മയക്കുമരുന്ന് കേസുമായി ബന്ധപ്പെട്ട് അറസ്റ്റിലായ ബിനീഷ് കോടിയേരിയുടെയും ഭാര്യയുടെയും സ്വത്തുവകകൾ കണ്ടുകെട്ടാന് എന്ഫോഴ്സ്മെന്റ് ഡയറക്ടറേറ്റിന്റെ തീരുമാനം...
ബെംഗളൂരു മയക്കുമരുന്ന് കേസുമായി ബന്ധപ്പെട്ട് അറസ്റ്റിലായ ബിനീഷ് കോടിയേരിയുടെ മരുതന്കുഴിയിലെ വീടും സ്വത്തുവകകളും കണ്ടുകെട്ടാന് എന്ഫോഴ്സ്മെന്റ് ഡയറക്ടറേറ്റിന്റെ തീരുമാനം. ഇക്കാര്യം ആവശ്യപ്പെട്ട് രജിസ്ട്രേഷന് ഐജിക്ക് ഇഡി കത്തു നല്കി. ബിനീഷിന്റെ സ്വത്തുവകകളുമായി ബന്ധപ്പെട്ട് നേരത്തെയും ഇ.ഡി രജിസ്ട്രേഷന് ഐജിക്ക് കത്തു നല്കിയിരുന്നു. ഇതിന്റെ തുടര്ച്ചയായാണ് ഇപ്പോള് വീടും സ്വത്തുവകകളും കണ്ടുകെട്ടാന് നിര്ദേശം നല്കിയത്.
ബിനീഷിന്റെ ഭാര്യയുടെ പേരിലുള്ള ആസ്തിവകകളും കണ്ടുകെട്ടും. കള്ളപ്പണം വെളുപ്പിക്കല് നിരോധന നിമയപ്രകാരമാണ് ഇ.ഡിയുടെ നടപടി. മയക്കുമരുന്ന് കേസിലെ പ്രതി അനൂപ് മുഹമ്മദിന്റെ ആസ്തിവകകളും കണ്ടുകെട്ടും. സ്വര്ണക്കടത്തുമായി ബന്ധപ്പെട്ട കേസില് കഴിഞ്ഞ മാസമാണ് ബിനീഷിന്റെ ആസ്തിവകകളുടെ കൈമാറ്റം മരവിപ്പിച്ചുകൊണ്ട് കൊച്ചി ഇ.ഡി ഓഫീസ് സസ്ഥാന രജിസ്ട്രേഷന് വകുപ്പിന് കത്ത് നല്കിയിരുന്നത്.
https://www.facebook.com/Malayalivartha