കോവിഡ് ഡ്യൂട്ടിയുള്ളതിനാല് ഔദ്യോഗിക ചുമതലകള് കൃത്യമായി നിര്വഹിക്കുവാന് അധിക സമയം കണ്ടെത്തേണ്ടി വരുന്നത് അധ്യാപകരെ സമ്മര്ദത്തിലാക്കുന്നു
ഓണ്ലൈന് ക്ലാസും കോവിഡ് ഡ്യൂട്ടിയും അധ്യാപകരെ സമ്മര്ദ്ദത്തിലാക്കുന്നു. കോവിഡ് ഡ്യൂട്ടിയുള്ളതിനാല് ഔദ്യോഗിക ചുമതലകള് കൃത്യമായി നിര്വഹിക്കുവാന് അധിക സമയം കണ്ടെത്തേണ്ടി വരുന്നു. പഞ്ചായത്ത് ഹെല്പ് ഡെസ്കുകളിലും ഹെല്ത്ത് സെന്ററുകളിലും ജാഗ്രതാ സമിതികളിലും കോവിഡ് ഡ്യൂട്ടി ലഭിച്ച അധ്യാപകരാണ് ഓണ്ലൈന് ക്ലാസും അതിന്റെ തുടര് പ്രവര്ത്തനങ്ങളും മുന്നോട്ടു കൊണ്ടുപോകാന് കഷ്ടപ്പെടുന്നത്.
ഓണ്ലൈന് ക്ലാസ്, പ്ലസ് വണ് പ്രവേശനം, പരീക്ഷകള് എന്നിവയുടെ പശ്ചാത്തലത്തില് അധ്യാപകരെ കോവിഡ് ഡ്യൂട്ടിയില് നിന്ന് ഒഴിവാക്കുമെന്ന് പറഞ്ഞിരുന്നുവെങ്കിലും ഇതുവരെ ഇതു സംബന്ധിച്ച ഉത്തരവിറങ്ങാത്തിനാല് ഒഴിവാക്കാനാവില്ലെന്നാണ് അധികൃതര് പറയുന്നത്.
കോവിഡ് പ്രതിസന്ധികള്ക്കിടയില് മുന്നണിപ്പോരാളികളെ സഹായിക്കാനും സമൂഹത്തോടുള്ള കടമ നിര്വഹിക്കാനും സന്നദ്ധരാണെന്ന് അധ്യാപകര് പറയുമ്ബോഴും ഔദ്യോഗിക ചുമതലകള് കൃത്യമായി നിര്വഹിക്കുവാന് അധിക സമയം കണ്ടെത്തേണ്ടി വരുന്നു.
ഹെല്പ് ഡെസ്കുകളിലും ഹെല്ത്ത് സെന്ററുകളിലും ഡ്യൂട്ടി ലഭിച്ച അധ്യാപകര് അതിരാവിലെയും സന്ധ്യക്ക് ശേഷവുമാണ് ഓണ്ലൈന് ക്ലാസിനു സമയം കണ്ടെത്തുന്നത്. ഡ്യൂട്ടി ലഭിച്ചവരില് ഏറെയും അധ്യാപികമാരായതിനാല് വീട്ടുജോലികള് കുഞ്ഞുങ്ങളെയും പ്രായമായ മാതാപിതാക്കളെയും പരിചരിക്കല് തുടങ്ങിയ ഉത്തരവാദിത്തങ്ങളും നിര്വഹിക്കാനാകാതെ നട്ടം തിരിയുകയാണ്.
https://www.facebook.com/Malayalivartha
