ഡ്രോണുകള് വ്യാപകമായി ഉപയോഗിക്കുന്നത് പോലീസിനും മറ്റ് സുരക്ഷാ ഏജന്സികള്ക്കും വെല്ലുവിളി; ഈ വെല്ലുവിളികള് വിജയകരമായി തരണം ചെയ്യുന്നതിനാണ് കേരളാപോലീസ് മുന്ഗണന നല്കുന്നതെന്ന് മുഖ്യമന്ത്രി പിണറായി വിജയന്
കളളക്കടത്തിനും ചാരവൃത്തിക്കും മാത്രമല്ല ഭീകരവാദം പോലെയുളള ദേശവിരുദ്ധ പ്രവര്ത്തനങ്ങള്ക്കും ഡ്രോണുകള് വ്യാപകമായി ഉപയോഗിക്കുന്നത് പോലീസിനും മറ്റ് സുരക്ഷാ ഏജന്സികള്ക്കും വെല്ലുവിളി ഉണ്ടാക്കുന്നതാണെന്ന് മുഖ്യമന്ത്രി പിണറായി വിജയന് അഭിപ്രായപ്പെടുകയുണ്ടായി. ഈ വെല്ലുവിളികള് വിജയകരമായി തരണം ചെയ്യുന്നതിനാണ് കേരളാപോലീസ് മുന്ഗണന നല്കുന്നതെന്ന് അദ്ദേഹം ചൂണ്ടിക്കാട്ടി.
തിരുവനന്തപുരത്ത് ആരംഭിച്ച പോലീസ് ഡ്രോണ് ഫോറന്സിക് ലാബിന്റേയും ഗവേഷണ കേന്ദ്രത്തിന്റേയും ഉദ്ഘാടനം നിര്വ്വഹിക്കുകയായിരുന്നു അദ്ദേഹം. അതോടൊപ്പം തന്നെ സൈബര്ഡോമിന്റെ കീഴില് നിലവില് വരുന്ന ഈ സംവിധാനം വിവിധതരം ഡ്രോണുകളും അവയുടെ അവശിഷ്ടങ്ങളും വിലയിരുത്തി പശ്ചാത്തലവിവരങ്ങല് ശേഖരിക്കാന് സഹായിക്കുകയും ചെയ്യും.
ഡ്രോണിന്റെ മെമ്മറി, സോഫ്റ്റ് വെയര്, ഹാര്ഡ് വെയര്, സഞ്ചരിച്ച വഴി മുതലായവയും ഇതിലൂടെ മനസിലാക്കാന് സാധിക്കുന്നതാണ്. ക്രമസമാധാന പാലനത്തിനും ജനക്കൂട്ട നിയന്ത്രണത്തിനും ആവശ്യമുളള ഡ്രോണുകള് സ്വന്തമായി വികസിപ്പിക്കാനും കേരളാപോലീസ് ഉദ്ദേശിക്കുന്നതായി മുഖ്യമന്ത്രി പറഞ്ഞു.
പേരൂര്ക്കട എസ്എപി പരേഡ് ഗ്രൗണ്ടില് നടന്ന ചടങ്ങില് സംസ്ഥാന പൊലീസ് മേധാവി അനില് കാന്ത്, എഡിജിപി കെ പത്മകുമാര്, സൈബര് ഡോം നോഡല് ഓഫീസര് എഡിജിപി മനോജ് എബ്രഹാം, ഡിഐജി പി പ്രകാശ് എന്നിവരും മുതിര്ന്ന പൊലീസ് ഉദ്യോഗസ്ഥരും പങ്കെടുത്തു.
കൂടാതെ ഡ്രോണുകളുടെ പ്രദര്ശനവും എയര് ഷോയും സംഘടിപ്പിച്ചു. ദുരന്തനിവാരണ ഘട്ടങ്ങളില് ഉപയോഗിക്കുന്ന മെഡിക്കല് ഡ്രോണ്, ലൈഫ് ജാക്കറ്റ് ഡ്രോണ്, പബ്ലിക് അനൗണ്സ്മെന്റ് ഡെമോണ്സ്ട്രേഷന് ഡ്രോണ് തുടങ്ങിയവയും വിവിധ ചെറുവിമാനങ്ങളും എയര് ഷോയില് പ്രദര്ശിപ്പിച്ചു.
https://www.facebook.com/Malayalivartha
