അവള് ഉള്ള നാളുകള് എന്നും ഓണമായിരുന്നു, എപ്പോഴും പുഞ്ചിരി മാത്രം നിറഞ്ഞു നിന്നിരുന്ന അവളുടെ മുഖം ഓണ നിലാവ് പോലെ മനസ്സില് മായാതെ നില്ക്കുന്നു...!! മാളു വിടപറഞ്ഞിട്ട് 2 മാസം: വിസ്മയയുടെ ഓര്മയില് സഹോദരന്

സ്ത്രീധന പീഡനത്തെ തുടര്ന്ന് ഭര്ത്താവിന്റെ വീട്ടില് മരണപ്പെട്ട വിസമ്മയുടെ ഓര്മ്മകള് പങ്കുവച്ചു സഹോദരന് വിജിത്. വിസ്മയയുടെ വേര്പാടിന്റെ രണ്ടു മാസം തികയുന്ന ഈ തിരുവോണ ദിവസത്തില് മാളുവില്ലാത്ത ഓണദിവസത്തെ കുറിച്ചാണ് സഹോദരന് സമൂഹ മാധ്യമത്തില് പങ്കുവയ്ക്കുന്നത്.
'ഓണവും ഓണപ്പാട്ടും അത്തപ്പൂക്കളവും ഇല്ലാത്ത ഒരു പൊന്നോണം…. അവള് ഉള്ള നാളുകള് എന്നും ഓണം പോലെ തന്നെയായിരുന്നു.' വിജിത് സഹോദരിയുടെ ചിത്രത്തിനൊപ്പം കുറിച്ചു.
പോസ്റ്റിന്റെ പൂര്ണ്ണ രൂപം ഇങ്ങനെ, മാളു..വിട പറഞ്ഞു ഇന്നേക്ക് രണ്ടു മാസം തികയുകയാണ്…. ഓണവും ഓണപ്പാട്ടും അത്തപ്പൂക്കളവും ഇല്ലാത്ത ഒരു പൊന്നോണം…. അവള് ഉള്ള നാളുകള് എന്നും ഓണം പോലെ തന്നെയായിരുന്നു…. എപ്പോഴും പുഞ്ചിരി മാത്രം നിറഞ്ഞു നിന്നിരുന്ന അവളുടെ മുഖം ഓണ നിലാവ് പോലെ മനസ്സില് മായാതെ നില്ക്കുന്നു…
ഈ വേദന സഹിക്കാന് കഴിയുന്നതിലും അപ്പുറം ആണ്..ഭൂമിയിലെ ഒരു സഹോദരനും, അച്ഛനും, അമ്മയ്ക്കും ഈ ഒരു പരീക്ഷണം ദൈവം കൊടുക്കാതിരിക്കട്ടെ . മാളൂട്ടിയുമായി ആഘോഷിക്കാന് കഴിഞ്ഞ ഒരുപിടി നല്ല ഓണ ഓര്മ്മകള് മാത്രം ബാക്കിയാവുന്നു.
https://www.facebook.com/Malayalivartha

























