വിശ്വകര്‍മ്മ സമൂഹത്തോട് തികഞ്ഞ അവഗണനക്കാണിക്കുന്നു എന്ന് ആരോപിച്ച് വിശ്വകര്‍മ്മ ഐക്യവേദിയുടെ ആഭിമുഖ്യത്തില്‍ സെക്രട്ടറിയേറ്റിന് മുന്നില്‍ പ്രതീകാത്മക സെക്രട്ടറിയേറ്റ് പണിത് പ്രതിഷേധിക്കുന്നു. നാളെ രാവിലെയാണ് സമരം ആരംഭിക്കുന്നത്. വിശ്വകര്‍മ്മ സമുദായത്തിലെ അഞ്ച് വിഭാഗങ്ങളും ചേര്‍ന്ന് മരത്തിലും, ഇരുമ്ബിലും, ചെമ്ബിലും, കല്ലിലും ഒരേ സമയത്ത് സെക്രട്ടറിയേറ്റിന്റെ രൂപം പണിയും. തുടര്‍ന്ന് അധികാര പ്രഖ്യാപനവും സംഘടിപ്പിക്കുന്നുണ്ട്. വൈകിട്ട് നാല് മണിക്ക് ഗാന്ധി പാര്‍ക്കില്‍ തെരഞ്ഞെടുപ്പ് നയപ്രഖ്യാപനസമ്മേളനവും സംഘടിപ്പിച്ചിട്ടുണ്ട്.