സി പി എം നേതാക്കള്ക്ക് ആഫ്രിക്കയിലെ സിയറ ലിയോണില് നിക്ഷേപമുണ്ടെന്ന സംശയത്തില് കേന്ദ്ര ഏജന്സികള് വിവരശേഖരണം ആരംഭിച്ചു... ആഫ്രിക്കയിലെ സിയറ ലിയോണിലെ സ്വര്ണ്ണഖനിയില് സ്വര്ണ്ണക്കള്ളക്കടത്ത് കേസിലെ പ്രതിക്ക് നിക്ഷേപമുണ്ടെന്ന് സൂചന ലഭിച്ചതോടെ അന്വേഷണം പുതിയ തലത്തിലേക്ക് ....
സി പി എം നേതാക്കള്ക്ക് ആഫ്രിക്കയിലെ സിയറ ലിയോണില് നിക്ഷേപമുണ്ടെന്ന സംശയത്തില് കേന്ദ്ര ഏജന്സികള് വിവരശേഖരണം ആരംഭിച്ചു.
ആഫ്രിക്കയിലെ സിയറ ലിയോണിലെ സ്വര്ണ്ണഖനിയില് സ്വര്ണ്ണക്കള്ളക്കടത്ത് കേസിലെ പ്രതിക്ക് നിക്ഷേപമുണ്ടെന്ന് സൂചന ലഭിച്ചതോടെയാണ് പുതിയ തലത്തിലേക്ക് അന്വേഷണം വ്യാപിപ്പിക്കുന്നത്.
നിക്ഷേപം നിലമ്പൂരിലെ ഇടത് എംഎല്എ പി.വി. അന്വര് സിയറ ലിയോണില് നടത്തിവരുന്ന സ്വര്ണ്ണഖനന ബിസിനസ്സിലാണോ എന്ന ചോദ്യത്തിനാണ് കേന്ദ്ര ഏജന്സികള് സ്വാഭാവികമായി ഉത്തരം തേടുന്നത്.
പി.വി.അന്വറിന് സീറ്റ് നല്കുന്നതില് വ്യാപകമായ എതിര്പ്പുണ്ടായിരുന്നെങ്കിലും അതിനെയെല്ലാം മറികടന്നാണ് സീറ്റ് നല്കിയത്.പണമുള്ളവര്ക്ക് നിഷ്പ്രയാസം സീറ്റ് ലഭിക്കുമെന്നാണ് അന്ന് പറഞ്ഞു കേട്ടിരുന്ന തമാശ. എ കെ ബാലന്, ജി.സുധാകരന്, തോമസ് ഐസക് തുടങ്ങിയ നേതാക്കള്ക്ക് സീറ്റ് നിഷേധിക്കപ്പെട്ടപ്പോഴാണ് അന്വറിന് വീണ്ടും സീറ്റ് നല്കിയത്. സി പി എം നേതാക്കള്ക്ക് ഇതില് ഇപ്പോഴും എതിര്പ്പ് മാറ്റിയിട്ടില്ല. അന്വറിന്റെ സാമ്പത്തിക ബലത്തില് മാത്രമാണ് അദ്ദേഹം നിലമ്പൂരില് നിന്നും വീണ്ടും ജയിച്ചത്.
നിയമസഭാ തെരഞ്ഞെടുപ്പില് വിജയിച്ച ശേഷം പി.വി. അന്വര് എംഎല്എ സിയറ ലിയോണില് സ്വര്ണ്ണഖനനത്തിനായി തിരക്കിട്ട് പോയത് വലിയ വാര്ത്തയായിരുന്നു. അന്വര് മുങ്ങിയെന്നായിരുന്നു അല്പം പരിഹാസത്തോടെ സമൂഹമാധ്യമങ്ങളില് വാര്ത്ത പരന്നത്. എന്നാല് സാമ്പത്തിക പ്രതിസന്ധിമൂലം നാട്ടില് നില്ക്കാന് കഴിയാത്ത സാഹചര്യമുണ്ടെന്നും അതിനാല് സിയറ ലിയോണില് സ്വര്ണ്ണഖനനത്തിന്റെ തിരക്കിലാണെന്നുമുള്ള വിശദീകരണം പി.വി. അന്വര് എംഎല്എ തന്റെ ഫേസ്ബുക്കില് കുറിച്ചിരുന്നു.
എന് ഐഎയും കസ്റ്റംസും അറസ്റ്റ് ചെയ്യുകയും പിന്നീട് ജാമ്യത്തിലിറങ്ങുകയും ചെയ്ത പ്രതിയാണ് സിയറ ലിയോണിലെ സ്വര്ണ്ണഖനിയില് തനിക്ക് നിക്ഷേപമുള്ളതായി ഈയിടെ വെളിപ്പെടുത്തിയത്. നയതന്ത്ര, സ്വര്ണ്ണക്കടത്തിലെ കൂട്ടുപ്രതികളോടാണ് ഇയാള് ഇക്കാര്യങ്ങള് വെളിപ്പെടുത്തിയെതെന്നറിയുന്നു. നിരവധി രാഷ്ട്രീയ ഉന്നതര്ക്ക് സിയറ ലിയോണിലെ സ്വര്ണ്ണഖനിയില് നിക്ഷേപമുള്ളതായി കേന്ദ്ര ഏജന്സികള് സംശയിക്കുന്നു.
കരിപ്പൂര്, കണ്ണൂര് വിമാനത്താവളങ്ങള് കേന്ദ്രീകരിച്ച് നടക്കുന്ന സ്വര്ണ്ണക്കടത്തില് സി പി എം നേതാക്കള്ക്കും പ്രവര്ത്തര്ക്കും ബന്ധമുണ്ടെന്നാണ് പറയപ്പെടുന്നത്. ഇക്കാര്യം പ്രതികളില് നിന്നു തന്നെ കേരളം അറിഞ്ഞ യാഥാര്ത്ഥ്യമാണ്. കേന്ദ്ര ഏജന്സികള് ഇത് സംബന്ധിച്ച് കൂടുതല് അന്വേഷണങ്ങള് നടത്തുന്നതിനിടയിലാണ് പ്രതികളുടെ നിലമ്പൂര് ബന്ധം പുത്തു വന്നിരിക്കുന്നത്. അറിയപ്പെടുന്ന പല നേതാക്കള്ക്കും സിയറ ലിയോണില് നിക്ഷേപമുണ്ടെന്നും അത് നിയന്ത്രിക്കുന്നത് എം എല് എ ആണെന്നുമുള്ള സംശയമാണ് അന്വേഷണ ഏജന്സികള്ക്കുള്ളത്. ഇത് സത്യമാണെങ്കില് അത് കേരളം ഞെട്ടാന് പോകുന്ന വാര്ത്തയായിരിക്കും.
പി.വി. അന്വറിനെതിരെ ഒരക്ഷരം സംസാരിക്കാനുള്ള ധൈര്യം പല സി പിഎം നേതാക്കള്ക്കുമില്ല. അതിന്റെ ഗുട്ടന്സും കേന്ദ്ര ഏജന്സികള്ക്ക് ലഭിച്ചിട്ടുണ്ട്. തീര്ത്തും ദുര്ബലനായ ഒരു വ്യക്തിയെ വലിയ സംഘടന ഭയക്കുന്നത് എന്തുകൊണ്ടാെണെന്ന സംശയത്തിനാണ് കേന്ദ്ര ഏജന്സികള്ക്ക് മറുപടി ലഭിച്ചിരിക്കുന്നത്. പി.വി.അന്വര് ബി ജെ പി യുടെ നോട്ടപുള്ളിയായതിനാല് ഇതിന്റെ വിശദാംശങ്ങള് അവര് ഖേരിക്കുന്നുണ്ട്. അത് അന്വേഷണ ഏജന്സികള്ക്കു കൈ മാറിയിട്ടുണ്ട്.
മാധ്യമങ്ങളെല്ലാം അന്വറിന്റെ സ്വര്ണ്ണ ഖനിയുടെ വാര്ത്തകള് പുറത്തുവിട്ടിട്ടും അന്വറിനോ സി പി എമ്മിനോ ഒരനക്കവുമില്ല. അന്വര് ഇത്തരം വിമര്ശനങ്ങള് കേട്ടമട്ടേയില്ല.
ഏറെ കോളിളക്കമുണ്ടാക്കിയ സ്വര്ണ്ണക്കടത്ത് കേസിലും സ്വര്ണ്ണ കവര്ച്ചകേസിന് ബന്ധമുണ്ടോ എന്ന പരിശോധനയും കേന്ദ്ര ഏജന്സികള് നടത്തുന്നുണ്ട്.. ഏതായാലും കട്ടന് ചായയുടെയും മുറി ബീഡിയുടെയും കാലഘട്ടത്തില് നി ന്നും നേതാക്കള് ഇ ക്ലാസ് ബെന്സിലേക്ക് മാറിയതിന്റെ രസകരമായ കഥയാണ് കേന്ദ്ര ഏജന്സികള് തേടുന്നത്.
https://www.facebook.com/Malayalivartha
