ആലപ്പുഴ അരൂരില്‍ പെയിന്റ് നിര്‍മ്മാണ ഫാക്ടറിയില്‍ വന്‍ തീപിടുത്തം. ഹൈടെക് എന്ന കമ്ബനിയിലാണ് തീപിടുത്തമുണ്ടായത്. ജീവനക്കാര്‍ ഉച്ചഭക്ഷണം കഴിക്കാന്‍ പോയ സമയത്താണ് അപകടമുണ്ടായത്. ഫാക്ടറിയില്‍ തൊഴിലാളികള്‍ കുറവായതിനാല്‍ വന്‍ ദുരന്തമാണ് ഒഴിവായത്.

അരുര്‍ ഫയര്‍ ഫോഴ്‌സ് ഓഫീസിനു സമീപത്താണ് ഈ ഫാക്ടറി സ്ഥിതിചെയ്യുന്നത്. അരൂരില്‍ നിന്നുള്ള ഫയര്‍ഫോഴ്‌സിനു പുറമേ ആലപ്പുഴ, ചേര്‍ത്തല, ഫോര്‍ട്ട്‌കൊച്ചി എന്നിവിടങ്ങളില്‍ നിന്നുള്ള യൂണിറ്റുകളും എത്തി തീയണയ്ക്കാനുള്ള ശ്രമം തുടരുകയാണ്. കോടിക്കണക്കിന് രൂപയുടെ നാശനഷ്ടമാണ് കണക്കാക്കുന്നത്. തീപിടുത്തത്തിനുള്ള കാരണം വ്യക്തമായിട്ടില്ല.