കരിപ്പൂര് സ്വര്ണക്കടത്തു ക്വട്ടേഷന് കേസിലെ രണ്ടാം പ്രതി അര്ജുന് ആയങ്കി ജാമ്യാപേക്ഷയുമായി ഹൈക്കോടതിയില്
കരിപ്പൂര് സ്വര്ണക്കടത്തു ക്വട്ടേഷന് കേസിലെ രണ്ടാം പ്രതി അര്ജുന് ആയങ്കി ഹൈക്കോടതിയില് ജാമ്യാപേക്ഷ നല്കി. കേസിലെ മറ്റെല്ലാ പ്രതികള്ക്കും ജാമ്യം ലഭിച്ചെന്നും തെളിവെടുപ്പും ചോദ്യംചെയ്യലും പൂര്ത്തിയായെന്നും ചൂണ്ടിക്കാട്ടിയാണു ജാമ്യഹര്ജി. സ്വര്ണക്കടത്തുമായോ പ്രതികളുമായോ ബന്ധമില്ല.
സുഹൃത്തിന് നല്കിയ വായ്പ തിരിച്ചുചോദിക്കാനാണു വിമാനത്താവളത്തില് എത്തിയത്. കൊടി സുനിയുമായി ചെറിയ പരിചയം മാത്രം. പുതിയ തെളിവുകള് ഹാജരാക്കാന് അന്വേഷണ സംഘത്തിനു കഴിഞ്ഞിട്ടില്ല.
ഈ സാഹചര്യത്തില് ജാമ്യം അനുവദിക്കണമെന്നാണ് ആവശ്യം. ഹര്ജി അവധിക്കാല ബഞ്ച് ഇന്നു പരിഗണിച്ചേക്കും. അര്ജുന്റ ജാമ്യാപേക്ഷ പലതവണ സാമ്പത്തിക കുറ്റവിചാരണ കോടതി തള്ളിയിരുന്നു.
രാഷ്ട്രീയ കൊലപാതക കേസുകളിലെ പ്രതികളടങ്ങുന്ന ക്രിമിനല് സംഘങ്ങളെ നിയന്ത്രിക്കുന്ന അര്ജുന് ജാമ്യം ലഭിച്ചാല് തെളിവുകള് നശിപ്പിക്കുമെന്ന കസ്റ്റംസ് നിലപാടു കോടതി ശരിവയ്ക്കുകയായിരുന്നു. ഇതോടെയാണു ഹൈക്കോടതിയെ സമീപിച്ചത്.
"
https://www.facebook.com/Malayalivartha