സിവില്‍ സപ്ലൈസ് കോര്‍പറേഷന്‍ ഓണക്കിറ്റില്‍ വിതരണം ചെയ്യാന്‍ ഏലക്ക വാങ്ങിയതില്‍ എട്ട് കോടിയുടെ അഴിമതി നടന്നതായി കെ.പി.സി.സി വര്‍ക്കിങ് പ്രസിഡന്റ് പി.ടി. തോമസ് എം.എല്‍.എ. ഇതേക്കുറിച്ച് സമഗ്ര അന്വേഷണം വേണം. ഇടുക്കി പ്രസ് ക്ലബിന്റെ 'മുഖാമുഖം' പരിപാടിയിലാണ് അദ്ദേഹം ഗുരുതര ആരോപണവുമായി രംഗത്തെത്തിയത്.

88.5 ലക്ഷം ഓണക്കിറ്റാണ് വിതരണം ചെയ്യുന്നത്. ഓണക്കിറ്റില്‍ ഏലക്ക ഉള്‍പ്പെടുത്താന്‍ ജൂലൈ 12ന് സര്‍ക്കാര്‍ തീരുമാനിച്ചെങ്കിലും 23നുശേഷമാണ് പര്‍ച്ചേസ് ഓര്‍ഡര്‍ നല്‍കിയത്. ടെന്‍ഡര്‍ നടപടി വൈകിപ്പിച്ചത് ഉയര്‍ന്ന വിലയ്ക്ക് വാങ്ങാന്‍ നടത്തിയ നീക്കമാണോയെന്ന് സംശയിക്കണമെന്നും പറഞ്ഞു.