എഴുപത്തിയഞ്ചാം സ്വാതന്ത്ര്യദിനാഘോഷത്തിലാണ് രാജ്യം. ചെങ്കോട്ടയില്‍ പ്രധാനമന്ത്രി നരേന്ദ്രമോദി ദേശീയപതാക ഉയര്‍ത്തിയതോടെ ചടങ്ങാരംഭിച്ചു. കേന്ദ്ര മന്ത്രിമാരും വിവിധ സേനാവിഭാഗം മേധാവികളും പങ്കെടുത്തു.

ഭീഷണികളുടെ പശ്ചാത്തലത്തില്‍ കനത്ത സുരക്ഷയിലാണ് തലസ്ഥാന നഗരം. ചെങ്കോട്ട പുറത്തുനിന്നു കാണാന്‍ കഴിയാത്ത വിധം ഒരാഴ്ചമുമ്പു തന്നെ കണ്‍ടെയ്‌നറുകളും ലോഹപ്പലകയും നിരത്തി മറച്ചിരുന്നു. പുരാതന ഡല്‍ഹിയിലെ കച്ചവടസ്ഥാപനങ്ങളെല്ലാം ശനിയാഴ്ച ഡല്‍ഹി പോലീസ് മുദ്രവെച്ചു.

ചെങ്കോട്ടയ്ക്കു ചുറ്റുമുള്ള ഉയര്‍ന്ന കെട്ടിടങ്ങളില്‍ എന്‍.എസ്.ജി. കമാന്‍ഡോകള്‍ നിലയുറപ്പിച്ചിട്ടുണ്ട്. ശ്വാനസേനയടക്കമുള്ള വിവിധ സേനാ വിഭാഗങ്ങള്‍ക്കൊപ്പം നിരീക്ഷണക്യാമറകളും ഒരുക്കിയിട്ടുണ്ട്. ചെങ്കോട്ടയില്‍ രണ്ടു പ്രത്യേക കണ്‍ട്രോള്‍ റൂമുകള്‍ തുറന്നു. പരിസരങ്ങളിലെ 350 സി.സി.ടി.വി. ക്യാമറകളിലെ ദൃശ്യങ്ങള്‍ ഓരോ നിമിഷവും നിരീക്ഷിച്ചു വരുന്നു. 5000 പ്രത്യേക സുരക്ഷാഭടന്മാരെയും പോലീസിനെയും വിന്യസിച്ചിട്ടുണ്ട്. ആന്റി ഡ്രോണ്‍ സംവിധാനവും ഏര്‍പ്പെടുത്തി. പി.സി.ആര്‍. വാനുകളും 70 സായുധ വാഹനങ്ങള്‍ ഒരുക്കിയിട്ടുണ്ട്. യമുനയില്‍ പട്രോളിങ് ബോട്ടുകളും റോന്തു ചുറ്റുന്നു. ഏതുതരത്തിലുള്ള ആക്രമണത്തെയും നേരിടാന്‍ സര്‍വസജ്ജമാണ് സുരക്ഷാസേന. പരിസരത്തെ ഹോട്ടലുകളിലും മറ്റും പോലീസ് പരിശോധന നടത്തി.

പുലര്‍ച്ചെ നാലുമുതല്‍ രാവിലെ പത്തുവരെ ചെങ്കോട്ടയിലേക്കുള്ള റോഡുകളിലൊന്നും വാഹനങ്ങള്‍ക്ക് പ്രവേശനമില്ലായിരുന്നു.

ഇന്ത്യ 75 മത് സ്വാതന്ത്ര്യദിനം ആഘോഷിക്കുമ്‌ബോള്‍ പ്രധാന മന്ത്രി നരേന്ദ്ര മോദി ഏവര്‍ക്കും സ്വതന്ത്ര ദിനാശംസകള്‍ നേര്‍ന്നു. ട്വിറ്ററിലൂടെയാണ് അദ്ദേഹം ഏവര്‍ക്കും സ്വതന്ത്ര ദിനാശംസകള്‍ അറിയിച്ചത്. സ്വാതന്ത്ര്യദിനത്തിന്റെ പശ്ചാത്തലത്തില്‍ 'ആസാദി കാ അമൃത് മഹോത്സവ്' എന്ന പേരില്‍ നടത്തുന്ന പരിപാടികള്‍ രാജ്യത്തെ ഒരോ പൗരനും ഊര്‍ജ്ജം പകര്‍ ന്ന് നല്‍കുമെന്ന് പ്രതീക്ഷിക്കുന്നുവെന്നും അദ്ദേഹം പറഞ്ഞു.

കൂടാതെ ഈ വര്‍ഷത്തെ ഒളിമ്ബിക്‌സ് കണ്ടിജന്റും ഇന്ന് സംഘടിപ്പിക്കും. ചരിത്രത്തില്‍ ആദ്യമായി പ്രധാനമന്ത്രി പതാക ഉയര്‍ത്തിയപ്പോള്‍ Mi-17 1V ഹെലികോപ്ടറുകളാകും സ്ഥലത്ത് പുഷ്പവര്ഷം നടത്തി.അതിന് ശേഷം പ്രധാനമന്ത്രി രാജ്യത്തെ അഭിസംബോധന ചെയ്ത് സംസാരിച്ചു.

ഒളിമ്ബിക്‌സില്‍ ജാവലിന്‍ ത്രോയില്‍ റെക്കോര്‍ഡ് നേട്ടം നേടി ചരിത്ര സൃഷ്ടിച്ച് സ്വര്‍ണ്ണ മെഡല്‍ നേടിയ താരം താരം നീരജ് ചോപ്രയെ ചടങ്ങിന് ക്ഷണിച്ചിട്ടുണ്ട്. എന്നാല്‍ നീരജ് ചടങ്ങിന് എത്താനുള്ള സാധ്യത വളരെ കുറവാണെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. താരം കടുത്ത പനിയെ തുടര്‍ന്ന് ഇപ്പോള്‍ ചികിത്സയില്‍ കഴിയുകയാണ്.



രാജ്യത്തിന്റെ 75 മത് സ്വാതന്ത്ര്യദിനത്തില്‍ ആസാദി ക അമൃതോത്സവ് എന്ന പേരില്‍ നിരവധി പരിപാടികള്‍ ഒരുക്കുന്നുണ്ടെന്ന് കേന്ദ്ര സര്‍ക്കാര്‍ അറിയിച്ചിട്ടുണ്ട്. 75ാം സ്വാതന്ത്ര്യദിനത്തിനു മുന്നോടിയായി രാജ്യത്തെ അഭിസംബോധന ചെയ്ത രാഷ്ട്രപതി റാം നാഥ് കോവിന്ദ് കോവിഡ് മഹാമാരിയില്‍ മരണപ്പെട്ടവര്‍ക്ക് അനുശോചനം അറിയിച്ചു.