വിറ്റാമിന് ഡി കുറഞ്ഞാല്, ശരീരം കാണിച്ചു തരും ഈ ലക്ഷണങ്ങള്
വെയിലുകൊള്ളാത്തവര്ക്ക് ഉണ്ടാകുന്ന വിറ്റാമിന് ഡിയുടെ കുറവ് ശരീരത്തിൽ പലവിധ ആരോഗ്യപ്രശ്നങ്ങൾക്ക് കാരണമാകും.ഭക്ഷണങ്ങളിൽ നിന്നു മാത്രമല്ല, സൂര്യപ്രകാശത്തിൽ നിന്നും ശരീരത്തിൽ നേരിട്ട് ലഭിക്കുന്ന ഒരു പോഷകം കൂടിയാണ് വിറ്റാമിൻ ഡി.ശരീരത്തിലേക്ക് കാത്സ്യം ആഗിരണം ചെയ്യുന്നതിന് ഈ വിറ്റമിന് വേണമെന്നതാണ് കാരണം.
ഇതുകൂടാതെ ശരീരത്തിലെ ഫോസ്ഫേറ്റിന്റെ അളവ് തുലനപ്പെടുത്താനും ശരീരഭാഗങ്ങളില് നീര്വീക്കം ചെറുക്കാനും ഈ വിറ്റാമിന് അത്യന്താപേക്ഷിതമാണ്. ശരീരത്തിന് ഏറ്റവും പ്രധാനപ്പെട്ട പോഷകങ്ങളിൽ ഒന്നാണ് വിറ്റാമിൻ ഡി.ബലമുളള എല്ലുകള്ക്ക് വിറ്റാമിന് ഡി അത്യാവശ്യമാണ്.
എല്ലുകളില് വേദന, പേശികള്ക്ക് ബലക്ഷയം തുടങ്ങിയവയാണ് വിറ്റാമിന് ഡി കുറവിന്റെ ലക്ഷണം. ദീര്ഘകാലം ഇതേ അവസ്ഥ തുടര്ന്നാല് ഹൃദയസംബന്ധമായ അസുഖങ്ങള്ക്ക് കാരണമാകും. മുതിര്ന്നവരില് ഓര്മക്കുറവും ക്ഷീണവും കുട്ടികളില് ആസ്ത്മ എന്നിവയുമാണ് മറ്റ് പ്രത്യാഘാതങ്ങള്. വൈകല്യങ്ങള്ക്ക് കാരണമായേക്കാവുന്ന മൃദുവായ അസ്ഥികള്ക്കും കാരണം ഈ കുറവുതന്നെ.
പ്രമേഹം, അമിതരക്തസമ്മര്ദ്ദം, തലച്ചോറിനെയും നട്ടെല്ലിനെയും ദുര്ബലപ്പെടുത്തുന്ന മള്ട്ടിപ്പിള് സ്ക്ലീറോസിസ് തുടങ്ങിയവയും വിറ്റാമിന് ഡി കുറവിനാല് ഉണ്ടായേക്കാം. കുട്ടികള് മുതല് എഴുപത് വയസ്സുവരെയുളളവര്ക്ക് 600 ഐ.യു.വിറ്റാമിന് ഡി വേണമെന്നാണ് കണക്ക്. 71 വയസ്സിനുമുകളിലുളളവര്ക്ക് 800 യൂണിറ്റ് ആവശ്യമാണ്.കൂടാതെ ,സൂര്യപ്രകാശത്തിൽ നിന്നും ലഭിക്കുന്ന ഈ വിറ്റാമിന് മാനസികാവസ്ഥയെ നിയന്ത്രിക്കാനുള്ള കഴിവുണ്ട് എന്ന് വിദഗ്ധർ അഭിപ്രായപ്പെടുന്നു.
വിറ്റാമിൻ ഡി യുടെ കുറവ് ഒരാളുടെ ശരീരത്തിൽ വിഷാദവും നിരാശയും ഉണ്ടാക്കുന്നതിന് കാരണമാകുന്നതായി പഠനങ്ങൾ പറയുന്നു.
ശരീരത്തില് ആവശ്യമുളള വിറ്റാമിന് ഡിയുടെ 80 ശതമാനവും സൂര്യപ്രകാശത്തില് നിന്നാണ് ലഭിക്കുന്നത്. 20 ശതമാനം ഭക്ഷണത്തില് നിന്നും ഭക്ഷണത്തില് നിന്ന് കിട്ടുന്നവയില് ഭൂരിഭാഗവും മാംസാഹാരത്തില് നിന്നാണ്. മത്സ്യം, മത്സ്യഎണ്ണ, മുട്ടയുടെ മഞ്ഞക്കരു, മാട്ടിറച്ചി തുടങ്ങിയവ ഉദാഹരണം. അതേസമയം സസ്യാഹാരികള്ക്ക് പാല്ക്കട്ടിയാണ് ഈ വിറ്റാമിന്റെ സ്ത്രോതസ്സായി പറയാവുന്നത്. ഇവയില് പലതും അധികം കഴിച്ചാല് കൊളസ്ട്രോളിനുളള സാധ്യതയുണ്ടാവുകയും ചെയ്യും.
മുടി കൊഴിച്ചിൽ ഉണ്ടാകുന്നതിന് പിന്നിലുള്ള ചില കാരണങ്ങളിലൊന്ന് പോഷകങ്ങളുടെ കുറവാണ്. ശരീരത്തിൽ വിറ്റാമിൻ ഡി യുടെ കുറവുണ്ടെങ്കിൽ അത് മുടി കൊഴിച്ചിലിന് കാരണമായി മാറുന്നുണ്ട്.പ്രായമാകുമ്പോള് വൃക്കകള്ക്ക് വിറ്റാമിന് ഡി പ്രവര്ത്തനക്ഷമമായ രീതിയിലേക്ക് മാറ്റാന് കഴിയാതെ പോകുന്നതും പ്രശ്നമാകാറുണ്ട്.
ദഹനേന്ദ്രിയത്തെ ബാധിക്കുന്ന ഗുരുതരമായ രോഗങ്ങള് കൊണ്ട് ശരീരത്തിലേക്ക് വിറ്റാമിന് ഡി ആഗിരണം നടക്കാതിരിക്കാം. അമിതവണ്ണവും മറ്റൊരു കാരണമാണ്.സമീകൃതാഹാരവും സൂര്യപ്രകാശമേല്ക്കലുമാണ് വിറ്റാമിന് ഡിയുടെ കുറവ് പരിഹരിക്കാനുളള സ്വാഭാവികമാര്ഗങ്ങള്. ചില പ്രത്യേക സാഹചര്യങ്ങളില് സപ്ലിമെന്റുകള് ഡോക്ടറുടെ നിര്ദ്ദേശപ്രകാരം കഴിക്കാവുന്നതാണ്.
https://www.facebook.com/Malayalivartha
