മാനസിക വെല്ലുവിളി നേരിടുന്ന യുവതിയെ ലൈംഗികമായി പീഡിപ്പിച്ച സംഭവത്തില്‍ പാസ്റ്ററെ പോലീസ് അറസ്റ്റ് ചെയ്യുകയുണ്ടായി. പീഡനത്തിന് ഒത്താശ ചെയ്ത യുവതിയുടെ ഭര്‍ത്താവിനെയും പോലീസ് അറസ്റ്റ് ചെയ്തുവെന്നാണ് വിവരം. ചികിത്സയ്ക്ക് എന്ന പേരില്‍ എറണാകുളത്ത് എത്തിച്ച് ആയിരുന്നു ഇരുവരും യുവതിയെ പീഡനത്തിന് ഇരയാക്കിയത് എന്നാണ് പോലീസ് വ്യക്തമാക്കുന്നത്.

അതേസമയം കുട്ടികളില്ലാത്ത യുവതിയെ ചികിത്സിക്കണമെന്ന് പറഞ്ഞാണ് ഭര്‍ത്താവ് പാസ്റ്ററിന്റെ അടുത്തേക്ക് കൂട്ടിക്കൊണ്ടു പോയത്. 40 ശതമാനത്തോളം മാനസിക വെല്ലുവിളി നേരിടുന്ന യുവതി എതിര്‍ത്തിട്ടും ഭര്‍ത്താവ് കഴുത്തിന് പിടിച്ച് ഭീഷണിപ്പെടുത്തുക ആയിരുന്നു എന്നും പ്രാഥമിക അന്വേഷണത്തില്‍ പോലീസ് കണ്ടെത്തിയിരുന്നു.

എന്നാൽ പീഡന വിവരം അറിഞ്ഞ സഹോദരിയാണ് ഇവര്‍ക്ക് എതിരെ പോലീസില്‍ പരാതിപ്പെട്ടത്. ഇതോടെ ഒന്നാം പ്രതി യുവതിയുടെ ഭര്‍ത്താവിനെയും രണ്ടാം പ്രതി പാസ്റ്റര്‍ വില്യം ജോണിനെയും പോലീസ് അറസ്റ്റ് ചെയ്തത് തന്നെ. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.