താരസംഘടന 'അമ്മ'യുടെ ഓണാഘോഷ ചിത്രങ്ങള്‍ സോഷ്യൽമീഡിയയിൽ നിമിഷനേരങ്ങൾക്കുള്ളിലാണ് വൈറലായത്. മലയാള താര സംഘടനയായ അമ്മയുടെ .കൊച്ചി അമ്മ ഓഫീസിൽ നടന്ന ഓണാഘോഷ പരിപാടിയിലാണ് മാസ്ക് പോലും തരിക്കാതെ താരങ്ങൾ പങ്കെടുത്തത്.

സമൂഹമാധ്യമങ്ങളിലൂടെ നിരവധി പേരാണ് പരസ്യമായുള്ള പ്രോട്ടോകോൾ ലംഘനത്തിനെതിരേറ്റ രംഗത്ത് എത്തിയത്. ഇപ്പോഴിതാ, 'അമ്മ'യുടെ യോഗത്തിനെതിരെ കോണ്‍ഗ്രസ് നേതാവ് ബിന്ദു കൃഷ്ണ. കുടുംബം പോറ്റാനായി തെരുവില്‍ ഇറങ്ങുന്നവരില്‍ നിന്ന് പിഴ ഈടാക്കുകയും,

മാസ്‌ക് പോലും ധരിക്കാതെയുള്ള പരിപാടിയ്‌ക്കെതിരെ യാതൊരു നടപടിയും സ്വീകരിക്കാത്തതിനെയാണ് ബിന്ദു കൃഷ്ണ പരോക്ഷമായി വിമർശനം ഉയർത്തിയത്. മാസ്‌ക് ധരിക്കാതെയുള്ള താരങ്ങളുടെ ചിത്രങ്ങള്‍ ഫേസ്ബുക്കില്‍ പോസ്റ്റ് ചെയ്യുകയും ചെയ്തു.

ചടങ്ങില്‍ വച്ച്‌ 'ഒപ്പം അമ്മയും' പദ്ധതിയിലൂടെ ഓണ്‍ലൈന്‍ പഠനത്തിന് സൗകര്യമില്ലാത്ത വിദ്യാര്‍ത്ഥികള്‍ക്ക് ടാബുകള്‍ സമ്മാനിച്ചു. സാമ്പത്തികമായി പിന്നാക്കം നില്‍ക്കുന്ന കുട്ടികളെ കണ്ടെത്തി നൂറ് ടാബുകളാണ് 'അമ്മയും', മൊബൈല്‍ ഫോണ്‍ റീറ്റെയ്ന്‍ ശൃംഖലയിലുള്ള 'ഫോണ്‍ 4'മായി ചേര്‍ന്ന് വിതരണം ചെയ്തത്.

ബിന്ദുകൃഷ്ണയുടെ ഫെയ്‌സ്ബുക്ക് പോസ്റ്റിന്റെ പൂർണരൂപം വായിക്കാം:

സാമൂഹ്യഅകലവും, മാസ്കും, കൊവിഡ് പ്രോട്ടോക്കോളും പെർഫക്ട് ഓക്കെ...

കുടുംബം പോറ്റാൻ തെരുവിൽ ഇറങ്ങുന്നവർക്ക് സമ്മാനമായി പെറ്റിയും, പിഴയും.

ജനങ്ങളുടെ പ്രശ്നങ്ങൾ ഉന്നയിച്ചു കൊണ്ട് പ്രതിഷേധം ഉയർത്തുന്ന രാഷ്ട്രീയ-പൊതുപ്രവർത്തകർക്ക് സമ്മാനമായി കേസും, കോടതിയും...

മച്ചാനത് പോരെ...