ഭരണപരിഷ്കാരങ്ങളില് പ്രതിഷേധം തുടരുന്നതിനിടെ അഡ്മിനിസ്ട്രേറ്റര് പ്രഫുല് ഖോഡ പട്ടേല് ഇന്ന് ലക്ഷദ്വീപിലെത്തും.... പട്ടേലിന്റെ സന്ദര്ശനത്തില് പ്രതിഷേധിച്ച് ദ്വീപുകളില് ഇന്ന് കരിദിനം ആചരിക്കുന്നു
14 JUNE 2021 09:01 AM IST
മലയാളി വാര്ത്ത
ഭരണപരിഷ്കാരങ്ങളില് പ്രതിഷേധം തുടരുന്നതിനിടെ അഡ്മിനിസ്ട്രേറ്റര് പ്രഫുല് ഖോഡ പട്ടേല് ഇന്ന് ലക്ഷദ്വീപിലെത്തും. ഉച്ചയോടെ കവരത്തിയിലെത്തുന്ന അദ്ദേഹം വിവിധ വകുപ്പ് ഉദ്യോഗസ്ഥരുമായി കൂടിക്കാഴ്ച നടത്തും.
ദ്വീപില് നടപ്പിലാക്കുന്ന പരിഷ്കാരങ്ങളുടെ പുരോഗതി വിലയിരുത്തും. ലക്ഷദ്വീപ് അഡ്മിനിസ്ട്രേറ്ററായി ചുമതലയേറ്റെടുത്തതിന് ശേഷമുള്ള പ്രഫുല് പട്ടേലിന്റെ മൂന്നാമത്തെ സന്ദര്ശനമാണിത്.
അദ്ദേഹം ഈ മാസം 20 വരെ ലക്ഷദ്വീപില് തുടരും. അതേസമയം പട്ടേലിന്റെ സന്ദര്ശനത്തില് പ്രതിഷേധിച്ച് ദ്വീപുകളില് ഇന്ന് കരിദിനം ആചരിക്കുകയാണ്.
വീടുകളില് കറുത്ത കൊടി ഉയര്ത്തിയും, കറുത്ത മാസ്ക് അണിഞ്ഞുമാണ് പ്രതിഷേധം. അഡ്മിനിസ്ട്രേറ്ററെ നേരില് കാണാന് സേവ് ലക്ഷദ്വീപ് ഫോറം ഭാരവാഹികള് അനുമതി തേടിയിട്ടുണ്ടെങ്കിലും ഇതുവരെ ലഭിച്ചിട്ടില്ല.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
