തിച്ചിരിക്കുന്നത് . എന്‍ഫോഴ്‌സമെന്റ് ഡയറക്ടറേറ്റ് (ഇഡി) നല്‍കിയ പ്രാഥമിക കുറ്റപത്രത്തിലാണ് ഈ വിവരം. സ്വപ്നയുടെ നിര്‍ദേശപ്രകാരമാണു യൂണിടാക് പ്രതിനിധികള്‍ ശിവശങ്കറിനെ കണ്ടത്.

അദ്ദേഹത്തിന്റെ നിര്‍ദേശപ്രകാരം ലൈഫ് മിഷന്‍ സിഇഒയെ കണ്ടതായും കരാര്‍ ലഭിച്ചതായും സന്തോഷ് മൊഴി നല്‍കി. ഈ കൂടിക്കാഴ്ചയക്കു മുന്‍പു തന്നെ 1.08 കോടി രൂപ തനിക്കു കമ്മിഷന്‍ ലഭിക്കുമെന്നു സ്വപ്ന ഉറപ്പാക്കിയിരുന്നതായും സെഷന്‍സ് കോടതിയില്‍ ഇഡി അസി. ഡയറക്ടര്‍ പി.രാധാകൃഷ്ണന്‍ നല്‍കിയ കുറ്റപത്രത്തില്‍ വ്യക്തമാക്കുന്നുണ്ട് .

സ്വര്‍ണക്കടത്തിന്റെ മറവില്‍ പി.എസ്. സരിത്, സ്വപ്ന സുരേഷ്, സന്ദീപ് നായര്‍ എന്നീ പ്രതികള്‍ വന്‍തോതില്‍ കള്ളപ്പണം വെളുപ്പിച്ചതായി തെളിവു സഹിതം കുറ്റപത്രത്തിലുണ്ട്. സ്വപ്നയുടെ ബാങ്ക് ലോക്കറിലും അക്കൗണ്ടുകളിലും കണ്ടെത്തിയ പണത്തിന്റെയും സ്വര്‍ണത്തിന്റെയും ഉറവിടം രേഖാമൂലം വെളിപ്പെടുത്താന്‍ അവര്‍ക്കു കഴിഞ്ഞിട്ടില്ല.എന്നാല്‍ അതിനായുള്ള തിരച്ചില്‍ മുന്നേറുന്നതിനാല്‍ തന്നെ എപ്പോള്‍ വേണമെങ്കിലും അവ മറനീക്കി പുറത്തുവന്നേക്കും .നയതന്ത്ര പാഴ്‌സലിനുള്ളില്‍ കടത്തുന്ന ഓരോ കിലോഗ്രാം സ്വര്‍ണത്തിനും 1000 യുഎസ് ഡോളര്‍ വീതമാണു കോണ്‍സല്‍ ജനറലിനു നല്‍കാനെന്നു പറഞ്ഞു കൂട്ടുപ്രതികളായ കെ.ടി. റമീസ്, സന്ദീപ് നായര്‍ എന്നിവരില്‍നിന്നു സ്വപ്നയും സരിത്തും വാങ്ങിയതെന്നും കുറ്റപത്രത്തില്‍ പറയുന്നു. കൂടുതല്‍ കമ്മിഷന്‍ നേടാന്‍, യുഎഇ കോണ്‍സല്‍ ജനറലിന്റെ അറിവോടെയാണു സ്വര്‍ണക്കടത്തെന്നു സ്വപ്ന കൂട്ടുപ്രതികളെ തെറ്റിദ്ധരിപ്പിച്ചതെന്ന സരിത്തിന്റെ മൊഴിയും കുറ്റപത്രത്തില്‍ പരാമര്‍ശിക്കുന്നു.ഇതിന്റെ അടിസ്ഥാനത്തില്‍ സ്വപ്നയ്ക്ക് കൂടുതല്‍ പ്രചോദനവും കരുത്തും പകരാന്‍ കാര്യം ശിവശങ്കറിനെ പോലുള്ള ഉന്നത അധികാരികള്‍ ഏതു വൃത്തികെട്ട പരിപാടികള്‍ക്കും കൂടെയുണ്ട് എന്നത് തന്നെയാണ് എന്ന് പകലുപോലെ വ്യക്തമാണ് .