മടിയില്‍ കനമില്ലെങ്കില്‍ പിന്നെന്തിനാ ഭയക്കുന്നത്; മുഖ്യമന്ത്രി പിണറായി വിജയന്‍ കള്ളക്കടത്തുകാരുടെ ക്യാപ്റ്റനെന്ന് യുഡിഎഫ് കണ്‍വീനര്‍ എം എം ഹസന്‍
മുഖ്യമന്ത്രി പിണറായി വിജയന്‍ കള്ളക്കടത്തുകാരുടെ ക്യാപ്റ്റനെന്ന് യുഡിഎഫ് കണ്‍വീനര്‍ എം എം ഹസന്‍. കാസര്‍കോട് ഗസ്റ്റ് ഹൗസില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
തെരഞ്ഞെടുപ്പ് വേളകളില്‍ അദ്ദേഹത്തെ കേരളത്തിന്‍്റെ ക്യാപ്റ്റനെന്നാണ് പലരും വിശേഷിപ്പിച്ചത്. എന്നാല്‍ മരം, സ്വര്‍ണം, ഡോളര്‍ കടത്തുകാരുടെ ക്യാപ്റ്റനായി മാറിയിക്കുകയാണ് മുഖ്യമന്ത്രിയെന്നും അദ്ദേഹം കുറ്റപ്പെടുത്തി.
മുഖ്യമന്ത്രിക്ക് മടിയില്‍ കനമില്ലെങ്കില്‍ പിന്നെന്തിനാ ഭയക്കുന്നത്. പ്രതിപക്ഷങ്ങളുടെ ചോദ്യത്തില്‍ നിന്ന് പോലും നിയമസഭയില്‍ നിന്ന് ഒളിച്ചോടുകയാണ്. സ്വപ്ന സുരേഷിന്റെ മൊഴിയുടെ അടിസ്ഥാനത്തില്‍ നിരപരാധിത്വം തെളിയിക്കാന്‍ നിയമസഭയില്‍ മറുപടി നല്‍കേണ്ടതായിരുന്നു.
സ്വപ്ന സുരേഷിന്റെ മൊഴിയുടെ അടിസ്ഥാനത്തില്‍ വിദേശ വിനിമയ ചട്ട ലംഘന പ്രകാരം മുഖ്യമന്ത്രിയുടെ മൊഴിയെടുക്കണം. കേരള-കര്‍ണാടക അതിര്‍ത്തികളില്‍ യാത്ര നിഷേധിക്കുന്നത് കേന്ദ്ര സര്‍കാരിന്‍്റെ കോവിഡ് മാനദണ്ഡങ്ങളുടെ ലംഘനമാണ്. യാത്രാ സ്വാതന്ത്ര്യം ഹനിക്കുന്നത് അതിര്‍ത്തി മേഖലയിലെ ജനങ്ങളോടുള്ള വെല്ലുവിളിയാണ്. കര്‍ണാടക സര്‍കാര്‍ തീരുമാനം പുന:പരിശോധിക്കണമെന്നും ഹസന്‍ ആവശ്യപ്പെട്ടു.
https://www.facebook.com/Malayalivartha
