ലോക്ക് ഡൗണിൽ പെരുമ്പാമ്പിന്റെ ഇറച്ചിയും കോടയും .... ജില്ലാ പോലീസ് മേധാവി നിശാന്തിനിക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിൽ സ്ഥലത്തെത്തിയവർ ശരിക്കും ഞെട്ടി.... ചാരായം വാറ്റി പെരുമ്പാമ്പിനെ കൊന്ന് കറി വച്ച് കഴിച്ചു കൊണ്ടിരിക്കുകയായിരുന്നു സഹോദരന്മാരായ അരയാഞ്ഞിലിമൺ പെരിങ്ങാവ് മലയിൽ പ്രസന്നനും സഹോദരൻ പ്രദീപും

കോടയും പെരുമ്പാമ്പിന്റെ ഇറച്ചിയുമായി രണ്ടു പേരെ വെച്ചൂച്ചിറ പോലീസ് അറസ്റ്റ് ചെയ്തു. അരയാഞ്ഞിലിമൺ പെരിങ്ങാവ് മലയിൽ പ്രസന്നൻ (56), സഹോദരൻ പ്രദീപ്(45) എന്നിവരാണ് അറസ്റ്റിലായത്. 30 ലിറ്റർ കോടയും വാറ്റുപകരണങ്ങളും ഇവർ താമസിച്ചിരുന്ന വീട്ടിൽ നിന്നും പിടിച്ചെടുത്തു. ഇവർക്കെതിരെ അബ്കാരി ആക്ട് 55 പ്രകാരം കേസ് രജിസ്റ്റർ ചെയ്തിട്ടുണ്ട്.

30 ലിറ്റർ കോടയും വാറ്റുപകരണങ്ങളും ഇവർ താമസിച്ചിരുന്ന വീട്ടിൽ നിന്നും പിടിച്ചെടുത്തു. പെരുമ്പാമ്പിന്റെ തലയും തൊലിയും കുഴിച്ചിട്ട സ്ഥലത്തു നിന്നും കണ്ടെടുത്തു. കണമല ഫോറസ്റ്റ് ഉദ്യോഗസ്ഥർക്ക് കൈമാറി. ഇവർക്കെതിരെ വന്യ ജീവി സംരക്ഷണ നിയമപ്രകാരം വനംവകുപ്പ് മറ്റൊരു കേസ് രജിസ്റ്റർ ചെയ്തു. പ്രതികളെ ഫോറസ്റ്റ് ഉദ്യോഗസ്ഥർ കസ്റ്റഡിയിൽ വാങ്ങി കുടുതൽ അന്വേഷണം നടത്തും

റാന്നി ഡിവൈ.എസ്.പി ജോർജ് മാത്യുവിന്റെ നിർദ്ദേശപ്രകാരം വെച്ചൂച്ചിറ പോലീസ് ഇൻസ്പെക്ടർ പി. ശ്രീകുമാരൻ നായർ, എസ്.ഐമാരായ വിമൽ, അനിൽകുമാർ, കൃഷ്ണൻകുട്ടി, പോലിസുകാരായ സുമിൽ, ശ്രീജിത്ത്, ജോസൺ എന്നിവരാണ് പ്രതികളെ പിടികൂടിയത്.