ഫെയ്സ്ബുക്കില്‍ മരണം ലൈവായി ചിത്രീകരിച്ച്‌ യുവാവ് ആത്മഹത്യ ചെയ്തു. പത്തനംതിട്ട മടശേരിക്കര വീട്ടില്‍ ആശിഷ് ഓമന കുട്ടനാണ് (24) ‍ മരണപ്പെട്ടത്. പുല്ലുവഴിയില്‍ കാര്‍ ഷോറൂമില്‍ സെയില്‍സ് എക്സിക്യൂട്ടീവ് ആയിരുന്നു.

പുല്ലുവഴി എല്‍.പി സ്കൂളിന് മുന്‍വശത്തുള്ള വാടക വീട്ടിലാണ് ഇയാളെ മരിച്ച നിലയില്‍ കണ്ടെത്തിയത്. വീടിന്റെ പുറകിലെ മുറിയില്‍ തൂങ്ങി മരിക്കുകയായിരുന്നു. മരണം മൊബൈലില്‍ ചിത്രീകരിച്ചിട്ടുണ്ട്.

പ്രണയ നൈരാശ്യമാണ് മരണകാരണമെന്നാണ് പ്രാഥമിക നിഗമനം. വ്യാഴാഴ്ച രാത്രി ആശിഷ് ഉച്ചത്തില്‍ ഫോണില്‍ സംസാരിച്ചിരുന്നതായി അയല്‍വാസികള്‍ പറഞ്ഞു. കുറുപ്പംപടി പൊലീസ് സ്ഥലത്തെത്തി അന്വഷണം ആരംഭിച്ചു.