തവനൂരിലെ യു.ഡി.എഫ് സ്ഥാനാര്‍ത്ഥി ഫിറോസ് കുന്നംപറമ്ബിലിനെതിരെ എല്‍ഡിഎഫ് സ്ഥാനാര്‍ത്ഥി കൂടിയായ മന്ത്രി കെ.ടി ജലീല്‍ വംശീയ അധിക്ഷേപം നടത്തിയതായി പരാതി. ഫിറോസ് കുന്നുംപറമ്ബില്‍ സങ്കരയിനമാണെന്ന് കെ.ടി ജലീല്‍ അധിക്ഷേപിച്ചെന്നാണ് പരാതി.

സംഭവത്തില്‍ സംസ്ഥാന പൊലീസ്‌ മേധാവിക്കും തെരഞ്ഞെടുപ്പ്​ കമീഷനും യൂത്ത് കോണ്‍ഗ്രസ്​ സംസ്ഥാന ജനറല്‍ സെക്രട്ടറി ഇ.പി. രാജീവ് പരാതി നല്‍കി. ഒരു​ സ്വകാര്യ ചാനലിന്​ നല്‍കിയ അഭിമുഖത്തിലാണ്​ ഫിറോസ്​ കുന്നംപറമ്ബില്‍ സങ്കര വര്‍ഗത്തില്‍ പെടുന്നയാളാണെന്ന്​ കെ.ടി. ജലീല്‍ ആക്ഷേപിച്ചതെന്ന്​​ പരാതിയില്‍ പറയുന്നു. ഇത്തരം വംശീയമായ അധിക്ഷേപങ്ങള്‍ തെരഞ്ഞെടുപ്പ്​ ചട്ടങ്ങള്‍ക്ക്​ വിരുദ്ധവും സമൂഹത്തില്‍ ചേരിതിരിവുകള്‍ സൃഷ്​ടിക്കുന്നതുമാണെന്നും പരാതിയില്‍ ചൂണ്ടിക്കാട്ടി. വിഡിയോയും പരാതിക്കൊപ്പം സമര്‍പ്പിച്ചിട്ടുണ്ട്​.