പഠിക്കാൻ പ്രായം ഒരു തടസ്സമേ അല്ല! ചെറുപ്പത്തില് അഞ്ചാം ക്ലാസില് പഠനം അവസാനിപ്പിച്ചു, അമ്മയുടെ ആഗ്രഹം പത്താം തരം ജയിക്കണമെന്ന്; മരണപ്പെട്ട അമ്മയുടെ ആഗ്രഹം സഫലമാക്കാനൊരുങ്ങി 75കാരന്
ചെറുപ്പത്തിലെ ആഗ്രഹം സഫലമാക്കാനൊരുങ്ങി ഗോപിദാസ്. ഈ മാസം പതിനാറിന് ആരംഭിക്കുന്ന പത്താംതരം തുല്യതാ പരീക്ഷ എഴുതാന് തയ്യാറാക്കുകയാണ് 75 വയസ്സുകാരനായ പി ഡി ഗോപിദാസ്.
പത്താം ക്ലാസ് ജയിച്ച് അമ്മയുടെ ആഗ്രഹം സഫലീകരിക്കണം. അമ്മ മരിച്ചെങ്കിലും ചെറിയ പ്രായത്തില് കഴിയാത്ത ഇപ്പോള് സാധിക്കാനൊരുങ്ങുകയാണ് ഇയാൾ. ഇത്തവണ പത്താം തരം തുല്യതാ പരീക്ഷ എഴുതുന്നവരില് ഏറ്റവും പ്രായം കൂടിയ പഠിതാവാണ് അമ്പലപ്പുഴ പറവൂര് സ്വദേശിയായ ഗോപിദാസ്.
അമ്പലപ്പുഴ കെ കെ കുഞ്ചുപിള്ള മെമ്മോറിയല് ഹയര് സെക്കന്ഡറി സ്കൂളിലാണ് ഗോപി ദാസ് തുല്യതാ പഠനം പൂര്ത്തിയാക്കിയത്. പഠനത്തിന് പ്രായം തടസ്സമല്ലെന്നാണ് ഇദ്ദേഹം പറയുന്നത്. ചെറുപ്പത്തില് അഞ്ചാം ക്ലാസില് പഠനം അവസാനിപ്പിക്കേണ്ടിവന്ന ഇദ്ദേഹം സാക്ഷരതാ മിഷന് വഴിയാണ് ഏഴാം തരം വിജയിച്ചത്.
താന് പത്താം ക്ലാസ് ജയിച്ചു കാണണമെന്നത് അമ്മയുടെ വലിയ ആഗ്രഹമായിരുന്നു എന്നും ചെറിയ പ്രായത്തില് അതിന് കഴിഞ്ഞില്ലെന്നും ഗോപി ദാസ് പറയുന്നു. അമ്മ മരിച്ചെങ്കിലും പത്താം ക്ലാസ് ജയിച്ച് അമ്മയുടെ ആഗ്രഹം സഫലീകരിക്കുകയാണ് തന്റെ ലക്ഷ്യമെന്ന് ഗോപിദാസ് പറഞ്ഞതായി ബ്ലോക്ക് നോഡല് പ്രേരക് പ്രകാശ് ബാബു വ്യക്തമാക്കി.
https://www.facebook.com/Malayalivartha