തെരഞ്ഞെടുപ്പ് പ്രചാരണം കൊഴിപ്പിക്കാനായി പഴയ ശൈലികളിൽ നിന്നും വ്ത്യസ്തമായി പുത്തൻ രീതികളുമായി സ്ഥാനാർത്ഥികൾ. തെരുവുനാടകങ്ങളും പന്തംകൊ​ളു​ത്തി പ്ര​ക​ട​ന​വു​മെ​ല്ലാം പ​ല​യി​ട​ത്തും അരങ്ങൊഴിഞ്ഞു തുടങ്ങുകയാണ്.

ഇപ്പോളിതാ ഫ്ലാ​ഷ്​ മോ​ബ്, മോ​ണി​ങ്​ വാ​ക്ക്, യൂ​ത്ത്​​വാ​ക്ക്, ഡി.​ജെയുമെല്ലാമാണ് പ്രചാരണത്തിനായി മുന്നണികൾ പയറ്റുന്നത്. മുൻപൊക്കെ സ്ഥാനാർത്ഥികളോടൊപ്പം ചെണ്ടമേളവും തെയ്യവുമൊക്കെ ആണ് കണ്ടിരുന്നതെങ്കിൽ ഇപ്പോൾ ബാൻഡ് മേളവും ഡിജിറ്റൽ തമ്പോല ടീമുകളാണ് കൂടെ കാണുന്നത്.

കുടുംബയോഗങ്ങളും ഇവരുടെ മറ്റൊരു ട്രെൻഡിങ്ങാണ്. ഓ​രോ മ​ണ്ഡ​ല​ത്തി​ലും 200 വരെ കു​ടും​ബ​യോ​ഗ​ങ്ങ​ളാ​ണ്​ ന​ട​ന്ന​ത്.

ശാ​സ്​​ത്ര സാ​ഹി​ത്യ പ​രി​ഷ​ത്ത്, പു​രോ​ഗ​മ​ന ക​ലാ​സാ​ഹി​ത്യ സം​ഘം, ഇ​ന്ദി​ര വി​ചാ​ര്‍ വേ​ദി തു​ട​ങ്ങി​യ​വ​യു​ടെ നേ​തൃ​ത്വ​ത്തി​ലാ​ണ്​ മു​മ്പ് സ്​​ഥാ​നാ​ര്‍​ഥി സ്വീ​ക​ര​ണ കേ​ന്ദ്ര​ങ്ങ​ളി​ല്‍ സാ​മൂ​ഹി​ക പ്ര​ശ്​​ന​ങ്ങ​ളും വി​ക​സ​ന കാ​ര്യ​ങ്ങ​ളും ചൂ​ണ്ടി​ക്കാ​ട്ടി തെ​രു​വ്​ നാ​ട​ക​ങ്ങ​ള്‍ നടത്തിയിരുന്നത്.

ഇ​പ്പോ​ഴി​തി​ന്​ പ​ക​ര​മാ​യി എ​സ്.​എ​ഫ്.​ഐ, ബാ​ല​സം​ഘം, കെ.​എ​സ്.​യു, എ.​ബി.​വി.​പി എ​ന്നി​വ​യു​ടെ നേ​തൃ​ത്വ​ത്തി​ല്‍ ഫ്ലാ​ഷ്​ മോ​ബു​ക​ളാ​ണ്​ കൂ​ടു​ത​ലാ​യി നടക്കുന്നത്.

മി​ക്ക സ്​​ഥാ​നാ​ര്‍​ഥി​ക​ള്‍​ക്കു​മാ​യി ഫ്ലാ​ഷ്​​മോ​ബ്​ സം​ഘ​ങ്ങ​ള്‍ അവരോടൊപ്പമുണ്ട്. ഇ​തി​ന്​ വ​ലി​യ ശ്ര​ദ്ധ കിട്ടുന്നുവെന്നാണ് ഓരോ പാർട്ടിക്കാരും പറയുന്നത്. നേ​​ര​ത്തെ തെര​ഞ്ഞെ​ടു​പ്പ്​ കാ​ല​ത്ത്​ ഉ​ള്‍​നാ​ടു​ക​ളി​ല്‍ ഉ​ണ്ടാ​യി​രു​ന്ന ചെ​റി​യ ഗാ​ന​മേ​ള​യും പ​ന്തം​കൊ​ളു​ത്തി പ്ര​ക​ട​ന​വു​മെ​ല്ലാം ഒ​രു​പ​രി​ധി​വ​രെ ഇല്ലാതായിരിക്കുകയാണ്.

ചാ​ക്ക്​ ബോ​ര്‍​ഡു​ക​ള്‍ മാ​റി ഫ്ല​ക്​​സ്​ ബോ​ര്‍​ഡു​ക​ള്‍ വാ​ഴു​ന്ന കാ​ല​ത്ത്​ ഡി​ജി​റ്റ​ലാ​യു​ള്ള പ്ര​ചാ​ര​ണ​ങ്ങ​ളും കൂടിവരുകയാണ്. വാ​ഹ​ന​ങ്ങ​ളി​ല്‍ കൂ​റ്റ​ന്‍ സ്​​ക്രീ​നു​ക​ള്‍ സ്​​ഥാ​പി​ച്ചു​ള്ള ഡി​ജി​റ്റ​ല്‍ പ്ര​ചാ​ര​ണ​ത്തി​ല്‍ മു​ന്നി​ല്‍ നിൽക്കുന്നത് ബിജെപിയാണ്.

പ്രാ​ദേ​ശി​ക വി​ക​സ​ന കാ​ര്യ​ങ്ങ​ളും പി​ന്നാ​ക്കാ​വ​സ്​​ഥ​യും ചൂ​ണ്ടി​ക്കാ​ട്ടി വി​ഡി​യോ​ക​ള്‍ നി​ര്‍​മി​ച്ചും വാ​ട്​​സ്​ ആ​പ്, ഫേ​​സ്​ ബു​ക്ക്​ എ​ന്നി​വ​യി​ല്‍ ഷെ​യ​ര്‍ ചെയ്യുന്നതിന് സൈബർ ടീമുകളും സജീവമായിട്ടുണ്ട്. ഇ​വ​ര്‍​ക്ക്​ മു​ന്ന​ണി​ക​ള്‍ പ​രി​ശീ​ല​ന​വും നൽകാറുണ്ട്.

കോ​ഴി​ക്കോ​ട് നോ​ര്‍ത്ത് മ​ണ്ഡ​ലം എ​ല്‍.​ഡി.​എ​ഫ്​ സ്ഥാ​നാ​ര്‍​ഥി തോ​ട്ട​ത്തി​ല്‍ ര​വീ​ന്ദ്രന്റെ ​ വി​ജ​യ​ത്തി​നാ​യി എ​ല്‍.​ഡി.​വൈ.​എ​ഫിന്റെ നേ​തൃ​ത്വ​ത്തി​ല്‍ ചൊ​വ്വാ​ഴ്​​ച യൂ​ത്ത് റൈ​ഡ്​ വി​ത്ത് ഡി.​ജെ മ്യൂ​സി​ക് റാ​ലി നടത്തുന്നതാണ്.

വൈ​കീ​ട്ട് മ​നോ​ര​മ ജ​ങ്​​ഷ​നി​ല്‍നി​ന്ന് ആ​രം​ഭി​ക്കു​ന്ന റാ​ലി വി​വി​ധ ഭാ​ഗ​ങ്ങ​ളി​ല്‍ സ​ഞ്ച​രി​ച്ച്‌ ബീ​ച്ചി​ലാണ് സമാപിക്കുന്നത്. കെ.​എം. അ​ഭി​ജി​ത്ത്, പി.​എം. നി​യാ​സ്, പി.​എ. മു​ഹ​മ്മ​ദ്​ റി​യാ​സ്​ എ​ന്നി​വ​രു​ള്‍​പ്പെ​ടെ മോ​ര്‍​ണി​ങ്​​വാ​ക്ക്, യൂ​ത്ത്​​വാ​ക്ക്​ എ​ന്നി​വ​യുംനേരെത്തെ തന്നെ സംഘടിപ്പിച്ചതാണ്.