യൂത്ത് കോണ്ഗ്രസ് നേതാവും കൊല്ലം ഡിസിസി ജനറല് സെക്രട്ടറിയുമായ സുധീര് ശാസ്താംകോട്ട അന്തരിച്ചു... കേരളത്തിലെ യുവജന സമരങ്ങളുടെ മുന്നിര പോരാളിയായിരുന്നു

യൂത്ത് കോണ്ഗ്രസ് നേതാവും കൊല്ലം ഡിസിസി ജനറല് സെക്രട്ടറിയുമായ സുധീര് ശാസ്താംകോട്ട (40) അന്തരിച്ചു. തലച്ചോറിലെ രോഗബാധയെ തുടര്ന്ന് ഏറെ നാളായി ചികില്സയിലായിരുന്നു അദ്ദേഹം.
കെഎസ്യുവിലൂടെ രാഷ്ട്രീയത്തിലെത്തിയ അദ്ദേഹം കേരളത്തിലെ യുവജന സമരങ്ങളുടെ മുന്നിര പോരാളിയായിരുന്നു. പലതവണ പോലീസിന്റെ ലാത്തിയടിയേറ്റ് ചികിത്സ തേടിയിരുന്നു.
കെഎസ്യു സംസ്ഥാന സെക്രട്ടറി, യൂത്ത് കോണ്ഗ്രസ് സംസ്ഥാന സെക്രട്ടറി എന്നീ സ്ഥാനങ്ങള് വഹിച്ചു. കോണ്ഗ്രസിന്റെ മികച്ച സംഘാടകനായിരുന്നു. മാതൃഭൂമി സ്റ്റഡി സര്ക്കിളിന്റെ കുന്നത്തൂര് താലൂക്ക് സെക്രട്ടറിയായും പ്രസിഡന്റായും ഏറെക്കാലം പ്രവര്ത്തിച്ചു.
ശനിയാഴ്ച രാവിലെ 10.30ന് കൊല്ലം ഡി.സി.സി.ഓഫീസിലും തുടര്ന്ന് കോണ്ഗ്രസ് ശാസ്താംകോട്ട ബ്ലോക്ക് കമ്മിറ്റി ഓഫീസിലും പൊതുദര്ശനത്തിനുവയ്ക്കും. കബറടക്കം രണ്ടിന് ശാസ്താംകോട്ട പള്ളിശേരിക്കല് ജുമാ മസ്ജിദ് കബര്സ്ഥാനില് നടക്കും.
"
https://www.facebook.com/Malayalivartha
























