മൈസൂര്‍ കൂട്ട ബലാത്സംഗക്കേസില്‍ പ്രതികളെന്ന് സംശയിക്കുന്നവരില്‍ മലയാളി വിദ്യാര്‍ത്ഥികളും ഉണ്ടെന്നാണ് സൂചന. സംഭവശേഷം മൈസൂരില്‍ നിന്ന് കാണാതായ മൂന്ന് മലയാളി വിദ്യാര്‍ത്ഥികള്‍ക്കായി പോലീസ് അന്വേഷണം ആരംഭിച്ചു. കേസില്‍ ഒരു തമിഴ്‌നാട് സ്വദേശിയും ഉള്‍പ്പെട്ടിട്ടുള്ളതായി പോലീസ് സംശയിക്കുന്നു. പ്രതികളെന്ന് സംശയിക്കുന്നവര്‍ പിറ്റേദിവസത്തെ പരീക്ഷയെഴുതിട്ടില്ലെന്നും ഇവര്‍ നാല് പേരും പെണ്‍കുട്ടി പഠിക്കുന്ന അതേ കോളജിലെ വിദ്യാര്‍ത്ഥികളാണെന്നും പോലീസ് പറഞ്ഞു.

പ്രതികള്‍ നാട്ടുകാരായിരിക്കാമെന്ന സംശയത്തില്‍ സംഭവവുമായി ബന്ധപ്പെട്ട് മുപ്പതിലധികം പ്രദേശവാസികളെ പോലീസ് ചോദ്യം ചെയ്തിരുന്നു. എന്നാല്‍ ഇതില്‍ നിന്നും പ്രദേശവാസികള്‍ക്ക് പങ്കില്ലെന്ന് പോലീസിന് വ്യക്തമായി.
സ്ഥലത്തെ ടവര്‍ ലൊക്കേഷന്‍ കേന്ദ്രീകരിച്ച് നടത്തിയ അന്വേഷണത്തിലാണ് കേസില്‍ നിര്‍ണ്ണായകമായ വഴിത്തിരിവുണ്ടായത്. സംഭവസമയത്ത് സ്ഥലത്ത് ആക്ടീവായിരുന്ന മൊബൈല്‍ നമ്ബറുകള്‍ കേന്ദ്രീകരിച്ച് നടത്തിയ അന്വേഷണം പ്രതികളെന്ന് സംശയിക്കുന്ന ആറ് പേരിലേക്ക് എത്തുകയായിരുന്നു. ഇതില്‍ മൂന്ന് മലയാളി വിദ്യാര്‍ത്ഥികളിലേക്കും തമിഴ്‌നാട് സ്വദേശിയിലേക്കും അന്വേഷണം എത്തുകയായിരുന്നു.
കോളജിലെത്തി നടത്തിയ പരിശോധനയിലാണ് സംഭവശേഷം ഇവരെ കാണാനില്ലെന്ന വിവരം പോലീസിന് ലഭിച്ചത്. കര്‍ണാടക ആഭ്യന്തരമന്ത്രി അരഗ ജ്ഞാനേന്ദ്രക്കൊപ്പം നടത്തിയ വാര്‍ത്താ സമ്മേളനത്തിലാണ് ഐജി നിര്‍ണായകമായ വെളിപ്പെടുത്തല്‍ നടത്തിയത.