മീന്പിടിത്ത പരിശീലനമെന്ന വ്യാജേന കഞ്ചാവ് കച്ചവടം...... യുവാവ് പിടിയില്
മീന്പിടിത്ത പരിശീലനമെന്ന വ്യാജേന കഞ്ചാവ് കച്ചവടം...... യുവാവ് പിടിയില്. മീന് പിടിത്തം പരിശീലിപ്പിക്കാനെന്ന പേരില് യൂ ട്യൂബ് ചാനലിലൂടെ വിദ്യാര്ത്ഥികളെ ആകര്ഷിച്ച് കഞ്ചാവ് കച്ചവടം നടത്തിവന്ന യുവാവ് പിടിയിലായി.
പൂച്ചട്ടി പോലൂക്കര സ്വദേശി മേനോത്ത് പറമ്പില് സാമ്പാര് സനൂപ് എന്ന സനൂപിനെയാണ് (32) ഒന്നരക്കിലോ കഞ്ചാവുമായി തൃശൂര് എക്സൈസ് റേഞ്ച് ഇന്സ്പെക്ടര് ഹരിനന്ദനന്റെ നേതൃത്വത്തില് പിടികൂടിയത്.
മണലിപ്പുഴയാറ്റില് മീന്പിടിത്തം പരിശീലിപ്പിക്കാനെന്നു പറഞ്ഞാണ് ചാനലിലൂടെ വിദ്യാര്ത്ഥികളെയും ചെറുപ്പക്കാരെയും ആകര്ഷിക്കുന്നത്. ഇങ്ങനെ എത്തുന്നവരെ മണലിപ്പുഴയിലെ കൈനൂര് ചിറ പ്രദേശത്ത് കൊണ്ടുപോയി ആദ്യം സൗജന്യമായി കഞ്ചാവ് കൊടുക്കും.
പിന്നെ സ്ഥിരം കസ്റ്റമേഴ്സാക്കി മാറ്റുകയാണ് ചെയ്യുന്നത്. 500 രൂപയുടെ ചെറിയ പൊതികളാക്കിയാണ് ഇയാള് കഞ്ചാവ് വിറ്റത്.ആയിരങ്ങള് വിലയുള്ള പത്തിലേറെ ആധുനിക ചൂണ്ടകളും ഇയാള് കൈവശം വച്ചിരുന്നു. ഇതും സ്വന്തമായുണ്ടാക്കിയ ഫിഷിംഗ് കിറ്റും ഉപയോഗിച്ച് യൂട്യൂബ് വഴി ആളുകളെ ആകര്ഷിക്കുകയായിരുന്നു.
പോലൂക്കര, മൂര്ക്കനിക്കര പ്രദേശങ്ങളിലെ ഒട്ടേറെ ചെറുപ്പക്കാരും വിദ്യാര്ത്ഥികളും ഇയാളുടെ സ്ഥിരം കസ്റ്റമേഴ്സാണെന്ന് അന്വേഷണ സംഘത്തിന് തെളിവ് ലഭിച്ചു.
ഇവരുടെ ലിസ്റ്റ് തയ്യാറാക്കിയിട്ടുണ്ടെന്നും അന്വേഷണം ഊര്ജിതമാക്കുമെന്നും കൗണ്സലിംഗ് ആവശ്യമുള്ള കുട്ടികള്ക്ക് രക്ഷിതാക്കളുടെ സഹായത്തോടെ നല്കുമെന്നും എക്സൈസ് ഇന്സ്പെക്ടര് ഹരിനന്ദനന് പറഞ്ഞു.
https://www.facebook.com/Malayalivartha
