ഈ വര്ഷത്തെ വയലാര് രാമവര്മ്മ സാഹിത്യ പുരസ്കാരം പ്രശസ്ത കവി ഏഴാച്ചേരി രാമചന്ദ്രന്... ഒരു വെര്വീജിയന് വെയില്ക്കാലം എന്ന കവിതാസമാഹാരത്തിനാണ് പുരസ്കാരം
44ാമത് വയലാര് രാമവര്മ്മ സാഹിത്യ പുരസ്കാരത്തിന് ഏഴാച്ചേരി രാമചന്ദ്രന് അര്ഹനായി. ഒരു വെര്വീജിയന് വെയില്ക്കാലം എന്ന കവിതാസമാഹാരത്തിനാണ് പുരസ്കാരം. വയലാര് രാമവര്മ്മ മെമ്മോറിയല് ട്രസ്റ്റ് പെരുമ്ബടവം ശ്രീധരനാണ് പുരസ്കാരം പ്രഖ്യാപിച്ചത്. ഒരു ലക്ഷം രൂപയും പ്രശസ്ത ശില്പ്പി കാനായി കുഞ്ഞിരാമന് വെങ്കലത്തില് നിര്മ്മിക്കുന്ന ശില്പവുമാണ് അവാര്ഡ്. ഡോ കെ പി മോഹനന്, ഡോ എന് മുകുന്ദന്, പ്രൊഫ. അമ്ബലപ്പുഴ ?ഗോപകുമാര് എന്നിവരായിരുന്നു അവാര്ഡ് നിര്ണ്ണയ കമ്മിറ്റി അംഗങ്ങള്.
കോട്ടയം ജില്ലയിലെ മീനച്ചില് താലൂക്കില് രാമപുരം പഞ്ചായത്തിലെ ഏഴാച്ചേരി ഗ്രാമത്തില് ജനിച്ച ഏഴാച്ചേരി രാമചന്ദ്രന് ദേശാഭിമാനി വാരാന്തപ്പതിപ്പിന്റെ പത്രാധിപരായിരുന്നു. മൂന്നു തവണ സംസ്ഥാന സര്ക്കാരിന്റെ അവാര്ഡ് ഉള്പ്പെടെ പ്രൊഫഷണല് നാടക ഗാനരചനയ്ക്ക് വിവിധ പുരസ്കാരങ്ങള് നേടിയിട്ടുണ്ട്. കേരള സാഹിത്യ അക്കാദമി നിര്വ്വാഹക സമിതി അംഗം, ചലച്ചിത്ര അക്കാദമി അംഗം എന്നീ നിലകളില് പ്രവര്ത്തിച്ചിട്ടുണ്ട്.
പുരോഗമന കലാ സാഹിത്യ സംഘം സംസ്ഥാന വൈസ് പ്രസിഡന്റുമാരിലൊരാളാണ്. സാഹിത്യപ്രവര്ത്തക സഹകരണസംഘം പ്രസിഡന്റ് ആയി പ്രവര്ത്തിക്കുന്നു. ചന്ദനമണിവാതില് പാതിചാരി എന്നു തുടങ്ങുന്ന ഗാനമുള്പ്പെടെ മുപ്പതിലധികം ചലച്ചിത്രഗാനങ്ങള് രചിച്ചിട്ടുണ്ട്.
"
https://www.facebook.com/Malayalivartha
