മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ശ്വാസകോശ സംബന്ധമായ അസുഖങ്ങൾ, ചുമ, അഗ്നിഭയം എന്നിവയ്ക്ക് ഇന്ന് സാധ്യത കാണുന്നു. മറ്റൊരാൾക്ക് കടം നൽകുന്ന തുക കൃത്യസമയത്ത് തിരികെ ലഭിക്കാതെ വരുന്നത് ബുദ്ധിമുട്ടുണ്ടാക്കിയേക്കാം. എങ്കിലും വിദേശ ജോലിക്കായി ശ്രമിക്കുന്നവർക്ക് അനുകൂലമായ പുതിയ അവസരങ്ങൾ വന്നുചേരും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): വിദ്യാർത്ഥികൾക്ക് പഠനകാര്യങ്ങളിൽ അപ്രതീക്ഷിതമായ തടസ്സങ്ങൾ നേരിടാൻ ഇടയുണ്ട്. മറ്റുള്ളവരുടെ ചതിക്കുഴികളിൽ പെടാതിരിക്കാൻ അതീവ ജാഗ്രത വേണം. കൃഷി സംബന്ധമായ പ്രവൃത്തികളിൽ ഏർപ്പെടുന്നവർക്ക് വലിയ സാമ്പത്തിക നഷ്ടം സംഭവിക്കാൻ സാധ്യതയുള്ളതിനാൽ കരുതൽ വേണം.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): കുടുംബാംഗങ്ങൾക്കൊപ്പം സന്തോഷകരമായ ആഘോഷ വേളകളിൽ പങ്കെടുക്കാൻ അവസരം ലഭിക്കും. മാർക്കറ്റിംഗ് മേഖലയിൽ പ്രവർത്തിക്കുന്നവർക്ക് തങ്ങളുടെ സംസാര ചാതുര്യം കൊണ്ട് വലിയ നേട്ടങ്ങൾ സ്വന്തമാക്കാൻ സാധിക്കുന്ന അനുകൂലമായ ദിനമായിരിക്കും ഇന്ന്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): സുഹൃത്തുക്കൾക്കോ സഹോദര സ്ഥാനത്തുള്ളവർക്കോ അപകടങ്ങളോ ദൂരദേശത്തേക്കുള്ള വേർപാടോ സംഭവിക്കാൻ സാധ്യതയുണ്ട്. വിവാഹ കാര്യങ്ങളിൽ ചില തടസ്സങ്ങൾ നേരിടാം. മനഃശാന്തി കുറയാനും ഉറ്റ സുഹൃത്തുക്കൾ ശത്രുക്കളായി മാറാനും ഇടയുള്ളതിനാൽ സംയമനം പാലിക്കണം.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): സമൂഹത്തിൽ മറ്റുള്ളവരാൽ ആദരിക്കപ്പെടാനും അംഗീകാരങ്ങൾ ലഭിക്കാനും ഇന്ന് അവസരമുണ്ടാകും. റിയൽ എസ്റ്റേറ്റ് മേഖലയിൽ പ്രവർത്തിക്കുന്നവർക്ക് വസ്തു ഇടപാടുകൾ വലിയ ലാഭത്തിൽ കച്ചവടം നടത്തി പൂർത്തിയാക്കാൻ സാധിക്കും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): പൂർവ്വിക സ്വത്തുക്കൾ ലഭിക്കുന്നതിൽ ചില കാലതാമസങ്ങൾ നേരിടാം. തൊഴിലിടങ്ങളിലെ ക്ലേശങ്ങൾ വർദ്ധിക്കാനും അതുവഴി സാമ്പത്തികമായി ബുദ്ധിമുട്ടുകൾ അനുഭവപ്പെടാനും സാധ്യതയുണ്ട്. ചിലർക്ക് നിയമപരമായ പ്രശ്നങ്ങളോ കേസുകളോ ഉണ്ടാകാൻ ഇടയുള്ളതിനാൽ ശ്രദ്ധിക്കണം.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ജീവിത സുഖസൗകര്യങ്ങൾ അനുഭവിക്കാനുള്ള ഭാഗ്യമുണ്ടാകും. സത്സന്താന യോഗം, വാഹന ഭാഗ്യം, വിവാഹ ഭാഗ്യം എന്നിവ ഇന്ന് ഫലമാണ്. ശരീരത്തിന്റെ ആരോഗ്യവും ചൈതന്യവും വർദ്ധിക്കുന്ന ഉന്മേഷകരമായ ദിനമായിരിക്കും ഇന്ന് കടന്നുപോകുക.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): സർക്കാർ ജോലി ആഗ്രഹിക്കുന്നവർക്ക് അനുകൂലമായ ഫലങ്ങൾ ലഭിക്കുന്ന സമയമാണിത്. അടുത്ത ബന്ധുക്കളിൽ ചിലർക്ക് സഹായമോ ആശ്രയമോ നൽകേണ്ടി വരും. ബാല്യകാല സുഹൃത്തുക്കളെ കണ്ടുമുട്ടാനും അവരോടൊപ്പം സമയം ചെലവഴിക്കാനും ഇന്ന് അവസരമുണ്ടാകും.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ജോലിസ്ഥലത്തും കുടുംബാംഗങ്ങൾക്കിടയിലും ചില അപവാദങ്ങൾ ഉയർന്നുവരാൻ സാധ്യതയുള്ളതിനാൽ സംസാരത്തിലും പെരുമാറ്റത്തിലും ജാഗ്രത വേണം. പിതൃതുല്യരായ വ്യക്തികൾക്ക് ആരോഗ്യപ്രശ്നങ്ങളോ ദുരിതാനുഭവങ്ങളോ നേരിടേണ്ടി വന്നേക്കാം.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ഉദര സംബന്ധമായോ ദഹന സംബന്ധമായോ ഉള്ള അസുഖങ്ങൾ അലട്ടാൻ സാധ്യതയുള്ളതിനാൽ ഭക്ഷണ കാര്യങ്ങളിൽ ശ്രദ്ധിക്കണം. സന്താനങ്ങളുടെ കാര്യത്തിൽ ചില വിഷമങ്ങളോ അവരുടെ പഠനത്തിൽ തടസ്സങ്ങളോ ഉണ്ടായേക്കാം. ബന്ധുക്കളുമായി അഭിപ്രായ വ്യത്യാസമുണ്ടാകാതെ നോക്കണം.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): പുതിയ ജോലി അന്വേഷിക്കുന്നവർക്ക് അർഹമായ മികച്ച അവസരങ്ങൾ ലഭിക്കും. കുടുംബത്തിൽ ബന്ധു സമാഗമവും മംഗളകരമായ ചടങ്ങുകളും നടക്കും. ബിസിനസ് രംഗത്തുള്ളവർക്ക് പുതിയ കരാറുകൾ ലഭിക്കാനും അതിൽ വലിയ വിജയം കൈവരിക്കാനും സാധിക്കും.

മീനം രാശി (പൂരൂരുട്ടാതി അവസാന കാൽഭാഗ, ഉതൃട്ടാതി, രേവതി): ലോട്ടറി, നറുക്കെടുപ്പ്, ചിട്ടി എന്നിവ വഴി അപ്രതീക്ഷിതമായ ധനഭാഗ്യം വന്നുചേരാം. കുടുംബ സ്വത്തുക്കൾ ഭാഗം വയ്ക്കുന്ന കാര്യത്തിൽ തീരുമാനമുണ്ടാകും. പഴയ വാഹനം മാറ്റി പുതിയത് വാങ്ങാൻ അനുകൂലമായ സാഹചര്യമുണ്ടാകുന്ന ഭാഗ്യദിനമാണിത്.