സ്ത്രീധന പീഡനത്തെ തുടര്ന്നുള്ള യുവതിയുടെ മരണത്തില് കേസിന്റെ മേല്നോട്ട ചുമതലയുള്ള ഐജി ഹര്ഷിത അട്ടല്ലൂരി ഇന്ന് നേരിട്ടെത്തി തെളിവ് ശേഖരിക്കും
സ്ത്രീധന പീഡനത്തെ തുടര്ന്നുള്ള യുവതിയുടെ മരണത്തില് കേസിന്റെ മേല്നോട്ട ചുമതലയുള്ള ഐജി ഹര്ഷിത അട്ടല്ലൂരി ഇന്ന് നേരിട്ടെത്തി തെളിവ് ശേഖരിക്കും.
വിസ്മയയുടെ മരണത്തില് അന്വേഷണം ഭര്ത്താവ് കിരണിന്റെ വീട്ടുകാരിലേക്ക് കൂടി നീളുകയാണ്. കേസിന്റെ മേല്നോട്ട ചുമതലയുള്ള ദക്ഷിണ മേഖലാ ഐജി ഹര്ഷിത അട്ടല്ലൂരി രാവിലെ തന്നെ ഇരു വീടുകളിലും നേരിട്ടെത്തി തെളിവുകള് ശേഖരിക്കും.
മരിച്ച വിസ്മയയുടെ അന്തിമ പോസ്റ്റ്മോര്ട്ടം റിപ്പോര്ട്ട് വന്ന ശേഷം പ്രതി കിരണിനെതിരെ കൂടുതല് വകുപ്പുകള് ചുമത്താനാണ് പൊലീസ് പദ്ധതിയിടുന്നത്.
ഉദ്യോഗസ്ഥരുമായി ഇന്നലെ ഓണ്ലൈനിലൂടെ അന്വേഷണ പുരോഗതി വിലയിരുത്തിയ ഹര്ഷിത അട്ടല്ലൂരി ഇന്ന് ഇവരെ നേരില് കാണും. ഉച്ചയ്ക്ക് ഒരു മണിക്കാണ് ഉദ്യോഗസ്ഥ യോഗം.
"
അറസ്റ്റിലായ കിരണിനെ രണ്ട് ആഴ്ചത്തേക്ക് റിമാന്ഡ് ചെയ്തിട്ടുണ്ട്. ശാസ്താംകോട്ട ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണ് റിമാന്ഡ് ചെയ്തത്. പ്രതിയെ കൊട്ടാരക്കര സബ് ജയിലിലേക്ക് മാറ്റും.
കൊല്ലം ജില്ലാ എന്ഫോഴ്സ്മെന്റ് വിഭാഗത്തിലെ അസിസ്റ്റന്റ് മോട്ടോര് വെഹിക്കിള് ഇന്സ്പെക്ടറായ ഇയാളെ ഇന്നലെ സര്ക്കാര് സസ്പെന്ഡ് ചെയ്തിരുന്നു.
https://www.facebook.com/Malayalivartha
