ശശി തരൂരിന്റെ ഒരു ഭാവത്തിന് എത്ര അര്‍ത്ഥ തലങ്ങളുണ്ടെന്ന് തോന്നി പോകും. ക്ഷേത്രത്തില്‍ തേങ്ങയുടയ്ക്കുന്ന ഒരു ചിത്രം ശശി തരൂര്‍ ട്വീറ്റ് ചെയ്തു. പിന്നെ ആ തേങ്ങാച്ചിത്രം ഇന്റര്‍നെറ്റിലൂടെ പറന്നു. പിന്നെ എല്ലാം ജനം ചെയ്തു. ഒര്‍ജിനലിനേക്കാളും വെല്ലുന്ന തരത്തിലുള്ള ചിത്രങ്ങളാണ് ശശി തരൂരിന് തിരികെ ലഭിച്ചത്.

സാമൂഹിക മാധ്യമങ്ങളിലെ വികൃതികള്‍ ആ ചിത്രത്തെ പലരൂപത്തില്‍ തകൃതിയായി ഉടച്ചുവാര്‍ത്തു. തേങ്ങയോങ്ങി നില്‍ക്കുന്ന തരൂര്‍ പിന്നെ ചായയടിക്കാരനായി, ഗുസ്തിക്കാരനായി, നര്‍ത്തകനായി... എന്തിന് നീരജ് ചോപ്ര ഒളിമ്പിക് സ്വര്‍ണത്തിലേക്കെറിഞ്ഞ ജാവലിന്‍ തറച്ച സ്ഥലംചൂണ്ടുന്ന തരൂരിനെവരെ സൃഷ്ടിച്ചുകളഞ്ഞു.

സംഗതി നന്നായി ആസ്വദിച്ച തരൂര്‍ ഇങ്ങനെ ട്വീറ്റ് ചെയ്തു: 'ഒരുപാടെണ്ണമുണ്ട്, എന്തായാലും സംഗതി ബഹുരസമാണ്. അതില്‍ എനിക്കേറ്റവും ഇഷ്ടായത് ഇതാണ്.' വാക്കുകള്‍ക്കൊപ്പം പങ്കുവെച്ചത് ഓസ്‌ട്രേലിയ പാകിസ്താന്‍ ടെസ്റ്റ് ക്രിക്കറ്റിനിടെ പിച്ചില്‍ തേങ്ങയുടയ്ക്കുന്ന 'തരൂര്‍ചിത്രം'!

ഏറെ വര്‍ഷങ്ങള്‍ക്കുശേഷം പാലക്കാട് എലവഞ്ചേരിയിലെ തറവാട്ടില്‍ ഓണം ആഘോഷിക്കാനെത്തിയപ്പോഴാണ് ഭഗവതിക്ഷേത്രത്തില്‍ ശശി തരൂര്‍ തേങ്ങയുടച്ചത്. പക്ഷേ, ആ തേങ്ങ ഇന്റര്‍നെറ്റ് ലോകം മുഴുവന്‍ ചുറ്റുമെന്ന് തരൂര്‍പോലും പ്രതീക്ഷിച്ചില്ല. ചിത്രം എഡിറ്റ് ചെയ്ത് മീം (ഇന്റര്‍നെറ്റ് തമാശ) ആക്കി മാറ്റിയവരുടെ ഭാവനയെ തരൂര്‍തന്നെ പുകഴ്ത്തിയതോടെ സാമൂഹികമാധ്യമങ്ങളില്‍നിന്ന് വാര്‍ത്താ പോര്‍ട്ടലിലേക്കും തേങ്ങ ഉരുണ്ടുകയറി!



തേങ്ങയുടയ്ക്കുന്ന ചിത്രത്തിന്റെ അടിക്കുറിപ്പ് വാട്‌സാപ്പില്‍ വന്നതിങ്ങനെ 'after elevating the humble coco nucifera'

സുനന്ദ പുഷ്‌കറുടെ ആത്മഹത്യ കേസില്‍ നിന്നും ശശി തരൂര്‍ അടുത്തിടെയാണ് കുറ്റവിമുക്തനായത്. കുറ്റവിമുക്തനാക്കപ്പെട്ടതോടെ ഏഴര വര്‍ഷം നീണ്ട രാഷ്ട്രീയ വേട്ടയാടലിനെ അതിജീവിച്ചിരിക്കുകയാണ് ശശി തരൂര്‍. പ്രധാനമന്ത്രി നരേന്ദ്ര മോദിയുള്‍പ്പടെയുളള നേതാക്കളുടെ പരിഹാസങ്ങളും സുബ്രഹ്മണ്യന്‍ സ്വാമിയുടെ ആരോപണങ്ങളുമെല്ലാം പലപ്പോഴും തരൂരെന്ന ആഗോള നേതാവിനെ പ്രതിരോധത്തിലാക്കിയിരുന്നു.

അടുത്തിടെയുള്ള ശശി തരൂരിന്റെ ട്വിറ്റ് ഏറെ വിവാദമായിരുന്നു. ശശിതരൂര്‍ റീട്വീറ്റ് ചെയ്ത ദൃശ്യത്തിലുള്ളത് തിരൂരങ്ങാടിക്കാരനെന്ന് സംശയം. ഇതോടെ താലിബാന്‍ ഭീകരരില്‍ മലയാളിയും ഉള്‍പ്പെട്ടിട്ടുണ്ടെന്നാണ് കരുതുന്നത്. ഡ്രോണ്‍ ആക്രമണത്തില്‍ കൊല്ലപ്പെട്ടെന്ന് കരുതിയ അബ്ദുള്‍ സലീം ജയില്‍ മോചിതനായെന്നാണ് സൂചന. ശശി തരൂര്‍ എംപി. റീട്വീറ്റ് ചെയ്ത ദൃശ്യത്തിലെ മലയാളം സംസാരിക്കുന്ന യുവാവിനെ കുറിച്ച് വ്യക്തമായ സൂചനകള്‍ കേന്ദ്ര ഏജന്‍സികള്‍ക്ക് കിട്ടി കഴിഞ്ഞു.

എന്നാല്‍ തരൂരിന്റെ ട്വീറ്റിനെതിരെ കേരളത്തില്‍ വലിയ പ്രതിഷേധമായിരുന്നു സാംസ്‌കാരിക നായകര്‍ എന്നവകാശപ്പെടുന്നവരുടെയും ചില രാഷ്ട്രീയ പാര്‍ട്ടികളുടെയും ഭാഗത്തു നിന്നുണ്ടായത്. തിരൂരങ്ങാടി സ്വദേശിയായ യുവാണ് ഇതെന്നാണ് പ്രഥമിക നിഗമനം. ജയില്‍മോചിതനായ ഈ മലയാളി യുവാവിന്റെ നീക്കങ്ങള്‍ കേന്ദ്ര ഏജന്‍സികള്‍ നിരീക്ഷിക്കുന്നു. കേരളത്തിലേക്കു മടങ്ങണമെന്നാവശ്യപ്പെടുന്ന ഇയാളുടെ കാര്യത്തില്‍ കേന്ദ്രസര്‍ക്കാര്‍ തീരുമാനമെടുത്തിട്ടില്ല. യുവാവ് 2016ലാണ് കേരളത്തില്‍നിന്ന് അപ്രത്യക്ഷനായത്. ഇതുസംബന്ധിച്ച പരാതിയില്‍ പൊലീസ് കേസുണ്ട്.

തിരൂരങ്ങാടി സ്വദേശി അബ്ദുല്‍ സലീം, 2018ല്‍ വിസിറ്റിങ് വിസയില്‍ യു.എ.ഇയിലേക്ക് പോവുകയായിരുന്നു. തുടര്‍ന്ന് ഡ്രോണ്‍ ആക്രമണത്തില്‍ കൊല്ലപ്പെട്ടന്ന് വിവരം ലഭിച്ചിരുന്നു. ഇയാളാകാം ജയില്‍ മോചിതനായതെന്ന സംശയം കേന്ദ്ര ഏജന്‍സികള്‍ക്കുണ്ട്. ഡ്രോണ്‍ ആക്രമണത്തില്‍ കൊല്ലപ്പെട്ടുവെന്നത് തെറ്റായ പ്രചരണമായിരുന്നിരിക്കാം എന്നും വിലയിരുത്തുന്നു.