പി.എസ്.സിയിൽ അഴിച്ചു പണി... ഉദ്യോഗാർഥികൾക്ക് വീണ്ടും പണി കിട്ടുമോ? അഞ്ചിൽ ഒന്നായി കുറഞ്ഞു!
പി.എസ്.സി. റാങ്ക് ലിസ്റ്റുകള് ചുരുക്കാനുള്ള സാഹചര്യം ഇപ്പോൾ സംജാതമായി എന്നുള്ള കാര്യങ്ങളെ പറ്റിയാണ് ഇപ്പോൾ കേരളം ചർച്ച ചെയ്യുന്നത്. റാങ്ക് ലിസ്റ്റ് നീട്ടി നൽകിയിട്ടും നിയമനമാകാതെ ഉദ്യോഗാർഥികൾ സമരം ചെയ്തത് നമ്മൾ ഏവരും കണ്ടതാണ്. അതിന് കൂടുതൽ ആക്കം കൂട്ടുന്ന തരത്തിലുള്ള കുറച്ച് കാര്യങ്ങളാണ് ഇപ്പോൾ പുറത്ത് വരുന്നതെന്നുള്ള ആക്ഷേപമാണ് പൊതുവായി ഉയരുന്നത്.
പിഎസ്സി റാങ്ക് പട്ടിക ചുരുക്കുന്ന കാര്യം ആലോചിക്കുന്നതായി മുഖ്യമന്ത്രി പിണറായി വിജയൻ അറിയിച്ചിരിക്കുകയാണ്. ഒഴിവുകളെക്കാൾ മൂന്ന് മുതൽ അഞ്ചിരട്ടി ഉദ്യോഗാർത്ഥികളെ ഉൾപ്പെടുത്തി തയ്യാറാക്കുന്ന നിലവിലെ പിഎസ്സി റാങ്ക് ലിസ്റ്റ് രീതികൾ മാറുമെന്ന സൂചനയാണ് ഇതിലൂടെ മുഖ്യമന്ത്രി നൽകുന്നത്.
റാങ്ക് പട്ടിക ഒഴിവുകൾക്ക് ആനുപാതികമായി മാത്രം പ്രസിദ്ധീകരിക്കുന്ന കാര്യം ആലോചിച്ച് വരികയാണെന്ന് നിയമസഭയിൽ എച്ച്. സലാമിന്റെ സബ്മിഷന് മറുപടിയായി മുഖ്യമന്ത്രി പിണറായി വിജയൻ അറിയിച്ചിരുന്നു. ഇത് ഒരേ സമയം നല്ലതും അതുപോലെ ദോഷവുമായി ഇപ്പോൾ ബാധിക്കും എന്ന് തന്നെയാണ് ഇപ്പോൾ നമുക്ക് പറയാൻ സാധിക്കുന്നത്.
നിലവിലുള്ള വ്യവസ്ഥ പ്രകാരം പ്രതീക്ഷിത ഒഴിവുകളേക്കാൾ മൂന്ന് മുതൽ അഞ്ചിരട്ടി വരെ ഉദ്യോഗാർത്ഥികളെ ഉൾപ്പെടുത്തിയാണ് പിഎസ്സി റാങ്ക് ലിസ്റ്റുകൾ തയ്യാറാക്കുന്നത്. നിലവിൽ അഞ്ചിരട്ടിയോളം പേരെ ഉൾപ്പെടുത്തിയുളള റാങ്ക്ലിസ്റ്റിൽ എല്ലാവർക്കും ജോലി കിട്ടുകയില്ല. റാങ്ക് ലിസ്റ്റിൽ ഉൾപ്പെട്ടവർക്കെല്ലാം ജോലി കിട്ടില്ല എന്നതാണ് നിലവിലെ വസ്തുത.
എന്നാൽ ഉദ്യോഗാർത്ഥികൾ പലരും ചൂഷണങ്ങള്ക്കും അനഭിലഷണീയമായ പ്രവണതകള്ക്കും വിധേയരാകുന്നുവെന്ന് വ്യക്തമായതാണെന്നും അതിനാലാണ് റാങ്ക് പട്ടിക പ്രസിദ്ധീകരിക്കുന്ന രീതി പുനഃപരിശോധിക്കുന്ന കാര്യം പരിഗണിക്കുന്നതെന്നും മുഖ്യമന്ത്രി വ്യക്തമാക്കിയിട്ടുണ്ട്.
ഒഴിവിന് ആനുപാതികമായി റാങ്ക് പട്ടിക ചുരുക്കുന്നതോടെ, ഉദ്യോഗാർത്ഥികൾക്ക് അനാവശ്യ പ്രതീക്ഷ നൽകുന്ന സ്ഥിതിയുണ്ടാവില്ല. ജസ്റ്റിസ് ദിനേശൻ കമ്മീഷന്റെ ശുപാർശ അനുസരിച്ചാകും ഇക്കാര്യത്തിൽ തുടർ തീരുമാനങ്ങളുണ്ടാവുക. ഒഴിവുകളേക്കാൾ വളരെയധികം പേരെ പട്ടികയിൽ പെടുത്തുന്നത് അനഭലഷണീയമാണെന്ന് പറഞ്ഞ് മുഖ്യമന്ത്രി, വിരമിക്കൽ തീയതി പ്രസിദ്ധീകരിക്കുന്നത് പരിശോധിക്കുമെന്നും അറിയിച്ചു.
പിഎസ്സി നിയമനം സംബന്ധിച്ച് വിവരങ്ങളുടെ ലഭ്യത ഉറപ്പാക്കാൻ വകുപ്പുകൾ, സ്ഥാപനങ്ങൾ, എന്നിവിടങ്ങളിലെ തസ്തികകൾ, അവിടെ ജോലി ചെയ്യുന്നവർ, ഇവരുടെ വിരമിക്കൽ തീയതി, ദീർഘകാല അവധി, നിയമനം അനുവദിച്ച തസ്തികകൾ തുടങ്ങി വിവരങ്ങൾ വെബ്സൈറ്റുകളിൽ പ്രസിദ്ധീകരിക്കുന്നത് പരിശോധിക്കുമെന്ന് മുഖ്യമന്ത്രി സഭയിൽ അറിയിച്ചു.
മുഖ്യമന്ത്രി നൽകിയ മറുപടിയുടെ പൂർണരൂപം ഇങ്ങനെയാണ്....
നിലവിലുള്ള വ്യവസ്ഥ പ്രകാരം പ്രതീക്ഷിത ഒഴിവുകളേക്കാള് മൂന്ന് മുതല് അഞ്ച് ഇരട്ടി വരെ ഉദ്യോഗാര്ത്ഥികളെ ഉള്പ്പെടുത്തിയാണ് പി.എസ്.സി റാങ്ക് ലിസ്റ്റുകള് തയ്യാറാക്കുന്നത്. നിയമനാധികാരികള് റിപ്പോര്ട്ട് ചെയ്യുന്ന ഒഴിവുകളിലേയ്ക്ക് സംവരണ തത്വങ്ങള് പാലിച്ചാണ് റാങ്ക് ലിസ്റ്റുകളില് നിന്നും പി.എസ്.സി നിയമന ശിപാര്ശകള് നല്കിവരുന്നത്. ഈ സാഹചര്യത്തില് റാങ്ക് ലിസ്റ്റില് ഉള്പ്പെടുന്നവര്ക്കെല്ലാം നിയമനം ലഭ്യമാവുകയില്ല.
അതേസമയം, റാങ്ക് ലിസ്റ്റുകളുടെ കാലാവധിയ്ക്കുള്ളില് ലഭ്യമാകുന്ന മുഴുവന് ഒഴിവുകളും പി.എസ്.സിക്ക് റിപ്പോര്ട്ട് ചെയ്ത് നിയമനം നടത്തുക എന്നതാണ് സര്ക്കാരിന്റെ പ്രഖ്യാപിത നയം. ഇതിനായി ഒഴിവുകള് യഥാസമയം കൃത്യതയോടെ ഓണ്ലൈനായി റിപ്പോര്ട്ട് ചെയ്യുന്നതിന് എല്ലാ നിയമനാധികാരികള്ക്കും സര്ക്കാര് കര്ശന നിര്ദ്ദേശം നല്കി വരുന്നുണ്ട്.
റാങ്ക് ലിസ്റ്റില് പ്രതീക്ഷിത ഒഴിവുകളേക്കാള് വളരെയധികം ഉദ്യോഗാര്ത്ഥികളെ ഉള്പ്പെടുത്തുന്നത് പ്രമേയാവതാരകന് സൂചിപ്പിച്ചതുപോലെ ചില ചൂഷണങ്ങള്ക്കും അനഭിലഷണീയമായ പ്രവണതകള്ക്കും വഴിവെക്കുന്നതായി ശ്രദ്ധയില് പെട്ടിട്ടുണ്ട്. ഇക്കാര്യം പരിഗണിച്ചുകൊണ്ട് ഒഴിവിന് ആനുപാതികമായി സംവരണ തത്വങ്ങള് പാലിച്ച് റാങ്ക് ലിസ്റ്റ് തയ്യാറാക്കുന്ന കാര്യം സര്ക്കാരിന്റെ പരിഗണനയിലുണ്ട്. ഇക്കാര്യത്തില് ശിപാര്ശ സമര്പ്പിക്കാന് ജസ്റ്റിസ് ദിനേശന് കമ്മീഷനെ നിയമിച്ചിട്ടുണ്ട്.
പി.എസ്.സി നിയമനം സംബന്ധിച്ച് വിവരങ്ങളുടെ ലഭ്യത ഉറപ്പുവരുത്തുന്നതിനായി വകുപ്പുകളിലും സ്ഥാപനങ്ങളിലും ഉള്ള തസ്തികകള്, അതില് ഇപ്പോള് ജോലി ചെയ്യുന്നവര്, അവരുടെ വിരമിക്കല് തീയതി, ദീര്ഘകാല അവധി, നിയമനം നടത്തുന്നതിന് അനുവദനീയമായ തസ്തികകള്, തുടങ്ങിയ വിവരങ്ങള് ബന്ധപ്പെട്ട വകുപ്പുകളുടെ / സ്ഥാപനങ്ങളുടെ വെബ്സൈറ്റില് പ്രസിദ്ധീകരിക്കുന്ന വിഷയം പരിശോധിക്കാവുന്നതാണ്.
അതേസമയം, റാങ്ക് ലിസ്റ്റുകളുടെ കാലാവധിയ്ക്കുള്ളില് ലഭ്യമാകുന്ന മുഴുവന് ഒഴിവുകളും പി.എസ്.സിക്ക് റിപ്പോര്ട്ട് ചെയ്ത് നിയമനം നടത്തുക എന്നതാണ് സര്ക്കാരിന്റെ പ്രഖ്യാപിത നയം. ഇതിനായി ഒഴിവുകള് യഥാസമയം കൃത്യതയോടെ ഓണ്ലൈനായി റിപ്പോര്ട്ട് ചെയ്യുന്നതിന് എല്ലാ നിയമനാധികാരികള്ക്കും സര്ക്കാര് കര്ശന നിര്ദ്ദേശം നല്കി വരുന്നുണ്ട്.
റാങ്ക് ലിസ്റ്റില് പ്രതീക്ഷിത ഒഴിവുകളേക്കാള് വളരെയധികം ഉദ്യോഗാര്ത്ഥികളെ ഉള്പ്പെടുത്തുന്നത് ചില ചൂഷണങ്ങള്ക്കും അനഭിലഷണീയമായ പ്രവണതകള്ക്കും വഴിവെക്കുന്നതായി ശ്രദ്ധയില് പെട്ടിട്ടുണ്ട്.
ഇക്കാര്യം പരിഗണിച്ചുകൊണ്ട് ഒഴിവിന് ആനുപാതികമായി സംവരണ തത്വങ്ങള് പാലിച്ച് റാങ്ക് ലിസ്റ്റ് തയ്യാറാക്കുന്ന കാര്യം സര്ക്കാരിന്റെ പരിഗണനയിലുണ്ട്. ഇക്കാര്യത്തില് ശിപാര്ശ സമര്പ്പിക്കാന് ജസ്റ്റിസ് ദിനേശന് കമ്മീഷനെ നിയമിച്ചിട്ടുണ്ട്.
https://www.facebook.com/Malayalivartha
