കൊടകര ബി ജെ പി കുഴല്‍പ്പണ തട്ടിപ്പ് കേസിലെ പ്രതികള്‍ക്ക് ഹൈക്കോടതി ജാമ്യം അനുവദിച്ചു. പത്ത് പ്രതികള്‍ക്കാണ് ജാമ്യം ലഭിച്ചത്. ഒരു ലക്ഷം രൂപയുടെ ബോണ്ട് കെട്ടി വക്കണം , ത്യശൂര്‍ ജില്ലയില്‍ പ്രവേശിക്കരുത് , പാസ്‌പോര്‍ട്ട് കെട്ടി വക്കണം തുടങ്ങിയവയാണ് ഉപാധികള്‍.

കേസിലെ പ്രതികളും സാക്ഷികളും തമ്മില്‍ പരസ്പരം ബന്ധപ്പെട്ട് പ്രവര്‍ത്തിക്കുന്നുവെന്ന് സര്‍ക്കാര്‍ കോടതിയെ അറിയിച്ചിരുന്നു.

കേസിന്റെ വിചാരണ വേഗത്തില്‍ നടത്താനുള്ള നടപടികള്‍ സ്വീകരിക്കുന്നുണ്ടെന്നും സ്‌പെഷല്‍ പ്രോസിക്യൂട്ടറെ നിയമിച്ചതായും സര്‍ക്കാര്‍കോടതിയെ അറിയിച്ചിരുന്നു.


ഈ സാഹചര്യത്തില്‍ ഇനിയും പ്രതികളെ കസ്റ്റഡിയില്‍ വെയ്‌ക്കേണ്ട സാഹചര്യം നിലവിലില്ലെന്ന് ചൂണ്ടികാട്ടിയാണ് കോടതി ജാമ്യം നല്‍കിയത്.