വിചാരണ പൂര്ത്തിയാകുന്നതുവരെ കേരളത്തില് തങ്ങാന് അനുവദിക്കണം; ജാമ്യവ്യവസ്ഥയില് ഇളവ് തേടി അബ്ദുള് നാസര് മഅദനി സുപ്രീം കോടതിൽ
ബംഗളൂരു സ്ഫോടനക്കേസില് ജാമ്യവ്യവസ്ഥയില് ഇളവ് തേടി അബ്ദുള് നാസര് മഅദനി സുപ്രീം കോടതിയെ സമീപിച്ചു. കേസിന്റെ വിചാരണ പൂര്ത്തിയാകുന്നതുവരെ കേരളത്തില് തങ്ങാന് അനുവദിക്കണമെന്ന് ആവശ്യപ്പെട്ടാണ് മദനി കോടതിയെ സമീപിച്ചത്. ആരോഗ്യപരമായ കാരണങ്ങളും കൊവിഡ് സാഹചര്യവും ചൂണ്ടിക്കാട്ടി നാട്ടിലേക്ക് മടങ്ങാനുള്ള അനുമതി തേടിയാണ് മദനിയുടെ ഹര്ജി.
ഏപ്രില് 5നു ഹര്ജി കോടതി പരിഗണിക്കുമെന്ന് അഭിഭാഷകന് അറിയിച്ചു. പ്രോസിക്യൂഷന് അനാവശ്യമായി വിചാരണ വൈകിപ്പിക്കുകയാണെന്നും താന് ബംഗളുരുവില് തങ്ങാതെ തന്നെ ഇനി വിചാരണ നടപടികള് തുടരാമെന്നും ഹര്ജിയില് പറഞ്ഞിട്ടുണ്ട്.
ബെംഗളൂരു സ്ഫോടന കേസിലെ വിചാരണ പൂര്ത്തിയാകുന്നതു വരെ മദനിക്ക് ജാമ്യത്തില് കഴിയാമെന്ന് 2014 ജൂലായില് പുറപ്പടുവിച്ച ഉത്തരവില് സുപ്രീം കോടതി വ്യക്തമാക്കിയിരുന്നു. പ്രമേഹവും ഹൃദ്രോഹവും ഉള്പ്പടെ നിരവധി അസുഖങ്ങള് അലട്ടുന്നതിനാല് ആയിരുന്നു മദനിക്ക് കോടതി ജാമ്യം അനുവദിച്ചത്. എന്നാല് ജാമ്യ കാലയളവില് ബെംഗളൂരു വിട്ട് മദനി പോകരുതെന്നും നിര്ദേശിച്ചിരുന്നു.
https://www.facebook.com/Malayalivartha
