ആയിഷ സുല്ത്താനയെ ലക്ഷദ്വീപ് പോലീസ് ഇന്ന് വീണ്ടും ചോദ്യം ചെയ്യും... ഇന്നലെ എട്ട് മണിക്കൂര് ചോദ്യം ചെയ്തതിന് പിന്നാലെയാണ് ഇന്ന് വീണ്ടും ചോദ്യം ചെയ്യലിന് ഹാജരാകാന് പൊലീസ് നോട്ടീസ് അയച്ചത്
രാജ്യദ്രോഹ കേസില് യുവ സംവിധായിക ആയിഷ സുല്ത്താനയെ ലക്ഷദ്വീപ് പോലീസ് ഇന്ന് വീണ്ടും ചോദ്യം ചെയ്യും. ഇന്നലെ എട്ട് മണിക്കൂര് ചോദ്യം ചെയ്തിരുന്നു. അതിന് പിന്നാലെയാണ് ഇന്ന് വീണ്ടും ചോദ്യം ചെയ്യലിന് ഹാജരാകാന് പൊലീസ് നോട്ടീസ് അയച്ചിരിക്കുന്നത്.
ആയിഷയെ ഇന്നലെ അറസ്റ്റ് രേഖപ്പെടുത്തി വിട്ടയക്കുമെന്നാണ് കരുതിയതെങ്കിലും ഇതുവരെ അറസ്റ്റ് ഉണ്ടായിട്ടില്ല. നേരത്തെ കേരള ഹൈക്കോടതി ഇവര്ക്ക് ഇടക്കാല ജാമ്യം അനുവദിച്ചിരുന്നു.
കഴിഞ്ഞ ഞായറാഴ്ച ചോദ്യം ചെയ്ത് വിട്ടയച്ച ആയിഷ സുല്ത്താനയോട് മൂന്ന് ദിവസം കൂടി ദ്വീപില് തുടരാന് നിര്ദേശിക്കുകയായിരുന്നു.
ലക്ഷദ്വീപിലെ കൊവിഡ് വ്യാപനത്തിന് കാരണം കേന്ദ്ര സര്ക്കാരിന്റെ ബയോവെപ്പണാണെന്ന് ചാനല് ചര്ച്ചയില് ഐഷ പറഞതാണ് കേസിനാസ്പദമായ സംഭവം.
ബിജെപി ലക്ഷദ്വീപ് ഘടകം നല്കിയ പരാതിയിലാണ് ഐഷയ്ക്ക് എതിരെ കേസെടുത്തത്.ഇന്ന് രാവിലെ 9.45ന് കവരത്തി പോലീസ് സ്റ്റേഷനില് ഹാജരാകണം എന്നാവശ്യപ്പെട്ടാണ് ഇന്നലെ ആയിഷയ്ക്ക് നോട്ടീസ് നല്കിയിരിക്കുന്നത്.
ബന്ധുക്കള് ആശുപത്രിയിലായതിനാല് കൊച്ചിയിലേക്ക് മടങ്ങണമെന്ന് ആയിഷ പോലീസിനോട് ആവശ്യപ്പെട്ടിരുന്നു. ലക്ഷദ്വീപില് തുടരണോയെന്നുള്ള കാര്യത്തില് ഇന്ന് തീരുമാനമുണ്ടായേക്കും.
https://www.facebook.com/Malayalivartha