കെ. സുധാകരനെ കെ.പി.സി.സി പ്രസിഡന്‍റാക്കിയ കോണ്‍ഗ്രസ്​ ഹൈകമാന്‍ഡി​ന്‍റെ തീരുമാനം മുഴുവന്‍ കോണ്‍ഗ്രസുകാരും പൂര്‍ണമായും അംഗീകരിക്കുമെന്ന്​ ഉമ്മന്‍ ചാണ്ടി. അതില്‍ ഗ്രൂപ്പ്​ വിവേചനമില്ല. ഏതെല്ലാം തരത്തിലാണ്​ കോണ്‍ഗ്രസില്‍ മാറ്റം വേണ്ട​തെന്ന്​​ പുതിയ പ്രസിഡന്‍റ്​ വന്ന ശേഷം തീരുമാനിച്ച്‌​ അതുമായി മുന്നോട്ടു പോകുമെന്നും അദ്ദേഹം പറഞ്ഞു.

കോണ്‍ഗ്രസ്​ ശക്​തിപ്പെടുക എന്നത്​ ഈ സംസ്​ഥാനത്തിന്‍റെയും ജനാധിപത്യ വിശ്വാസികളുടെയും പൊതുവായ ആവശ്യമാണ്​. ഇത്​ പൂര്‍ണമായും നിറവേറ്റാന്‍ ​കെ. സുധാകരന്​ കഴിയും എന്നാണ്​ പ്രതീക്ഷ. ആരും ഗ്രൂപ്പിന്​ അതീതരല്ല എന്ന കെ.സി. ജോസഫിന്‍റെ പ്രസതാവനയെ കുറിച്ച്‌​ പ്രതികരിക്കാന്‍ ഉമ്മന്‍ചാണ്ടി വിസമ്മതിച്ചു.

മുമ്ബും കോണ്‍ഗ്രസ്​ കേരളത്തിലും ദേശീയതലത്തിലും വന്‍ പരാജയം ഏറ്റുവാങ്ങിയിട്ടുണ്ട്​. എന്നാല്‍, ആ പരാജയത്തെ അതിജീവിച്ച്‌​ പൂര്‍വാധികം ശക്​തിയോടെ തിരിച്ചു വന്നിട്ടുണ്ട്​. അത്​കൊണ്ട്​ ഇത്തവ​ണത്തെ പരാജയത്തില്‍ ഒരുകോണ്‍ഗ്രസുകാരനും നിരാശനല്ല. -ഉമ്മന്‍ ചാണ്ടി പറഞ്ഞു.