തിരുവോണ ദിനമായ നാളെ സംസ്ഥാനത്ത് ബാറുകള്‍ തുറക്കില്ലെന്ന് അധികൃതർ. തിരുവോണത്തിന്റെ പശ്ചാത്തലത്തിലാണ് തീരുമാനം കൈകൊണ്ടത്. ബെവ്കോ ഔട്ട്ലെറ്റുകള്‍ തുറക്കില്ലെന്ന് നേരത്തെ തന്നെ പ്രഖ്യാപിച്ചിരുന്നു. ഇതോടെ നാളെ സംസ്ഥാനത്ത് മദ്യശാലകള്‍ പ്രവര്‍ത്തിക്കില്ല എന്ന റിപ്പോർട്ടാണ് പുറത്ത് വരുന്നത്.

കൂടാതെ ഓണത്തിരക്ക് പ്രമാണിച്ച്‌ മദ്യശാലകളുടെ പ്രവര്‍ത്തന സമയം നേരത്തെ കൂട്ടിയിരുന്നു. രാവിലെ ഒമ്ബത് മുതല്‍ വൈകിട്ട് എട്ട് വരെ തുറക്കാനായിരുന്നു എക്സൈസ് കമ്മിഷണര്‍ നേരത്തെ ഉത്തരവിട്ടത്. ഓണത്തോടനുബന്ധിച്ച്‌ തിരക്ക് നിയന്ത്രിക്കാനാണെന്നാണ് ഇതിന് സര്‍ക്കാര്‍ വിശദീകരണം.