വിസ്മയയുടെ മരണവുമായി ബന്ധപ്പെട്ട് അറസ്റ്റിലായ ഭര്ത്താവ് കിരണ് കുമാറിനെ രണ്ട് ആഴ്ചത്തേക്ക് റിമാന്ഡ് ചെയ്തു....
വിസ്മയയുടെ മരണവുമായി ബന്ധപ്പെട്ട് അറസ്റ്റിലായ ഭര്ത്താവ് കിരണ് കുമാറിനെ രണ്ട് ആഴ്ചത്തേക്ക് റിമാന്ഡ് ചെയ്തു.
ശാസ്താംകോട്ട ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണ് റിമാന്ഡ് ചെയ്തത്. പ്രതിയെ കൊട്ടാരക്കര സബ് ജയിലിലേക്ക് മാറ്റും.
കേസിലെ കണ്ടെത്തല് അനുസരിച്ച് കിരണ് കുമാറിനെതിരെ കൂടുതല് നടപടികള് ഉണ്ടാകും. സംഭവത്തില് പഴുതടച്ചുളള അന്വേഷണമുണ്ടാകുമെന്ന് ഡിജിപി ലോക്നാഥ് ബെഹ്റ വ്യക്തമാക്കിയിട്ടുണ്ട്.
കൊല്ലം ജില്ലാ എന്ഫോഴ്സ്മെന്റ് വിഭാഗത്തിലെ അസിസ്റ്റന്റ് മോട്ടോര് വെഹിക്കിള് ഇന്സ്പെക്ടറായ കിരണിനെ സര്ക്കാര് സസ്പെന്ഡ് ചെയ്തിരുന്നു. അന്വേഷണ വിധേയമായി ആറ് മാസത്തേക്കാണ് കിരണ് കുമാറിനെ സസ്പെന്ഡ് ചെയ്തത്.
അതേസമയം വിസ്മയയുടെ മരണത്തിന് പിന്നില് നേരിട്ടോ അല്ലാതെയോ ഉള്പ്പെട്ട എല്ലാവരെയും പ്രതികളാക്കും. സത്രീ സുരക്ഷയ്ക്കായി പുതിയ പദ്ധതികള് തുടങ്ങുമെന്നും ഡിജിപി അറിയിച്ചു. തിങ്കളാഴ്ച പുലര്ച്ചെയാണ് വിസ്മയയെ തൂങ്ങി മരിച്ച നിലയില് കണ്ടതായി ഭര്തൃവീട്ടുകാര് വിവരം അറിയിച്ചത്.
സമീപത്തെ ആശുപത്രിയില് എത്തിച്ചപ്പോഴേക്കും വിസമയ മരിച്ച നിലയിലായിരുന്നു. തുടര്ന്ന് ഒളിവില് പോയ കിരണ് രാത്രിയോടെ പോലീസ് സ്റ്റേഷനിലെത്തി കീഴടങ്ങുകയായിരുന്നു.
"
https://www.facebook.com/Malayalivartha
