നടി സുരഭി ലക്ഷ്മി പങ്കുവച്ച വിഡിയോ സോഷ്യൽ മീഡിയയിൽ വൈറലാകുന്നു. പുതിയ ചിത്രം ‘പത്മ’ യുടെ സെറ്റിലെ രസകരമായ നിമിഷങ്ങളാണ് വിഡിയോയിൽ. അനൂപ് മേനോൻ പ്രധാന കഥാപാത്രത്തെ അവതരിപ്പിച്ച് സംവിധാനം ചെയ്യുന്ന സിനിമയിൽ ടൈറ്റിൽ കഥാപാത്രത്തെയാണ് സുരഭി അവതരിപ്പിക്കുന്നത്.

അനൂപ് മേനോൻ തന്റെ ഭാഗം അഭിനയിക്കാൻ പോയപ്പോൾ സംവിധായകന്റെ സീറ്റിൽ കയറി ടേക്ക് എടുക്കുകയാണ് സുരഭി. നടിയുടെ നിർദേശം അനുസരിച്ച് അഭിനയിക്കുന്ന അനൂപ് മേനോനെയും വിഡിയോയിൽ കാണാം.

അനൂപ് മേനോന്‍ തന്നെയാണ് ചിത്രത്തിന്റെ നിർമാണം. മഹാദേവന്‍ തമ്പി ക്യാമറ കൈകാര്യം ചെയ്യുന്നു. നിനോയ് വര്‍ഗീസ് സംഗീതം നിര്‍വഹിക്കുന്ന ചിത്രത്തിന്‍റെ കലാ സംവിധാനം ദുന്ദു രഞ്ജീവ്.