ജോസ് കെ മാണി എല്ഡിഎഫിലേയ്ക്ക് ചെല്ലുമ്പോള്... ജാസ്. കെമാണി എന്ന യുഡിഎഫിന്റെ കുരുത്തം കെട്ടവന് ഇനി എകെജി സെന്ററിന്റെ ഐശ്വര്യം
15 OCTOBER 2020 07:20 AM IST
മലയാളി വാര്ത്ത
ജോസ് കെ മാണിയുടെ എൽ ഡി എഫ് പ്രവേശത്തിൽ എല്ലാവർക്കും ഉണ്ടാകുന്ന സംശയം -മുങ്ങിത്താഴാൻ തുടങ്ങുന്ന കപ്പലിലേക്ക് എന്തിനാണ് ചാടിക്കയറുന്നത് എന്നാണ് ?ശരിയാണ്. എൽ ഡി എഫിൻ്റെ കാര്യത്തിൽ എല്ലാം ശരിയായിരിക്കുകയാണല്ലോ? ജോസ് കെ മാണി അഭിമാന പ്രശ്നമാണ് ഇവിടെ വലുത്. പാലായിൽ പരാജയപ്പെടുത്തി മാണി എന്ന വലിയ മനുഷ്യനോട് അനാദരവ് കാണിച്ചു. എന്നിട്ട് ജോസഫിനെ എടുത്ത് തലയിലും വെച്ചിരിക്കുന്നു. cpm-ന് ചില കണക്കുകൂട്ടലും സ്വപ്നവും ഉണ്ട്. സ്വപ്നം കാണുന്നതിന് നികുതി കൊടുക്കണ്ടല്ലോ. മദ്ധ്യതിരുവിതാംകൂറിലെ ക്രൈസ്തവ വിഭാഗങ്ങൾക്കിടയിൽ പിന്തുണ ഉറപ്പിക്കാൻ ജോസിൻ്റെ രംഗപ്രവേശം സഹായിക്കുമെന്ന വിലയിരുത്തലാണ് അവർക്ക് ഉള്ളത്. പ്രിയ സഖാക്കന്മാരെ, മധ്യ തിരുവിതാംകൂറിലെ ക്രൈസ്തവരും അരിയാഹാരം കഴിക്കുന്നവരാണ്. അവർ ഇവിടെ നടക്കുന്നതു ട ർ കഥകൾ കാണുകയും വായിക്കുകയും ചെയ്യുന്നുണ്ട്. നിയമസഭാ തെരഞ്ഞെടുപ്പിൽ 12 സീറ്റ് നൽകണമെന്നാണ് ജോസ് വിഭാഗം എൽ ഡി എഫിനോട് ആവശ്യപ്പെട്ടിരിക്കുന്നത്.ഇതിൽ കാഞ്ഞിരപ്പള്ളി, പാലാ സീറ്റുകളുടെ വിഷയത്തിലാണ് തർക്കം നിലനിൽക്കുന്നത്.പാലാ തൻ്റെ ചങ്ക് ആണെന്ന് പറഞ്ഞാണ് മാണി സി കാപ്പൻ എങ്കിൽ പാലാ തൻ്റെ ഹൃദയമാണ് എന്നാണ് ജോസിന് പറയാനുള്ളത്. ഏതായാലും ചങ്കും ഹൃദയവും എല്ലാം ഇനി ഇരട്ട ചങ്കൻ തീർച്ചപ്പെടുത്തി കൊള്ളും.പാലാ സീറ്റിൻ്റെ കാര്യത്തിൽ ഒരു തീർപ്പ് ഇല്ലാതെ ജോസ് LDF ലേക്ക് പോകുമോ?
ജോസ് ഇടതുപക്ഷത്തേക്ക് എത്തുമ്പോൾ നെഞ്ചു പൊട്ടുന്നത് മാണി സി കാപ്പനാണ്. തൻ്റെ പാലാ സീറ്റ് നഷ്ടപ്പെടുമോ എന്നുള്ള മുറവിളിയാണ്. നമ്മൾക്ക് അറിയാം പാലാ യോട് ആത്മബന്ധമുള്ളത് മാണി വിഭാഗത്തിനാണ്. എന്തു പറഞ്ഞാലും പാലായെ പാല ആക്കിയത് മാണിസാർ ആയിരുന്നല്ലോ? യു ഡി എഫിൻ്റെ ബലവും മാണിസാർ ആയിരുന്നല്ലോ? ഇന്ന് ജോസ് വിഭാഗത്തെ LDF ൻ്റെ പാളയത്തിൽ എത്തിച്ചതിൻ്റെ മുഴുവൻ ഉത്തരവാദിത്വവും യു ഡി എഫു നും കോൺഗ്രസ്സിനും ഉള്ളതാണ്. അല്ലെങ്കിൽ എന്തുകൊണ്ടും ഒരു അനുകൂല സാഹചര്യം കിട്ടിയിരിക്കുമ്പോൾ ജോസ് പക്ഷത്തെ ഇവിടെ തന്നെ നിർത്താൻ അല്ലേ ശ്രമിക്കേണ്ടത്? കോൺഗ്രസ്സിനെ സംബന്ധിച്ചിടത്തോളം അവരുടെ പാർട്ടിയിലെ ഗ്രൂപ്പിനെയും കലഹത്തെയും അടക്കി നിർത്താൻ അവർക്ക് കഴിയുന്നില്ല. ആദ്യം മുന്നണിയിൽ ഒരു കെട്ടുറപ്പ് ഭദ്രത കൈവരുത്തുക. രാഷ്ട്രീയത്തിൽ സമവാക്യങ്ങൾ മാറിമറിയും. കേരള കോൺഗ്രസ്സ് എപ്പോഴും ഇരു മുന്നണികൾക്കും നിർണ്ണായകമാണ്. കാരണം അവരുടെ സ്വാധീനം വലുതാണ്. അതിൻ്റെ ചരിത്രം അത്ര വലുതാണ്. എൽ ഡി എഫിനെ സംബന്ധിച്ചിടത്തോളം ജോസ് പക്ഷത്തെ അവർക്ക് കിട്ടിയത് ഗുണകരമാണ്. ഊർധ് ശ്വാസം വലിക്കുന്ന പാർട്ടിക്ക് ജീവശ്വാസവുമായിട്ടാണ് ജോസ് പക്ഷം എത്തുന്നത്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
