സംസ്ഥാനത്ത് പ്ലസ് വണ്‍ പരീക്ഷാ നടത്തിപ്പില്‍ ഇതുവരെ അന്തിമതീരുമാനം എടുത്തിട്ടില്ലെന്ന് വിദ്യാഭ്യാസവകുപ്പ് അറിയിച്ചു. പ്ലസ് ടു ക്ലാസ് തുടങ്ങാനിരിക്കെ പ്ലസ് വണ്‍ പരീക്ഷാ നടത്തിപ്പില്‍ കടുത്ത ആശയക്കുഴപ്പമാണ് തുടരുന്നത്.

എന്നാല്‍, പരീക്ഷക്ക് മുന്നോടിയായി പഠിക്കേണ്ട ഭാഗങ്ങളെ കുറിച്ചുള്ള ഫോക്കസ് ഏരിയ തീരുമാനിച്ചുവെന്ന പ്രചാരണം വ്യാജമാണെന്നും വിദ്യാഭ്യാസവകുപ്പ് വിശദീകരിച്ചു.

പഠനം മുഴുവന്‍ ഓണ്‍ലൈനിലേക്ക് മാറിയതോടെ കഴിഞ്ഞ അധ്യയനവര്‍ഷം എസ്എസ്എല്‍സി പ്ലസ് ടു പരീക്ഷകള്‍ മാത്രമാണ് നടന്നത്. ബാക്കി ക്ലാസുകാര്‍ക്കല്ലാം പരീക്ഷയില്ലാതെ സ്ഥാനക്കയറ്റം കിട്ടി.

പക്ഷെ എസ്എസ്എല്‍സി പോലെ മറ്റൊരു പ്രധാന പൊതുപരീക്ഷയായ പ്ലസ് വണിന്റെ കാര്യത്തിലാണ് പ്രതിസന്ധി തുടരുന്നത്.

പ്ലസ് ടു ക്ലാസ് തുടങ്ങാന്‍ സമയമായി. പ്ലസ് വണ്‍ പരീക്ഷയില്ലാതെ എങ്ങനെ പ്ലസ്ടു ക്ലാസ് തുടങ്ങുമെന്നതിലാണ് പ്രശ്‌നം.