സംസ്ഥാനത്ത് ശക്തമായ മഴ... ഏഴ് ജില്ലകളില് ഇന്ന് യെല്ലോ അലര്ട്ട്... നെയ്യാര് ഡാമിന്റെ നാലു ഷട്ടറുകളും ഉയര്ത്തി, പുഴയുടെ തീരത്തുള്ളവര് ജാഗ്രത പാലിക്കണമെന്നും നിര്ദേശം
സംസ്ഥാനത്ത് ശക്തമായ മഴ. നെയ്യാര് ഡാമിന്റെ നാലു ഷട്ടറുകളും ഉയര്ത്തി. നിലവില് 20 സെന്റീമീറ്റര് വീതമാണ് ഷട്ടറുകള് ഉയര്ത്തിയിരിക്കുന്നത്. മാത്രമല്ല, ഡാമിന്റെ വൃഷ്ടി പ്രദേശത്ത് കനത്ത മഴയാണ് ഇപ്പോഴും ലഭിച്ചുകൊണ്ടിരിക്കുന്നത്.
അതേസമയം ഇന്ന് രാവിലെ നാല് ഷട്ടറുകള് കൂടി പത്ത് സെന്റീമീറ്റര് കൂടി ഉയര്ത്തുമെന്ന് ജില്ലാ കലക്ടര് അറിയിച്ചിട്ടുണ്ട്. അതുകൊണ്ടുതന്നെ പുഴയുടെ തീരത്തുള്ളവര് ജാഗ്രത പാലിക്കണമെന്നും നിര്ദേശം നല്കിയിട്ടുണ്ട്.
വിവിധ ജില്ലകളില് ഇന്നും ശക്തമായ മഴ തുടരുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. വടക്കന് കേരളത്തിലാകും മഴ ശക്തമാകുക. തൃശൂര് മുതല് കാസര്കോട് വരെയുളള ഏഴ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഉച്ചയ്ക്ക് ശേഷം ഇടിമിന്നലോട് കൂടിയ ശക്തമായ മഴയ്ക്കാണ് സാദ്ധ്യത.
തെലങ്കാനയ്ക്ക് മുകളിലുളള തീവ്രന്യൂനമര്ദ്ദം ഇന്ന് കൂടുതല് ദുര്ബലമാകും. വൈകീട്ടോടെ മുംബയ് തീരം വഴി ന്യൂനമര്ദ്ദം അറബിക്കടലില് പ്രവേശിക്കും. മണിക്കൂറില് 55 കിലോമീറ്റര് വേഗത്തില് കാറ്റുവിശാനിടയുളളതിനാല് കേരള തീരത്ത് മത്സ്യബന്ധനത്തിന് പോകരുതെന്നാണ് നിര്ദേശം.
https://www.facebook.com/Malayalivartha
