നിയമനം ആവശ്യപ്പെട്ട് സെക്രട്ടേറിയറ്റിന് മുന്പില് ദിവസങ്ങളായി ലാസ്റ്റ് ഗ്രേഡ് റാങ്ക് പട്ടികയിലുള്ള ഉദ്യോഗാര്ഥികള് നടത്തി വരുന്ന സമരം ഒത്തുതീര്പ്പാക്കാന് മുഖ്യമന്ത്രിയുടെ ഇടപെടല്
നിയമനം ആവശ്യപ്പെട്ട് സെക്രട്ടേറിയറ്റിന് മുന്പില് ദിവസങ്ങളായി ലാസ്റ്റ് ഗ്രേഡ് റാങ്ക് പട്ടികയിലുള്ള ഉദ്യോഗാര്ഥികള് നടത്തി വരുന്ന സമരം ഒത്തുതീര്പ്പാക്കാന് മുഖ്യമന്ത്രിയുടെ ഇടപെടല്. സമരക്കാരുമായി ചര്ച്ച നടത്താന് മന്ത്രി എകെ ബാലനെ മുഖ്യമന്ത്രി ചുമതലപ്പെടുത്തി.
ഇന്ന് തന്നെ ചര്ച്ച നടന്നേക്കും.ഒഴിവുകള് റിപ്പോര്ട്ട് ചെയ്യാന് വകുപ്പുകള്ക്ക് നിര്ദേശം നല്കിയതായി കാണിച്ച് ഇന്നലെ സര്ക്കാര് ഉത്തരവിറക്കിയിരുന്നു.
ഇതില് സന്തോഷം പ്രകടിപ്പിച്ച ഉദ്യോഗാര്ഥികള് തുടര്നടപടികള് സ്വീകരിക്കുന്നത് വരെ സമരവുമായി മുന്നോട്ടുപോകുമെന്നാണ് അറിയിച്ചത്.ഉദ്യോഗസ്ഥ പ്രതിനിധികളുമായി ഉദ്യോഗാര്ഥികള് നടത്തിയ ചര്ച്ചയുടെ അടിസ്ഥാനത്തിലായിരുന്നു ഉത്തരവ്. ഇതിന് പിന്നാലെയാണ് സമരം ഒത്തുതീര്പ്പിക്കാന് മന്ത്രിയെ നിയോഗിച്ച് മുഖ്യമന്ത്രിയുടെ ഇടപെടല് ഉണ്ടായത്.
കഴിഞ്ഞ ശനിയാഴ്ച ഉദ്യോഗാര്ഥികളുമായി ആഭ്യന്തര അഡീഷണല് സെക്രട്ടറി ടി കെ ജോസും എഡിജിപി മനോജ് എബ്രഹാമും നടത്തിയ ചര്ച്ചയിലെ തീരുമാനങ്ങളാണ് ഇന്നലെ ഉത്തരവായി വന്നത്.
നിയമപരമായി ചെയ്യാന് കഴിയുന്ന കാര്യങ്ങള് ചെയ്ത് ലിസ്റ്റില്നിന്ന് പരമാവധി നിയമനം നല്കുകയാണ് സര്ക്കാര് നിലപാടെന്നാണ് ഉത്തരവില് പറയുന്നത്.
"
https://www.facebook.com/Malayalivartha
