ഒരിടവേളയ്ക്ക് ശേഷം മാനന്തവാടി പോലീസ് സ്‌റ്റേഷനില്‍ കോവിഡ് രോഗ വ്യാപനം. ഇതുവരെ 15 പോലീസ് ഉദ്യോഗസ്ഥര്‍ക്ക് കോവിഡ് രോഗബാധ സ്ഥിരീകരിച്ചു. നാല് എസ്‌ഐ മാരടക്കമുളളവര്‍ക്കാണ് രോഗം സ്ഥിരീകരിച്ചത്. ഇവരില്‍ കഴിഞ്ഞ തവണ രോഗം ബാധിച്ചവരും ഉള്‍പ്പെടുന്നുണ്ട്.

രണ്ടാഴ്ചക്കാലയളവിനുള്ളിലാണ് 15 പേര്‍ പോസിറ്റീവായി ഹോം ക്വാറന്റൈനില്‍ കഴിയേണ്ടി വന്നിരിക്കുന്നത്. ഇനിയും രോഗലക്ഷണമുള്ള പോലീസുകാര്‍ സ്‌റ്റേഷനിലുണ്ട്.

അവരെല്ലാം കോവിഡ് ടെസ്റ്റ് നടത്തി റിസല്‍ട്ടിനായി കാത്തിരിക്കുകയാണ്. എസ്‌ഐ മാരുള്‍പ്പെടെ ക്വാറന്റൈനില്‍ പോയതോടെ സ്‌റ്റേഷന്റെ ദൈനംദിന പ്രവര്‍ത്തനങ്ങളെ ബാധിക്കുമെന്ന സ്ഥിതിവിശേഷവുമുണ്ട്.


മാസങ്ങള്‍ക്ക് മുന്പ് സ്‌റ്റേഷനിലെ ഭൂരിഭാഗം പോലീസ് ഉദ്യോഗസ്ഥര്‍ക്കും കോവിഡ് സ്ഥിരീകരിച്ചതിനാല്‍ സ്‌റ്റേഷന്‍ അടച്ചിടേണ്ടി വന്നിരുന്നു.