നാടാര് ക്രിസ്ത്യന് വിഭാഗത്തെ ഒ.ബി.സി വിഭാഗത്തില് ഉള്പ്പടുത്തി സംവരണം നല്കാനുള്ള സംസ്ഥാന സര്ക്കാര് ഉത്തരവിന് ഹൈക്കോടതി സ്റ്റേ; പുതിയ വിഭാഗങ്ങളെ ഒ.ബി.സി പട്ടികയില് ഉള്പ്പെടുത്താന് സംസ്ഥാന സര്ക്കാരിന് അധികാരമില്ല; രാഷ്ട്രപതിക്ക് മാത്രം അധികാരമെന്ന് ഹൈക്കോടതി
നാടാര് ക്രിസ്ത്യന് വിഭാഗത്തെ ഒ.ബി.സി വിഭാഗത്തില് ഉള്പ്പടുത്തി സംവരണം നല്കാനുള്ള സംസ്ഥാന സര്ക്കാര് ഉത്തരവിന് ഹൈക്കോടതി സ്റ്റേ. പിന്നാക്ക സമുദായ ഫെഡറേഷന്റെ ഹര്ജിയിലാണ് ഹൈക്കോടതിയുടെ വിധി. സംവരണ വിഭാഗങ്ങളെ നിര്ണയിക്കാനുള്ള അധികാരം സംസ്ഥാന സർക്കാരുകൾക്കല്ലെന്ന സുപ്രിംകോടതി വിധി ഉദ്ധരിച്ചാണ് ഹൈക്കോടതി ഉത്തരവ്.
2021 ഫെബ്രുവരി ആറാം തിയ്യതിയാണ് നാടാര് ക്രിസ്ത്യന് വിഭാഗത്തെ ഒ.ബി.സി പട്ടികയില് ഉള്പ്പെടുത്തി സംവരണം നല്കാന് സംസ്ഥാന സര്ക്കാര് തീരുമാനിച്ചത്. തെരഞ്ഞെടുപ്പിന് മുമ്ബായിരുന്നു തീരുമാനം. ഇതിനെതിരെ പിന്നാക്ക സമുദായ സംഘടനാ നേതാവ് എസ് കുട്ടപ്പന് ചെട്ട്യാരാണ് ഹൈക്കോടതിയെയും സമീപിച്ചിരിക്കുന്നത്.
73 സമുദായങ്ങള് നിലവില് ഒബിസി പട്ടികയില് ഉണ്ട്. ഒരു സമുദായം കൂടി ഉള്പ്പെടുന്നതോടെ സംവരണത്തോത് കുറയും. കേന്ദ്രത്തിന്റെ അധികാരമാണ് സംസ്ഥാന സര്ക്കാര് പ്രയോഗിച്ചിരിക്കുന്നത്- എന്നാണ് ഹര്ജിക്കാരന് ചൂണ്ടിക്കാട്ടിയിരുന്നത്.
സംസ്ഥാന പിന്നാക്ക കമ്മിഷന് ശുാര്ശ അനുസരിച്ചാണ് ക്രിസ്ത്യന് വിഭാഗത്തില്പ്പെട്ട എസ്ഐ.യു.സി ഒഴികെയുള്ള നാടാര് സമുദായങ്ങള്ക്ക് ഒ.ബി.സി സംവരണം നല്കാന് മന്ത്രിസഭ തീരുമാനിച്ചിരുന്നത്. തെക്കന് കേരളത്തില് നിര്ണായകമായ നാടാര് സംവരണ നീക്കമായാണ് ഇതിനെ വിലയിരുത്തിയിരിക്കുന്നത്.
https://www.facebook.com/Malayalivartha