ഏറ്റുമാനൂര് മഹാദേവ ക്ഷേത്രത്തിലെ വിഗ്രഹത്തില് ചാര്ത്തുന്ന സ്വര്ണം കെട്ടിയ രുദ്രാക്ഷമാല കാണാനില്ല....ഭഗവാന്റെ വിഗ്രഹത്തില് സ്ഥിരമായി ചാര്ത്തിയിരുന്നതാണ് കാണാതായ രുദ്രാക്ഷമാല... സംഭവം അറിയുന്നത് പുതിയ മേല്ശാന്തി ചുമതല ഏറ്റെടുത്തപ്പോള്.... പരാതിയില് തിരുവിതാംകൂര് ദേവസ്വം ബോര്ഡ് തിരുവാഭരണം കമ്മീഷണര് അന്വേഷണം ആരംഭിച്ചു
ഏറ്റുമാനൂര് മഹാദേവ ക്ഷേത്രത്തിലെ വിഗ്രഹത്തില് ചാര്ത്തുന്ന സ്വര്ണം കെട്ടിയ രുദ്രാക്ഷമാല കാണാനില്ല. ക്ഷേത്രത്തില് പുതിയ മേല്ശാന്തി പത്മനാഭന് സന്തോഷ് ചുമതല ഏറ്റെടുത്തപ്പോഴാണ് ഇക്കാര്യം അറിഞ്ഞത്. തുടര്ന്ന് നല്കിയ പരാതിയില് തിരുവിതാംകൂര് ദേവസ്വം ബോര്ഡ് തിരുവാഭരണം കമ്മീഷണര് അന്വേഷണം ആരംഭിച്ചു.
ഭഗവാന്റെ വിഗ്രഹത്തില് സ്ഥിരമായി ചാര്ത്തിയിരുന്നതാണ് കാണാതായ രുദ്രാക്ഷമാല. ക്ഷേത്രത്തിലെ മുന് അഡ്മിനിസ്ട്രേറ്റീവ് മാനേജറാണ് മാല വഴിപാടായി നല്കിയത്.
വലിയ രുദ്രാക്ഷമണികളില് സ്വര്ണംകെട്ടിച്ച മാല രണ്ട് മടക്കുകളാക്കിയാണ് ചാര്ത്തിയിരുന്നത്. മാലയുടെ തൂക്കം സംബന്ധിച്ച് കൃത്യമായ വിവരമില്ല.
അടുത്ത ദിവസം ക്ഷേത്രത്തില് എത്തി തെളിവുകള് ശേഖരിക്കുമെന്ന് കമ്മീഷണര് എസ്. അജിത് കുമാറും മാല നഷ്ടപ്പെട്ടതു സംബന്ധിച്ച് റിപ്പോര്ട്ട് തേടിയതായി ദേവസ്വം ബോര്ഡ് പ്രസിഡന്റ് എന്. വാസുവും പറഞ്ഞു. ക്ഷേത്രത്തിലെ പുതിയ മേല്ശാന്തി പത്മനാഭന് സന്തോഷ് കഴിഞ്ഞ മാസമാണ് ചുമതലയേറ്റത്.
ചുമതലയേറ്റ ഉടന് പൂജാകാര്യങ്ങളുമായി ബന്ധപ്പെട്ട എല്ലാ സാധന സാമഗ്രികളും ദേവസ്വം അധികൃതരുടെ സാന്നിധ്യത്തില് സാക്ഷ്യപ്പെടുത്തി നല്കണമെന്ന് മേല്ശാന്തി ആവശ്യപ്പെട്ടു. ഇതിന്റെ അടിസ്ഥാനത്തില് ദേവസ്വം അസിസ്റ്റന്റ് കമ്മീഷണറുടെയും മറ്റ് ഉദ്യോഗസ്ഥരുടെയും സാന്നിധ്യത്തില് പരിശോധിച്ചപ്പോഴാണ് മാല നഷ്ടപ്പെട്ട വിവരം അറിഞ്ഞത്. എന്നാല് കണക്കില് പെടാത്ത മറ്റൊരു മാലയും കണ്ടെത്തി.
ദേവസ്വം വിജിലന്സിനും ഇതു സംബന്ധിച്ച പരാതി നല്കിയിട്ടുണ്ട്. വിവരം അറിഞ്ഞ് ദേവസ്വം വിജിലന്സ് പ്രാഥമിക പരിശോധന നടത്തി. തിരുവാഭരണം നഷ്ടപ്പെട്ടതിനാല് അന്വേഷണത്തിന്റെ ചുമതല തിരുവാഭരണ കമ്മീഷണര് എസ് അജിത്കുമാറിനാണ്.
https://www.facebook.com/Malayalivartha
