ശബരിമലയില് യുവതീ പ്രവേശത്തെ അനുകൂലിച്ച രാഹുല് ഗാന്ധി ലീഗിന്റെ ലൈംഗികാതിക്രമത്തില് മിണ്ടാത്തതെന്തേ?
ശബരിമലയിലെ യുവതീപ്രവേശത്തെ ട്വിറ്ററിലൂടെ അനുകൂലിക്കുകയും ലിംഗനീതിയെ വാഴ്ത്തി പാടുകയും ചെയ്ത രാഹുല് ഗാന്ധി പക്ഷേ മുസ്ലീം ലീഗ് നേതാക്കളുടെ ലൈംഗികാധിക്ഷേപത്തെ കുറിച്ച് കേട്ടപ്പോള് പേടിച്ചുപോയി.
വയനാട്ടിലെത്തിയ രാഹുല് ഗാന്ധി മുസ്ലീം ലീഗിന്റെ വീരോതിഹാസങ്ങള് കേട്ട് അത്ഭുതപ്പെട്ടതായാണ് റിപ്പോര്ട്ട്. എന്നാല് പി.കെ കുഞ്ഞാലിക്കുട്ടിയെന്ന് കേള്ക്കുമ്പോള് മുട്ടു വിറയ്ക്കുന്ന രാഹുല് ഗാന്ധി കുഞ്ഞാപ്പക്കെതിരെ ഒരക്ഷരവും മിണ്ടില്ല.
ലൈംഗീക അധിക്ഷേപം നേരിട്ടെന്ന പരാതി അടിയന്തരമായി പിന്വലിക്കണമെന്ന് എംഎസ്എഫ് വനിതാ വിഭാഗമായ ഹരിതയോട് മുസ്ലീം ലീഗ് നേതൃത്വം ആവശ്യപ്പെട്ടതിനെ കുറിച്ച് രാഹുല് ഗാന്ധി ഇതു വരെ പ്രതികരിച്ചില്ല.
ചൊവ്വാഴ്ച രാവിലെ പത്ത് മണിക്കുള്ളില് വനിതാ കമ്മീഷനില് നല്കിയ പരാതി പിന്വലിക്കണമെന്നാണ് മുസ്ലീം ലീഗ് നേതാക്കള് ഹരിതയുടെ നേതൃത്വത്തിന് നല്കിയ അന്ത്യശാസനം. എംഎസ്എഫ് നേതൃത്വത്തില് ലൈംഗീക അധിക്ഷേപം സംബന്ധിച്ച പരാതിയില് വിശദമായ ചര്ച്ചകള് നടത്താമെന്ന് ലീഗ് നേതൃത്വം ഹരിതയെ അറിയിച്ചിട്ടുണ്ട്. എന്നാല് അതിന് മുന്പായി വനിതാ കമ്മീഷനില് നല്കിയ പരാതി പിന്വലിക്കണം. ഇല്ലെങ്കില് അച്ചടക്ക നടപടിയുണ്ടാവുമെന്നും ലീഗ് നേതൃത്വം വനിതാ നേതക്കളോട് വ്യക്തമാക്കിയിട്ടുണ്ട്. രാഹുല് ഗാന്ധി വയനാടുള്ള ദിവസം തന്നെയാണ് ഇതു സംഭവിച്ചത്.
സംഘടനയില് നേരിടേണ്ടി വന്ന ലൈംഗീക അധിക്ഷേപവും വിവേചനവും ചൂണ്ടിക്കാട്ടി മുസ്ലിം സ്റ്റുഡന്റ്സ് ഫെഡറേഷനിലെ പത്ത് വനിത നേതാക്കളാണ് വനിതാ കമ്മീഷനില് പരാതി നല്കിയത്. പരാതി വനിതാ കമ്മീഷന് കോഴിക്കോട് സിറ്റി പൊലീസിന് കൈമാറിയിരുന്നു. വനിതാ കമ്മീഷന് അംഗം ഷാഹിദാ കമാലാണ് വിഷയത്തില് സജീവമായി ഇടപെട്ടത്.
തുടര്ന്ന് പൊലീസ് പരാതിക്കാരില് നിന്ന് മൊഴിയെടുത്തു. എംഎസ്എഫ് വനിതാ വിഭാഗമായ ഹരിതയുടെ സംസ്ഥാന ജനറല് സെക്രട്ടറി നജ്മ തബ്ഷിറയുടെ മൊഴിയാണ് സ്പെഷ്യല് ബ്രാഞ്ച് ഡിവൈഎസ്പി പിസി ഹരിദാസ് രേഖപ്പെടുത്തിയത്. പൊലീസിന് നല്കിയ മൊഴിയിലും തന്റെ പരാതിയില് നജ്മ ഉറച്ച് നിന്നു.
പ്രശ്നം ഒത്തുതീര്പ്പാക്കാന് ഇന്നലെ ചര്ച്ച നടത്തിയ മുനവ്വറലി ശിഹാബ് തങ്ങള് പരാതി പിന്വലിക്കണമെന്ന് അഭ്യര്ത്ഥിച്ചെങ്കിലും ഹരിത നേതാക്കള് വഴങ്ങിയില്ല. ലൈംഗീക അധിക്ഷേപം നടത്തിയ എംഎസ്എഫ് പ്രസിഡന്റ് പി.കെ നവാസ് അടക്കമുളളവര്ക്കെതിരെ നടപടി എടുക്കാതെ ഒത്തുതീര്പ്പിന് ഇല്ലെന്നായിരുന്നു ഹരിതയുടെ മറുപടി. അതേസമയം, അച്ചടക്ക ലംഘനം കാട്ടി പാര്ട്ടിയെ സമ്മര്ദ്ദത്തിലാക്കിയ ഹരിത നേതാക്കള്ക്കെതിരെ നടപടി വേണമെന്ന അഭിപ്രായം ലീഗിലെ ഒരു വിഭാഗം നേതാക്കള് മുന്നോട്ട് വച്ചിരുന്നു. നിയമസഭാ തെരഞ്ഞെടുപ്പിലെ സീറ്റ് നിര്ണയത്തില് വനിതാ പ്രാതിനിധ്യമടക്കമുളള പ്രശ്നങ്ങള് ചര്ച്ചയാക്കിയ ഹരിത നേതാക്കളെ നിയന്ത്രിക്കണമെന്ന് ലീഗ് നേതൃത്വം എംഎസ്എഫിന് നിര്ദ്ദേശവും നല്കിയിരുന്നു.
ലീഗിന്റെ നേതൃത്വം ഇപ്പോഴും പി.കെ. കുഞ്ഞാലിക്കുട്ടിക്കാണ്. അദ്ദേഹത്തിന് സ്ത്രീപീഡനത്തെ കുറിച്ചൊന്നും യാതൊരു അഭിപ്രായവുമില്ല. മുമ്പ് റെജീന വിവാദം ഉയര്ന്നതാണ് അദ്ദേഹത്തിന്റെ മനസ്സിലുള്ളത് . അന്ന് മാധ്യമങ്ങള് ഒരുമിച്ച് നിന്നാണ് പി.കെ. കുഞ്ഞാലിക്കുട്ടിയെ രാജീവയ്പ്പിച്ചത്. അതിനു ശേഷം കുഞ്ഞാലിക്കുട്ടിക്ക് മാധ്യമങ്ങളോടെന്ന പോലെ സ്ത്രീപക്ഷക്കാരെയും വെറുപ്പാണ്. അതു കൊണ്ടുകൂടിയാണ് ഹരിത നേതാക്കള്ക്കെതിരെ കുഞ്ഞാലിക്കുട്ടി നിലപാടെടുക്കുന്നത്.
കുഞ്ഞാലിക്കുട്ടിയുടെ ഭീഷണിക്ക് രാഹുല് ഗാന്ധി വഴങ്ങുമോ എന്ന് കണ്ടറിയണം. കുഞ്ഞാലിക്കുട്ടിയുടെ മുന്നണിയുടെ തലവനെന്ന നിലയില് ഹരിത വിഷയത്തില് മറുപടി പറയേണ്ട ബാധ്യത രാഹുല്ഗാന്ധിക്കുണ്ട്.
എന്നാല് രാഹുല് ഒന്നും മിണ്ടില്ല. അതാണ് സത്യം. എന്തിന് പൊല്ലാപ്പ് പിടിക്കുന്നു എന്നദ്ദേഹം ചിന്തിച്ചാല് അതില് കുറ്റം പറയാനാവില്ല.
https://www.facebook.com/Malayalivartha