കേരളത്തില്‍ ഇനി കേന്ദ്രത്തിന്റെ ചാരക്കണ്ണുകള്‍.

ഐ എസ് ബന്ധം ആരോപിച്ച് കണ്ണൂരില്‍ രണ്ട് യുവതികള്‍ അറസ്റ്റിലായതോടെയാണ് കേന്ദ്രം കേരളത്തെ ശ്രദ്ധിക്കാന്‍ തുടങ്ങിയത്. ഇസ്ലാമിക് സ്റ്റേറ്റ് ഭീകര സംഘടനയുമായി ബന്ധപ്പെട്ട രണ്ടു യുവതികളാണ് അറസ്റ്റിലായത്.

ഷിഫ ഹാരിസ്, മിസ്ഹ സിദ്ദിഖ് എന്നിവരാണ് കണ്ണൂര്‍ നഗരത്തില്‍ നിന്ന് അറസ്റ്റിലായത്. ദില്ലിയില്‍ നിന്നുള്ള അന്വേഷണ സംഘമാണ് ഇവരെ അറസ്റ്റ് ചെയ്തത്. സാമൂഹിക മാധ്യമം വഴി ഐ എസ് ആശയ പ്രചാരണം നടത്തിയെന്നാണ് ദേശീയ അന്വേഷണ ഏജന്‍സി പറയുന്നത്. ഇവരുടെ കൂട്ടാളി മുസാദ് അന്‍വര്‍ നേരത്തെ അറസ്റ്റിലായിരുന്നു.

യുവതികള്‍ ക്രോണിക്കള്‍ ഫൗണ്ടേഷന്‍ എന്ന പേരില്‍ ഗ്രൂപ്പുണ്ടാക്കി സാമൂഹിക മാധ്യമത്തില്‍ ഐ.എസ്. പ്രചരണം നടത്തിയെന്നാണ് ആരോപണം. സംഘത്തില്‍പ്പെട്ട അമീര്‍ അബ്ദുള്‍ റഹ്മാനെ മംഗലാപുരത്ത് നിന്ന് അറസ്റ്റ് ചെയ്തിരുന്നു. ഇയാളില്‍ നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് യുവതികളെ അറസ്റ്റ് ചെയ്തത്. ഇവരെ ആറു മാസത്തോളം കേന്ദ്രം നിരീക്ഷിച്ചിരുന്നു. കേരളത്തില്‍ ഏഴ് പേരടങ്ങുന്ന സംഘമാണ് ഐ. എസിന് വേണ്ടി സമൂഹ മാധ്യമത്തില്‍ പ്രചാരണം നടത്തിയതെന്ന് സംഘം പറയുന്നു.

അതിനിടെ കേരളം ഐ എസിന്റെ താവളമാണെന്ന് ബി ജെ പി ദേശീയ അധ്യക്ഷന്‍ ജെ.പി. നദ്ദ പറഞ്ഞു. കേരളത്തില്‍ നിന്നും ഐ.എസ്. ബന്ധം ആരോപിച്ച് രണ്ട് യുവതികളെ പിടി കൂടിയതിന് പിന്നാലെയായിരുന്നു നദ്ദയുടെ പ്രസ്താവന. മുമ്പും ഐ.എസ് ഉള്‍പെടെയുള്ള ഭീകര സംഘടകളുടെ സ്ലീപ്പിംഗ് സെന്റായാണ് കേരളം അറിയപ്പെട്ടിരുന്നത്. വര്‍ഷങ്ങള്‍ക്ക് മുമ്പ് തന്നെ ഇത്തരമൊരു ആരോപണം ഉയര്‍ന്നുകേട്ടിരുന്നു. എന്നാല്‍ ഫലപ്രദമായ യാതൊരു നടപടികളും ഉണ്ടായില്ല. അങ്ങനെയുണ്ടായിരുന്നെങ്കില്‍ ഇതുപോലുള്ള സംഭവങ്ങള്‍ ഒഴിവാക്കാമായിരുന്നു.

സത്യത്തില്‍ ഇടത് വലത് മുന്നണികളാണ് ഇത്തരം സംഘടനകളുടെ കേരളത്തിലെ വളര്‍ച്ചയില്‍ നിര്‍ണായക പങ്ക് വഹിച്ചത്. തീവ്രവാദികള്‍ക്ക് നേരെ കണ്ണെറിഞ്ഞാല്‍ അത് ഒരു പ്രത്യേക സമുദായത്തിന് നേരെയാകും എന്ന പേടിയാണ് ഇടത് വലതു മുന്നണികള്‍ പുലര്‍ത്തുന്നത്. കോണ്‍ഗ്രസിനൊപ്പം ലീഗുള്ളതു കൊണ്ട് ഇത്തരക്കാരെ കോണ്‍ഗ്രസ് വിമര്‍ശിക്കാനില്ല. കേരളത്തിലെ വിവിധ രാഷ്ട്രീയ പാര്‍ട്ടികളുടെ ആവശ്യം വോട്ടാണ്. കേരളത്തില്‍ പ്രവര്‍ത്തിക്കുന്നത് തീവ്രവാദികളാണെന്ന് പറഞ്ഞാല്‍ അവര്‍ക്കതില്‍ യാതൊരു പരിഭവവുമില്ല.

കഴിഞ്ഞ ആറുമാസമായി രാജ്യത്തിന്റെ ചാര കണ്ണുകള്‍ കേരളത്തിന് പിന്നാലെയുണ്ട്. ഐ. എസിന്റെ കണ്ണികള്‍ കേരളത്തിലുണ്ടെന്ന മുന്നറിയിപ്പ് മുമ്പ് തന്നെ കേന്ദ്ര സര്‍ക്കാര്‍ കേരളത്തിന് കൈമാറിയിരുന്നത്. ഇക്കാര്യം വിരമിക്കുന്ന വേളയില്‍ ഡിജി പി യായിരുന്ന ലോക്‌നാഥ് ബഹ്‌റ പരസ്യമാക്കുകയും ചെയ്തു. എന്നാല്‍ ബഹ്‌റ വിചാരിച്ചാലൊന്നും നടക്കില്ലെന്ന് കേരളത്തിന് മനസ്സിലായി.

കേരളത്തിന്റെ കാര്യത്തില്‍ നരേന്ദ്രമോദിക്ക് പ്രത്യേക താത്പര്യമാണുള്ളത്. കേരളത്തില്‍ പ്രവര്‍ത്തിക്കുന്ന വിവിധ രാഷ്ട്രിയ കക്ഷികള്‍ വര്‍ഗ്ഗിയ കക്ഷികളെയും തീവ്രവാദികളെയും വളര്‍ത്തുന്ന കാര്യം വളരെ മുമ്പേ കേന്ദ്ര സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ട്.അതിന് ഒരറുതിയുണ്ടാക്കാന്‍ ഐ. എസ്. യുവതികള്‍ക്ക് കഴിയുമെന്ന് കേന്ദ്രസര്‍ക്കാര്‍ വിശ്വസിക്കുന്നു. താലിബാന്‍ വിഷയം കൊടുമ്പിരി കൊണ്ടതോടെ ഐ.എസിന് പഴുതുകള്‍ സൃഷ്ടിക്കാതെ ശ്രദ്ധിക്കുകയാണ് കേന്ദ്ര സര്‍ക്കാര്‍.

താലിബാനിലെ ഭീകരന്‍മാര്‍ മലയാളം സംസാരിക്കുന്ന ദൃശ്യം ശശി തരൂര്‍ പുറത്തുവിട്ടതോടെ കേരളം രാജ്യാന്തര തലത്തില്‍ ശ്രദ്ധ നേടി.