കെ.സി.വേണുഗോപാല്‍ ഇനി കേരളത്തിലേക്ക്. 2026 ലെ നിയമസഭാ തെരഞ്ഞടുപ്പില്‍ മുഖ്യമന്ത്രി സ്ഥാനാര്‍ത്ഥിയാവുകയാണ് വേണുവിന്റെ ലക്ഷ്യം. അതിനിടയില്‍ സതീശനെയും സുധാകരനെയും ഒതുക്കാമെന്ന് വേണു കരുതുന്നു.

കെ സി കേരളത്തെ നോട്ടമിട്ടിട്ട് കാലമേറെയായി.ചെന്നിത്തലയെയും ഉമ്മന്‍ ചാണ്ടിയെയും ഒതുക്കിയതു തന്നെ അതിന് വേണ്ടിയാണ്. കെ.സി.േ വേണുഗോപാലിനെതിരെ സംസാരിക്കുന്ന എല്ലാവരെയും ഇല്ലാതാക്കാനാണ് വേണുവിന്റെ ഉദ്ദേശ്യം.

ഉമ്മന്‍ ചാണ്ടിയും ചെന്നിത്തലയും ആത്യന്തികമായി ലക്ഷ്യമിടുന്നത് കെ സി വേണുഗോപാലിനെയാണ്. സുധാകരനെയും സതീശനെയും അവര്‍ എതിര്‍ക്കുന്നത് വേണുഗോപാലിനെ ലക്ഷൃമിട്ടാണ്. സതീശനും സുധാകരനും വേണുവിന്റെ പിന്നില്‍ അണിനിരക്കുകയാണ്. തങ്ങളെ കെ.പി.സി.സി അധ്യക്ഷനും പ്രതിപക്ഷ നേതാവുമാക്കിയത് വേണുഗോപാലിന്റെ ക്യപാകടാക്ഷം കൊണ്ടാണെന്ന് ഇവര്‍ക്കറിയാം.

എന്‍ എസ് എസിന്റെ പിന്തുണ വേണുവിനാണ്. രാഹുല്‍ ഗാന്ധി അനുസരിക്കുന്നത് വേണുഗോപാലിന്റെ വാക്കുകള്‍ മാത്രമാണ്. കേരളത്തിലെ സമുദായ സാഹചര്യം അനുസരിച്ച് വേണുവിനാണ് ഭാവി. പി.കെ.കുഞ്ഞാലിക്കുട്ടിക്കും വേണുവിനോടാണ് താത്പര്യം. രാഹുല്‍ ഗാന്ധിയും കുഞ്ഞാലിക്കുട്ടിയും തമ്മിലുള്ള ബന്ധത്തിന്റെ ഇടനില ഇപ്പോള്‍ വേണുഗോപാലിനാണ്.

ഉമ്മന്‍ ചാണ്ടിയോടും ചെന്നിത്തലയോടും ഹൈക്കമാന്റിന് താത്പര്യമില്ലെന്ന കാര്യം ആരെക്കാളധികം അറിയുന്നത് ലീഗിനും കുഞ്ഞാലിക്കുട്ടിക്കും തന്നെയാണ്. ഘടകകക്ഷികളില്‍ ഉമ്മന്‍ ചാണ്ടിയുമായി ബന്ധം പുലര്‍ത്തുന്നത് ആര്‍ എസ് പിയും കേരള കോണ്‍ഗ്രസും മാത്രമാണ്. ലീഗ് വേണുഗോപാലിന്റെ പോക്കറ്റിലായിട്ടാണ് കാലങ്ങളായി.

ആര്‍ എസ് പിക്കും കേരള കോണ്‍ഗ്രസിനും ജനപിന്തുണ കുറവാണ്. അതു കൊണ്ടു തന്നെ ഇവരുടെ വാക്കുകള്‍ക്ക് ഹൈക്കമാന്റ് വലിയ വില കല്‍പ്പിക്കാന്‍ സാധ്യത കുറവാണ്. പി.ജെ. ജോസഫിന്റെ തവസ്ഥ തീര്‍ത്തും പരിതപകരമാണ്.

കെ.സി. വേണുഗോപാലിനെതിരെ കോണ്‍ഗ്രസില്‍ പടയൊരുക്കം തുടങ്ങി. കെസി യുടെ പിന്തുണയോടെയാണ് കെ.സുധാകരനും വി.ഡി.സതീശനും കോണ്‍ഗ്രസിലെ മുതിര്‍ന്ന നേതാക്കള്‍ക്കെതിരെ രംഗത്തെത്തുന്നതാണെന്നും നേതാക്കള്‍ കരുതുന്നു.

കോണ്‍ഗ്രസ് ഹൈക്കമാന്‍ഡിനെ വെല്ലുവിളിക്കുകയും വന്യമായ ആരോപണങ്ങള്‍ ഉന്നയിക്കുകയും ചെയ്ത കെപിസിസി സെക്രട്ടറി പിഎസ് പ്രശാന്തിനെ പാര്‍ട്ടിയില്‍നിന്നു പുറത്താക്കിയതായത് വേണുവിന്റെ നിര്‍ദ്ദേശപ്രകാരമാണ്.



ഗുരുതരമായ അച്ചടക്കലംഘനത്തിന് പ്രശാന്തിനെ നേരത്തെ സസ്‌പെന്‍ഡ് ചെയ്തിരുന്നു. എന്നാല്‍, തെറ്റു തിരുത്താന്‍ തയാറാകാതെ വീണ്ടും അടിസ്ഥാനരഹിതമായ ആരോപണങ്ങള്‍ ഉന്നയിക്കുകയാണ്. പാര്‍ട്ടിയെയും പാര്‍ട്ടി നേതാക്കളെയും അപകീര്‍ത്തിപ്പെടുത്താന്‍ ആരെയും അനുവദിക്കില്ലെന്നു സുധാകരന്‍ പ്രസ്താവനയില്‍ അറിയിച്ചു.

നിയമസഭാ തിരഞ്ഞെടുപ്പില്‍ നെടുമങ്ങാട്ടെ യുഡിഎഫ് സ്ഥാനാര്‍ഥിയായിരുന്നു പി.എസ്.പ്രശാന്ത്. ഡിസിസി അധ്യക്ഷന്‍മാരെ പ്രഖ്യാപിച്ചതിന് പിന്നാലെ പി.എസ്.പ്രശാന്ത് കലാപക്കൊടി ഉയര്‍ത്തിയിരുന്നു.

കെ.സി.വേണുഗോപാലിനെതിരെ ഗുരുതരമായ ആരോപണങ്ങള്‍ ഉന്നയിച്ച് പ്രശാന്ത് രാഹുല്‍ ഗാന്ധിക്ക് കത്തയച്ചിരുന്നു. വേണുഗോപാല്‍ ബിജെപി ഏജന്റാണെന്നും കോണ്‍ഗ്രസിനെ തകര്‍ക്കുന്നുവെന്നും പ്രശാന്ത് ആരോപിച്ചിരുന്നു.

തിരുവനന്തപുരം ഡിസിസി അധ്യക്ഷനായി തിരഞ്ഞെടുത്ത പാലോട് രവിക്കെതിരെയും പ്രശാന്ത് രംഗത്തെത്തിയിരുന്നു. പുറത്താക്കിയതിന് പിന്നാലെ നാളെ മാധ്യമങ്ങളെ കാണുമെന്ന് പ്രശാന്ത് അറിയിച്ചിട്ടുണ്ട്