മാസ്ക് വെച്ചില്ലെന്ന് പറഞ്ഞ് അരങ്ങേറിയത് കൊടും ക്രൂരത. നടാകീയമായ സംഭവം അരങ്ങേറിയത് ഇന്നലെ ഉച്ചക്ക്. മെഡിക്കല്‍ കോളജില്‍ ഗൈനക്കോളജി വിഭാഗത്തില്‍ കഴിഞ്ഞ 16 ദിവസമായി കൂട്ടിരിപ്പ് കാരനാണ് കോട്ടയം പള്ളം മാവിളങ്ങ് സ്വദേശി അജികുമാര്‍(45). ഇന്നലെ പതിവുപോലെ ഗൈനക്കോളജി വിഭാഗത്തിനു പുറത്ത് കാത്തിരിക്കുമ്ബോഴാണ് കണ്‍ട്രോള്‍റൂം വാഹനമെത്തി മാസ്ക് ഇല്ലാത്തവരെ തിരഞ്ഞ് പെറ്റി അടിക്കാന്‍ തുടങ്ങിയത്.

മരത്തിനു ചുവട്ടില്‍ ഇരിക്കുകയായിരുന്ന അജി കുമാറിന്റെ അടുത്ത് എത്തി പോലീസ് ഫൈന്‍ അടക്കണമെന്ന് ആവശ്യപ്പെട്ടു. എന്നാല്‍ താന്‍ മാസ്ക് വിളിച്ചിരുന്നതായി അജികുമാര്‍ പൊലീസിനോട് പറഞ്ഞു. ഇതാണ് തര്‍ക്കത്തിനും ക്രൂരമായ അതിക്രമത്തിനും കാരണമായത്.

മാസ്ക് വെച്ച്‌ എന്ന് ചൂണ്ടിക്കാട്ടി പൊലീസുമായി സംസാരിച്ചതോടെ അജി കുമാറിനെ വാഹനത്തില്‍ കയറ്റി കൊണ്ടു പോകാന്‍ ഉള്ള ശ്രമമാണ് പിന്നീടുണ്ടായത്. വാഹനത്തില്‍ കയറ്റി വാതില്‍ അടയ്ക്കുമ്ബോള്‍ ആണ് അജി കുമാറിന്റെ കാലിന് പരിക്കേറ്റത്.

ഡോര്‍ അടയ്ക്കുമ്ബോള്‍ കാല്‍ ഡോറിന്റെ ഇടയിലാണെന്ന് പല തവണ വിളിച്ചു പറഞ്ഞിരുന്നതായി അജികുമാര്‍ പറയുന്നു. എന്നാല്‍ വളരെ ദേഷ്യപ്പെട്ട് പൊലീസ് ഉദ്യോഗസ്ഥര്‍ വാതില്‍ രണ്ടുതവണ ആഞ്ഞ് അടച്ചതായി അജി കുമാര്‍ പറയുന്നു.

ഇതാണ് പരിക്ക് ഉണ്ടാകാന്‍ കാരണമായത്. തുടര്‍ന്ന് ഗാന്ധിനഗര്‍ പൊലീസ് സ്റ്റേഷനില്‍ എത്തിയപ്പോള്‍ 500 രൂപ ഫൈന്‍ അടക്കണമെന്ന് ആവശ്യപ്പെട്ടു. എന്നാല്‍ തന്റെ കൈവശം 400 രൂപ മാത്രമാണ് ഉണ്ടായിരുന്നത് എന്നു പറഞ്ഞപ്പോള്‍ നിര്‍ബന്ധപൂര്‍വ്വം പണമടച്ച്‌ മതിയാകൂ എന്ന് പോലീസ് ഉദ്യോഗസ്ഥര്‍ പറഞ്ഞതായി അജികുമാര്‍ ചൂണ്ടിക്കാട്ടുന്നു.

ഒടുവില്‍ പണം കടം വാങ്ങി അടച്ചതോടെ എല്ലാം മറക്കാന്‍ അവിടെയുണ്ടായിരുന്ന ഉദ്യോഗസ്ഥര്‍ പറഞ്ഞതായും അജികുമാര്‍ ആരോപിച്ചു. എന്നാല്‍ ദൃക്സാക്ഷികള്‍ അടക്കം 15 പേര്‍ ചേര്‍ന്ന് ഗാന്ധിനഗര്‍ പോലീസില്‍ പരാതി നല്‍കുകയായിരുന്നു. എന്നാല്‍ സംഭവമുണ്ടായി 24 മണിക്കൂര്‍ എത്തുമ്ബോഴും മൊഴി പോലും രേഖപ്പെടുത്താന്‍ ആരും എത്തിയില്ല എന്ന അജികുമാര്‍ പരാതിപ്പെടുന്നു.

അജി കുമാറിനെതിരെ നടന്നത് ക്രൂരമായ പൊലീസ് അതിക്രമം ആണെന്ന് സംഭവസ്ഥലത്തുണ്ടായിരുന്ന ദൃക്സാക്ഷികളും പറയുന്നു. അജികുമാര്‍ ചൂണ്ടിക്കാട്ടിയ അതേ വാദങ്ങള്‍ തന്നെയാണ് ദൃക്സാക്ഷികളും ആവര്‍ത്തിക്കുന്നത്. വൈകുന്നേരം കാലിനു നീര് വെച്ച്‌ അതോടെയാണ് മെഡിക്കല്‍ കോളേജില്‍ പരിശോധന നടത്തിയത്. ഈ പരിശോധനയിലാണ് പൊട്ടല്‍ ഉള്ളതായി കണ്ടെത്തിയത്.

അജി കുമാറിനെയും മെഡിക്കല്‍ കോളേജില്‍ പരിശോധിച്ച എക്സ്-റേ റിപ്പോര്‍ട്ടുകളിലും മറ്റ് റിപ്പോര്‍ട്ടുകളിലും കാലിന് പരിക്കുണ്ട് എന്ന് വ്യക്തമാണ്. അതേസമയം പോലീസ് അക്രമത്തില്‍ അല്ല അജികുമാറിന് പരിക്കേറ്റതെന്ന് ഗാന്ധിനഗര്‍ പോലീസ് പറഞ്ഞു. അഡ്രസ്സ് ചോദിച്ചപ്പോള്‍ നല്‍കാത്തതിനെ തുടര്‍ന്നാണ് പോലീസ് സ്റ്റേഷനിലേക്ക് കൂട്ടിക്കൊണ്ടുവന്നത് എന്നും ഗാന്ധിനഗര്‍ എസ് എച്ച്‌ ഒ വ്യക്തമാക്കി. സംഭവം പുറത്തുവന്നതോടെ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.