നിയന്ത്രണം വിട്ട ടെമ്പോ ട്രാവലർ കടയിലേക്ക് പാഞ്ഞുകയറിയുണ്ടായ അപകടത്തിൽ ഒരാൾ മരിച്ചു. പത്തനംതിട്ട റാന്നി വലിയപറമ്പിൽ പടിയിലാണ് സംഭവം നടന്നത്. വാനിലെ യാത്രക്കാരനായ തെലങ്കാന സ്വദേശി രാജേഷ് ഗൗഡ (39) ആണ് മരിച്ചത്.

വാഹനത്തിലുണ്ടായിരുന്ന പത്തുപേർക്ക് പരിക്കേൽക്കുകയും ചെയ്തു. കണമലയിൽ ശബരിമല തീർത്ഥാടകർക്ക് അന്നദാനം സംഘടിപ്പിച്ചിരുന്ന സംഘമാണ് അപകടത്തിൽപ്പെട്ടത്.

മണ്ഡലപൂജ കഴിഞ്ഞ് നട അടച്ചതോടെ ഇവ‌ർ ഉല്ലാസയാത്രയ്‌ക്ക് പുറപ്പെട്ടതായിരുന്നു. ഇതിനുശേഷം മടങ്ങിവരവെ രാത്രി ഒന്നരയോടെയാണ് അപകടത്തിൽപെട്ടത്. അപകട കാരണം വ്യക്തമായിട്ടില്ല.