ഉദ്ധവ് താക്കറെയെ കെട്ടിപ്പിടിച്ച് പിണറായി മുത്തം കൊടുത്തതെന്തിന്? കേന്ദ്ര മന്ത്രി നാരായണ റാണെക്ക് മഹാരാഷ്ട്രയിലെ ശിവസേന സര്ക്കാര് പണി കൊടുത്തതുപോലെ കേന്ദ്ര മന്ത്രി വി.മുരളീധരന് കേരള സര്ക്കള് പണി കൊടുക്കുമോ?
കേന്ദ്ര മന്ത്രി നാരായണ റാണെക്ക് മഹാരാഷ്ട്രയിലെ ശിവസേന സര്ക്കാര് പണി കൊടുത്തതുപോലെ കേന്ദ്ര മന്ത്രി വി.മുരളീധരന് കേരള സര്ക്കള് പണി കൊടുക്കുമോ? കേരളത്തിലെത്തുമ്പോഴൊക്കെ പിണറായിയെയും ഇടതുമുന്നണിയെയും തെറി വിളിക്കുന്ന മുരളിക്ക് ഒരു പണി കൊടുക്കുന്നതിനെ കുറിച്ച് പിണറായി വിജയന് ഏറെ നാളായി ചിന്തിക്കുകയാണ്.
പ്രതിപക്ഷം ഭരിക്കുന്ന സംസ്ഥാനങ്ങളിലൊക്കെ വലിയ ആവേശം പകരുന്ന വിവരമാണ് നാരായണ റാണെയുടെ അറസ്റ്റില് നിന്നും ഉണ്ടായത്. കേന്ദ്ര മന്ത്രിമാര് സംസ്ഥാനങ്ങളിലെത്തി ബിജെപി ഇതര മുഖ്യമന്ത്രിമാരെ തെറി വിളിക്കുന്ന പ്രവണത കൂടി വരികയാണ്.ഇതില് പിണറായിയെ നഖശിഖാന്തം എതിര്ക്കുന്നയാളാണ് കേന്ദ്ര മന്ത്രി മുരളി. സ്വര്ണ്ണക്കടത്ത് കേസ് സജീവമായിരുന്ന കാലത്ത് പിണറായിക്കെതിരെ മുരളി വിളിച്ച തെറിക്ക് കൈയും കണക്കും ഉണ്ടായിരുന്നില്ല.
തെരഞ്ഞടുപ്പ് സമയത്ത് പോലും പിണറായിയുടെ ഉറക്കം മുരളി കെടുത്തിയിരുന്നു.എന്നാല് ബിജെപിയിലെ ചില ഉന്നത നേതാക്കളുമായുള്ള ബന്ധം വഴിയാണ് തനിക്കെതിരെ പാഞ്ഞ് വന്ന കൂരമ്പുകളെ നേരിട്ടത്. സ്വര്ണ്ണക്കടത്ത് കേസിലെ പ്രതികളുടെ മൊഴിയുടെ അടിസ്ഥാനത്തില് ജുഡീഷ്യല് അന്വേഷണം പ്രഖ്യാപിക്കാന് പിണറായി തയ്യാറായത് പോലും മുരളിയുടെ തെറി വിളി സഹിക്കാന് കഴിയാത്തതുകൊണ്ടായിരുന്നു.
പ്രതിപക്ഷം ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാര്ക്ക് വലിയ ആവേശമാണ് വാര്ത്ത നല്കിയത്.പിണറായി ഉദ്ധവ് താക്കറെയെ ബന്ധപ്പെട്ടോ എന്ന് വ്യക്തമല്ല.എന്നാല് മമതാ ബാനര്ജി ഉള്പ്പെടെയുള്ള മുഖ്യമന്ത്രിമാര് താക്കറെയെ ഫോണില് ബന്ധപ്പെട്ടെന്നാണ് സൂചന.
ഒരു പുതിയ കീഴ് വഴക്കത്തിനാണ് റാണെ സംഭവം വഴിവച്ചിരിക്കുന്നത് .റാണെയുടെ പരാമര്ശത്തിന്റെ അടിസ്ഥാനത്തില് നാസിക് പോലീസ് റാണെയ്ക്കെതിരേ കേസ് രജിസ്റ്റര് ചെയ്ത് വാറന്റ് പുറപ്പെടുവിച്ചിരുന്നു. അതേസമയം, അറസ്റ്റ് തടയണമെന്ന് ആവശ്യപ്പെട്ട് റാണെ, ബോംബെ ഹൈക്കോടതിയെ സമീപിച്ചിട്ടുണ്ട്. എന്നാല് കോടതി അറസ്റ്റ് തടയുമെന്ന് ആരും പ്രതീക്ഷിക്കുന്നില്ല.
റായ്ഗഢില് ''ജന ആശീര്വാദ് യാത്ര''യില് പങ്കെടുക്കുന്നതിനിടെയായിരുന്നു ഉദ്ധവിനെതിരെ റാണെയുടെ വിവാദ കരണത്തടി പരാമര്ശം. ഓഗസ്റ്റ് 15-ന് നടത്തിയ അഭിസംബോധനയ്ക്കിടെ സ്വാതന്ത്ര്യം ലഭിച്ച വര്ഷം ഉദ്ധവ് മറന്നുപോയെന്നും പ്രസംഗമധ്യേ ഇക്കാര്യം സഹായികളോടു ചോദിച്ചെന്നുമായിരുന്നു റാണെ പറഞ്ഞത്. ആ സമയം താന് അവിടെ ഉണ്ടായിരുന്നെങ്കില് ഉദ്ധവിന്റെ കരണം നോക്കി ഒന്നുകൊടുത്തേനെ എന്നും റാണെ പറഞ്ഞിരുന്നു. ഇതേ മട്ടില് തന്നെയാണ് പലേ കേന്ദ്ര മന്ത്രിമാരും സംസാരിക്കാറുള്ളത്.
റാണെയുടെ വിവാദ പരാമര്ശത്തെ ചൊല്ലി ശിവസേന, ബി.ജെ.പി പ്രവര്ത്തകര് ചൊവ്വാഴ്ച തെരുവില് ഏറ്റുമുട്ടി. കേസില് മന്ത്രിയെ അറസ്റ്റുചെയ്ത് കോടതിയില് ഹാജരാക്കുമെന്നും തുടര്ന്ന് കോടതി നിര്ദേശം അനുസരിച്ച് മുന്നോട്ടുപോകുമെന്നും നാസിക് പോലീസ് മേധാവി ദീപക് പാണ്ഡെ നേരത്തെ അറിയിച്ചിരുന്നു. റാണെ, രാജ്യസഭാംഗമായതിനാല് അറസ്റ്റിനുശേഷം ഉപരാഷ്ട്രപതി വെങ്കയ്യ നായിഡുവിനെ ഔദ്യോഗികമായി അറിയിക്കുമെന്നും അദ്ദേഹം വ്യക്തമാക്കിയിരുന്നു.
ശിവസേനാ നേതാക്കള് മുംബയിലെ റാണെയുടെ വസതിയിലേക്ക് നടത്തിയ മാര്ച്ച് ബി.ജെ.പി നേതാക്കള് തടയാന് ശ്രമിച്ചതോടെയായിരുന്നു ഇരുകൂട്ടരും തമ്മില് സംഘര്ഷം ഉടലെടുത്തത്. തുടര്ന്ന് പോലീസ് പ്രത്യേക സേനയെ വിന്യസിച്ച് സാഹചര്യം തണുപ്പിക്കാന് ശ്രമിച്ചെങ്കിലും ഇരുപാര്ട്ടിക്കാരും പരസ്പരം കല്ലെറിഞ്ഞു. ശിവസേനാ നേതാക്കള് നടുറോഡില് കുത്തിയിരുന്ന് പ്രതിഷേധിച്ചതോടെ ഗതാഗതം തടസപ്പെട്ടു. നാഗ്പൂരിലെ ബി.ജെ.പി ഓഫീസിനു നേരെയും ഇന്നുരാവിലെ ശിവസേന നേതാക്കള് കല്ലെറിഞ്ഞു. സംസ്ഥാനത്ത് പ്രശ്നങ്ങള് സൃഷിക്കാനും സമാധാനാന്തരീക്ഷം തകര്ക്കാനുമാണ് റാണെയുടെ ശ്രമമെന്ന് ശിവസേന നേതാക്കള് ആരോപിച്ചു.
ബിജെപിക്ക് ശിവസേനയോട് അടിച്ചു നില്ക്കാനുള്ള കെല്പ്പ് പോരാ. അത് തന്നെയാണ് പാര്ട്ടി നേരിടുന്ന ഏറ്റവും വലിയ വിഷമം.എന്നാല് കേന്ദ്ര മന്ത്രിസഭയെ സംബന്ധിച്ചടത്തോളം മുംബൈ സംഭവം വലിയ പ്രഹരമായി മാറിയിരിക്കുകയാണ്. ബിജെപിക്ക് ഇത് വലിയൊരു നാണക്കടായി മാറി.
ചുരുക്കത്തില് ഉദ്ധവ് താക്കറെയെ അടുത്തു കിട്ടിയാല് പിണറായി അദ്ദേഹത്തെകെട്ടി പിടിച്ച് മുത്തം കൊടുക്കും.
https://www.facebook.com/Malayalivartha
